Warbixin- Sidee baa General Cabdulahi Axmed Jamac[Ilka Jiir] looga soo dhoweeyey DhaharDhahar:- Musharaxa Madaxweynaha soo socda ee Puntland General Cabdulaahi Axmed Jaamac Ilka Jiir ayaa maanta duhurkii soo gaarey Degmada Dhahar ee gobolka Sanaag iyadoo Generalka loogu soo dhoweyey si madax weynino isla markaana damaashaad iyo dabaal deg loogu soo dhoweyey. Ciidamo tiro badan iyo Fardihii Sunaariga ayaa waxay Generalka iyo wefdigiisii kaga hortageen Laamiga iyo tuulada Alxamdulilah dabeedna ay ciidamadii halkaa Salaan ku siiyeen soona gelbiyeen.
Jaamac Ayaanle iyo Maxamed Ciise oo ka mid ah Saxafiyiinta Madaxa banaan ee Dhahar iyo LaasqorayNET oo wehiliya Wefdiga goor aanu la xiriirney oo aanu weydiiney qaabka ay wax u dhaceen ayaa noo sheegey inuusan hore u arag soo dhoweyn sidan oo kale ah iyadoo uu sheegay in Magaaladu ay dhamaanteed isu soo baxdey.
Sidoo kale wariyaal kale oo ku sugan Magaalada Dhahar ayaa noo xaqiijiyey Generalka iyo wefdigiisa lagu soo dhoweeyey caleemo qoyan iyo calankii Jamhuuriyada Somalia.
Warar kale oo Hoose ayaa sheegaya in Generalku uu si Gaar ah ula kulmi doono Saraakiisha Ciidanka la dagaalanka Xaalufka oo ah kuwa aad u taysan isla markaana tababar milateri haysta, walaw aan si rasmi ah loo sheegin waxyaabaha ay ka wada hadlayaan.
Ciidanka la dagaalanka Xaalufka ee Degmada Dhahar ayaa kaalin xoogle ka qaatay soo dhawaynta Murashaxa iyagoo amniga magaalada sugayey isla markaana baabuurta Dagaalka ee gaashaaman ay magaalada gaaf wareegeysey.
Generalka ayaa isna si gaar ah ula hadley bulshada Dhahar in kooban una sheegey iney u diyaar garoobaan dal dhis, horumarin iyo iney ka shaqeeyaan ayaahooda.
Waxa uu Generalku sheegey inuu Berito Khudbad balaaran jeedin doono iyadoo aad moodid in Magaalada Dhahar ay noqotey mid hanatey bilada Dahabka ah.
Sidoo kale soo dhowaynta waxaa ka qaybqaatay ururada bulshada sida uurka danad iyo waliba sports- ka iyo waliba dad aad ubadan iyadoo maalinimada bari ahna la filayo in uu janaralku uu khudbad ka horjeediyo shacabka ku dhaqan degmada dhahar iyo waliba gudiga ilaalinta degaanka si khas ahaan ah
Soo dhawayntaasi ka dib ayaa waxa waftigaasi loo gudbiyay guriyihii loogu tala galay iyaga oo halkaasi loogu diyaar gareeyay Qadadii Maanta oo qorshu ahaa awal In Magaalada Dhahar lagu diyaar gareero.
Maanta waxay ahayd maalintii Dhahar iyadoo ay degmooyinka kale ee Gobolkuna ay sugayaan Generalka iyo wefdigan balaaran hase yeeshee waxaadba moodaa iney Dhahari kaalintey cayaartey aysan gaareyn degmooyinka kale.
Ilo ku dhawo dhawo Xafiiska Murashaxa ayaa
warbaahinta Gudaha u sheegay in maalinta Bari ah
uu kulan la qaadan doono Odayaasha Deegaanka iyo
dhamaan waxgaradka Degmada Dhahar. |