Warbixin ka soo baxdey xafiiska Midwest
Consulting Solutions ee cariga Waqooyiga Ameerika
Maalinamadii Axada 24-ka Agoosto, 2008 ayaa waxaa ka dhacay
shir xarunta hay’ada Midwest Consulting Solutions ee magaalada
Minneapolis, Gobalka Minnesota. Shirkan ayaa ka soo qeyb galay
aqoonyahano Soomaali ah, qeybo ka mid ah mas’uuliyiinta Gobalka
Minnesota, (waa halka Soomaalida qurba joogta ah u badan yihiin)
iyo khubaro cilmi baaris ah oo ka kala socdey Jaamacada kala
duwan oo daneynayey arimaha degaanada Puntland ee Soomaaliya.
Shirkan waxaa soo agaasimay mas’uulka hay’ada Midwest Consulting
Solutions, waxaana shirka lagu lafa gurayey kheyraadka dabiiciga
ah ee Puntland dhex ceegaaga, nidaamka dawlad wanaaga iyo
ilaalinta xuquqda insaanka.
Madaxa Xafiiska Midwest Consulting Solutions
Mudane, Cismaan Yuusuf Maxamuud
Mas’uulka Hayada MCS ee Mudane, Cismaan Yuusuf Maxamuud ayaa
warbixin dheer laga dhageystey ku saabsanaa arrimaha Puntland.
Mas’uulka ayaa ku dheeraadey in hanaanka maamul wanaaga Puntland
uu aad u dabacsan yahay, isaga oo cilada maamul xumo dusha uga
tuuray xirafad yarida hawl wadeenada dawlada iyo golaha
xukuumada oo aan tayo dhaqaale ama wax soo saar taabagal leh aan
muujinin.
Khabiir cilmiga xuquuqda insaanka ayaa ku
tilmaamay caburinta saxaafada Puntland in ay tahay gabood fal
fekerka iyo horumarka shacabka Puntland. Waxaana uu ku macneeyey
falalkan caburinta saxaafada kuwa dib u socod ah oo lid ku ah
horseedka bulshada.
Sidoo kale, waxaa hay’ada ay soo bandhigtey
qaabka ugu wacan ee hanaan doorasho loo geli karo, iyada oo aan
xadgudub nabbad gelyo xumo dhicin. Mas’uulka hay’ada MCS ayaa
soo dhaweeyey heshiisyada horumarineed ee DGPL, wallow xilli
dorasho kaabada loo saran yahay. Shirkan oo ay hay’ada caalami
ah ay daneynayeen iyo saaxafado gaar ah oo laga leeyahay dalka
Mareykanka ayaa ku tibaaxey in isbadalada dimoqoraadiyadeed ee
Geeska Afrika ay wanaag badan oo dhaxal gal soo wadaan.
Ugu dambeyntii, ayaa saadaalin iyo xog is
dhaafsi ka dhiibteen aqoonyahanadii Soomaalida, iyaga oo aad u
soo dhaweeyey loolanka jagada madaxweynanimada DGPL u tartamayo
mudane, Candiraxmaan Maxamed “Farole”, kaas oo lagu tilmaamay
hogaamiye hal abuur leh, lehna xirfad dawladeed oo hanaan
balaaran xambaarsan. Iyada oo loo qirey in uu yahay nin
horumarineed, lana jaan qaadi kara isbadalada taagan ee degaanka
Puntland, taas oo u saamaxeysa baa la yiri: “waaya’aragnimo
dheeraad ah oo uu leeyahay aasaaskii DGPL iyo baahida taagan ee
bulshada”.
Fadhigan waxa uu ahaa kii ugu horeeyey ee
daraasad Jaamacadeed, iyo mid hay’adeed isku weydaarsadeen oo
looga hadlayo aayaha Puntland ee nidaamka doorashooyinka xorta
ah, si loo higsado hanaan quman oo dhaxal gal leh.
omahamoud@gmail.com