Tafaraaruqa Tabcanayaasha Tigreega
Labadii Laqdabo ku shesheesiisa Lillaahi ayey ku dagaalaan!
Bashiir M. Xersi
brdiraac@hotmail.com
Trtipoli-libya
Waxaa isa soo taraya maalmahaan dambe khilaaf u dhexeeya Madaxda sare ee
Dawladda Empagathi, khilaafkan oo soo bilwdii dhisimihii xukuumaddii ugu
horresay ee loo yagleelo Dawladda Empagathi, soona maray heerar iyo marxalado
kala duwan, khilaafkan oo ku qutmao awood qaybsiga iyo kala qaybsiga lacagaha
soo galo ama laga helo Dalalka Shisheeye ee loogu deeqo Shacabka dhibaataysan ee
la itaalka daran Qaxa, Sicir bararka iyo dhibaatooyinka kale ee aan la soo koobi
Karin.
Tafaraaruqa Tabcanayaasha Tigreega oo soo shaac baxay markii Maamul
Gobeleedka Punt land uu heshiis la saxiixday Shirkad Shidaalka soo saarta,
arantaasuu hor istaagay Cali Maxamed Geeddi isagoo ku doodaya inay waajinb tahay
in Dawladda ay wax ka ogaato heshiiskaas, arintaas o ka caraysiisay C/Laahi
yuusuf iyo Maamulka punt land, waxaa arinta sii cakiray oo sii murjiyey arin u
eg: Kayga anaa iska leh kaaga kula lihi, oo ku saabsan maamulka Gobalka Banaadir
iyo haggiidda Nidaamka Caasimadda ee Muqdisha oo Geeddi Jeclaan lahaa in looga
dambeyo wax badan oo ku saabsan Maamulka Gobalka Banaadir maadaama uu yahay
goof-yaalka(Inanka Goofka), balse arintaas ma dhicin.
Khilaakan u dhexeeya madaxda sare ee Dawladda Empagathi ayaa waxaa sii
kobciyey lacago laga helay Dalka Sacuudi Carabiya(KSA), lacagtaas oo gaaraysa
ilaa 35.000000$ sodon iyo shan milyan oo Dollar, lacagtaan oo keentay is
maandhaaf weyn oo sii huriyey is mari waagii horay u taagnaa, wuxuuna Maaso
qabad siiyey jawigii horay u cakirnaa, lacagtaas oo loogu tala galay arimaha la
xiriira Dib-u-heshiisiinat iyo Nabadaynta.
Tafaraaruqa Tabcanayaasha Tigreega u dhexeeya waxaa cirka ku sii
shareeray xarigga loo gaystay Guddoomiyaha Maxkamadda sare: Yuusuf Cali Haaruun,
xabsi u taxaabidda Guddoomiyha ayaa waxaa lagu eedayey inuu ka dambeeyey
Madaxweyne C/Laahi yuusuf oo ku soo duggaalay Xeer Ilaaliyaha guud ee Qaranka:
C/Laahi Yuuf Barre, arintaan oo ka caraysiisay Cali Maxamed Geeddi kuna dalbaday
kal fadhi ay isugu yimaadeen Golaha Xukuumaddiisa in si shuruud la’aan ah lagu
sii daayo Guddoomayaha Maxkamadda sare, dhanka kalana xil ka qaadis ku sameeyey
Xeer Ilaaliyaha Guud ee Qaranka, balse dhagaha laga furaystay bayaanka
Xukuumadda Geeddi lagana dhigay middaan shaqaynayn ama aan xilligaan la dhaqan
galin Karin.
Xiritaanka Guddoomiyaha maxkamadda sare waxay qayb ka tahay ku loolanka
awoodda siyaasadda dalka ee u dhexeeya Madax weyne: C/Laahi iyo Ra’isul wasaare:
Geeddi ee mudada soo jiitamayey kuna salaysan: Taydu ha Meel Marto iyo Anigaa
Iri, balse ma ahan tani markii ugu horraysy ee khilaafka u dhexeeya madaxda sare
ee Dawladda Empagathi uu bannaanka u soo boxo si weynna u shaac boxo, balse
waxaa jirtay laba mar oo ka horaysay; labada kolbana uu soo kala dhex galay
Wasiirka Arimaha Dibadda Xabashida Siyuu Misfin, kol waxay ahayd intii ay ku
go’doon sanayeen Degmada Baydhabo, khilaafkaas oo u dhexeeyey Sadaxda nin ee
kala ah: C/laahi, Geeddi, iyo Shiriifka hadda sheeganaya inuu dal Xoraynayo,
Misfin wuu ku guulaysaty inuu u kala dab qaado kana boqoolo Degmada Baydhabo
iyagoo gacmaha is haysta ama heshiis ah, kolkii xigtay waxay ahayd: markii ay
yimaadeen magaalada Muqdisha ka gadaal sidii kalkii hore oo kale waxaa safar
heshiisiin ah Muqdisha ku yimid Siyuu Misfin kuna guulaystay inuu isu keeno is
afgardna dhex dhigo kana duulo iyagoo si wada jir ah adeegga u wada.
Is maandhaafka u dhexeeya Qabaqablayaasha sare ee Dawladda Empagatti wuu
sii adkaaday, khilaafkiina cirka ayuu isku sii shareeray , arintiina waxay
gaartay barako maleh, xaalkiina aad ayuu u qaraaraaday heer uu gaaray inaan la
isla hadlin judhuna la isu dhihin la isna bariidin (Maxaad Qabtaa Qalbigey
Qaboojisaa), arintaanina waxay muujineeysaa heerka uu gaarsiisan yahay
ismaandhaafku, khilaafka xoogiisa iyo inta baaxadiisu la egtahay, mana ahan mid
sahlan ama fudud .
