Xafiiska Qaramadda Midoobay u Qaabilsan Arimaha Siyaasadda
Soomaaliya oo shaaca ka qaadey xiliga ay kulmayaan gudiyadii ugu
muhiimsanaa heshiiskii Jabuuti, War-saxaafadeed
\War-Saxaafadeed ka soo baxay Xafiiska uu ku leeyahay Nayroobi
Ergeyga gaarka ah ee Qaramada Midoobey Amp; Ahmedou
Ould-abdallah oo oo ay ujeedadiisu tahay, kulan ay yeelanayaan
dhamaadka Usbuucaan aynu ku jirno Gudiyada labada dhinac ARS iyo
TFG-da oo ka dhicidoona 16-18-ka bishan Caasimada dalka Jabuuti,
islamarkaana ku qeexnaa Heshiiskii Jabuuti. Kadib markii wada
tashi lala yeeshay Dowladda Federaalka ku-meelgaarka ah iyo
Jabhadda Dib u Xuraynta Soomaaliya, waxaa la isla gartay in
Guddigii Arrimaha Nabadgelyadda ee qadobka (8 -aad) iyo Gudiggii
Sare ee qodobka (9-aad), taasoo la doonayo in ay ka soo qayb
galaan Ra’iisul Wasaare Nur Hassan Hussein iyo maddaxda Jabhadda
Dibu-Xoreynta Soomaaliya sida Sheikh Sharif Sheikh Ahmed iyo
Sharif Hassan Sheikh Aden, xubno ka socda bulshadda caalamka, oo
isugu jira diplomaasiyiin ka socota waddamo kala gedisan iyo
Urur goboleedyo, sida Fransa oo haysa guddoonka middowga Yurub,
Maraykanka, Ingriiska, Ururka Midowga Afrika, Jaamacadda
Carabta, Ururka wadamadda Islaamka iyo IGAD, sidoo kale waxaa
goob joog ka ahaan doona Hay’adda UNDP iyoWakiilo ka socda
bulshada rayidka oo lagu martiqaadey shirka.
Waxaa kale war-saxaafadeedkan Amp; Ahmedou Ould-abdallah ku
xusnaa, baaq uu ujeedinayo Baarlamaanka Soomaaliya in uu hakiyo
howlihiisa la xiriira arrimaha siyaasadda qarkood mudadda u
dhexaysa 15-20 Agoosto, Si loogu fududeeyo ka qaybgalka ay ka
qayb galayaan xubnaha baarlamaanka kulanka guddiyada Jabuuti ay
ku yelanayaan.
“ Waxaan donayaa in xubnaha baarlamaanka Somaliyeed ay muujiyaan
sida ay ooga go’an tahay tageerada ay u hayaan geedi socodka
nabadda iyo ayaaha ummadda Somaliyeed” ayuu ku sheegey
War-saxaafadeedkiisa Ahmedou Oul-Abdallah.
Maxamed Macallin Cismaan(All-man)Somalitalk Jabuuti.
fatxumaalik@hotmail.com