Warsaxaafadeed ka soo baxay xafiiska Gargaarka ee ARS asmara
Warsaxaafadeed maanta ka soo baxay xafiiska samafalka ee
Isahaysiga dib u xoreynta Soomaaliya ayaa lagu sheegay in dalka
Soomaaliya ay ka jirto abaaro baahsan oo saameyn balaaran ku
yeeshay nolosha dadweynaha Soomaaliyeed ee ku dhaqan gobolada
dalka.
War-saxaafadeedkan ayaa lagu xusay in shacabka Soomaaliyeed
oo horeba ula il darnaa colaad sabatay xasuuq, barakac, xabsi
dhac iyo boob ayaa xilligan waxaa ku habaday abaar ba’an oo baad
iyo biyo la’aanta dalka ka jirta awgeed waxay galaafatay nolosha
dadka maatida ah sidoo kale waxa la’day xoolo u badan geesley.
Xaaladda abaarta waxa sii xumeeyay ayaa lagu yiri
war-saxaafadeedkan ammaan la’aanta baahsan ee dalka ka
jirtataasoo uu sababay gumeysiga dalka qabsaday, waxayna saameyn
balaarani ku yeelatay bad iyo beriba iyadoo ay xoogeysatay
burca-badeedii xilli ay xeebaha Soomaaliya dhooban
yihiinmaraakiib shisheeye oo sheeganeysa inay nabadda geyiga
sugayaan.
War-saxaafadeedkan ayaa waxa kale uu ku baaqayaa in laga hor
tago wax kasta oo sicir barar ku keeni kara bulshada
Soomaaliyeed ee la liidata nafaqo darida, oonka iyo cudurrada
sida shuban-biyoodka ku faafay goobaha ay ku sugan yihiin dadka
maatida ah ee uu cadowgu soo barakiciyay.
Waxa kale oo uu bulshada Soomaaliyeed ee wax haysata uu ugu
baaqayaa inay taageeraan gar-gaarna u fidiyaan walaalahooda ku
dhibaataysan gudaha dalka Soomaaliya.
Ugu dambeyntii war-saxaafadeedkan ku soo baxay xafiiska
samafalka ee Isbahaysiga dib u xoreynta Soomaaliya wuxuu ka
codsaday hay’adaha samafalka kuwa goboleed iyo kuwa dowliga ahba
inay gar-gaar aadannimo la soo gaaraan maatida Soomaaliyeed ee
ay waxyeeladu ka soo gaartay abaaraha baahsan ee ka jira gobolo
badan oo dalka ka mid ah, ayaa lagu yiri war-saxaafadeedkan.