Waxaana looga yeeray madaxda khilaafka u dhaxeeyo magaalada Baydhabo oo
xarun u ah Baarlamaanka Dawladda Empagathi, balse waxaa is weeydiin mudan: miyuu
awoodaa Baarlamaanku inuu la xisaabtamo ama mid walba doowgiisa mariyo? Mise
sidii caadada ahayd ayaa waxaa imaan doona Wasiirka Arimaha Dibadda Dalka
Xabashida ee siyuu misfin siyuu uga badbaadiyo fashal iyo burbur ku yimaada
masharuucooda ku aadan sii haysashada Soomaaliya, iyo inay ku adeegtaan
dadyowga had iyo jeer u taagan hirgalinta ajendayaashooda , sida iska cad kol
kasta waxaa guuleysan doona ninka aay Xabashidu taageero siiso ama ay u arkaan
inuu si niyad sami ah u fulinayo awaamirta iyo qorshayaasha gurracan ee Tigreegu
ka leeyahay Soomaaliya . Waxaa hubaal ah in daba dhilifnimada labada nin
aysan kala yareyn balse ay ku kala fara dhuudhuuban yihiin dhex galka iyo ku
milmidda heer uu gaaro inaan laga sooci Karin amaba uu ka mid noqdo, waxaa dad
badan rumeysan yihiin in Geeddi uga dhawyahay Tigreega, sidaa darteed uu
Baarlamaanku ku guul dareystay inuu xilka qaadis ku sameeyo ama ugu yaraan uu
kala xisaabtamo wax qabadka xukuumaddiisa mooshinadaasuu dabada ka riixayay
taageersanaana C/laahi Yuusuf balse aan meel mar noqon, wuxuuna intaa ku soo
gaaray taageerada uu ka heeysto Tigreega, maadaama uu luqaddii yaqaano in
badana uu ku noolaa magaalada Addis Ababa, arimahaas iyo kuwa kale oo la xiriira
ayaa sababay inuu sii hayo xilka Ra'isul wasaarenimada .
War bixinta sanad laha ah ee uu soo saaro Ururka Hufnaanta Caalamiga ah
ee xaruntiisu tahay magaalo madaxda Dalka Jarmalka ee Berlin waxey ku xustay in
dalal ay ka mid tahay Soomaaliya uu daashaday musuq maasuq iyo wax isdaba maris
ka dhashay maamul xumada ka jirta nidaamka garsoorka oo aan madax bannaaneyn
iyo wax daba galo oo aan jirin hantida soo gasha Dawladda iyo cid la xisaabtanta
meesha ay ku bexeen wixii la soo helay? Ururkan oo ka soo saaro sanad walba
warbixin Dalalka ugu nidaamka wanaagsan iyo kuwa ugu nidamka xun wuxuu sanadkan
Soomaaliya ku daray sadaxda dal ee ugu musuq maasuqa badan Dunida waxaana ku
weheliya Dalalka Ciraaq iyo Boorma ayna soo raacdo Afqaanistaan .
Ujeedka aan warbixitaan u soo qaatay ayaa waxay tahay in musuqu yahay
qayb kamida khilaafka u dhexeeya madaxda sare ee Doowlada Empagathi , balse
marka si kooban loo sheego xudunta khilaafka ayaa waxay tahay :
-Awood qeeybsiga u dhexeeya madaxweeyne C/laahi Yuusuf iyo Ra'iisul wasaare
Geedi ee ku lug leh hab maamlka Dalka , kala hagidda Hay’adaha Dalka,
Dabagalidda Wakaaladaha Dalka iyo la xisaabtan kooda, arintaan oo ka dhax
dhalisay labada nin khilaaf aan dhamaad laheyn oo joogta ah aynna muuqan xilli
uu soo gaba gaboobayo .
- Dhaqaalaha iyo maaliyadda: xubintaan waa xubinta ugu culus dhalisayna muran
xoog leh iyo is qabqabsi ballaaran, waxayna faraha ka baxaday cirkana isku sii
shareertay markii Maamul Gobaleedka Punt land heshiis shidaal baris ah la galay
shirkad Shiineys ah iyadoon Geeddi iyo xukuumaddiisa waxba lagala socod siinin,
ayse iska caddahay inuu C/Laahi wax ka ogaa , arintaan oo keentay dood kulul uu
soo jeediyay Geeddi kuna sheegay inuusan ismaamul Goboleed xaq u laheyn inuu
kaligiis heshiis la gaaro Shirkado Shisheeye iyadoon ogolaasho laga heysan
maamulka dhexe ee Dalka , waxaa sii murjiyay arinta lacagtii laga soo helay
Sucuudiga ee gaareeysay 35.000.000$ Sodon iyo Shan milyan oo dollar ee Geeddi
gacanta loogu riday taasoo C/Laahi ka xanaajisay isagoo ku tuhunsanaa Geeddi
lacago hore oo laga soo qaaday isla Sucuudiga horraantii sanadkan .
Waxaa kale oo qeyb weyn ka ah Tafaraaruqa Tabcanayaasha Tigreega
xiritaanka Gudoomiyaha Maxkamadda Sare: Yuusuf Cali Haaruun oo lagu eedeeyay
inuu ka dambeeyay Xeer Ilaaliyaha Guud ee Qaranka: C/Laahi Yuusuf Barre oo ka
goows heysta madaxweyne C/Laahi, taasoo Geeddi ka carey siisay uuna dalbaday in
la sii daayo Gudoomiyaha Maxkamada Sare xil ka qaadisna ku sameeyay Xeer
Ilaaliyaha Guud ee Qaranka.
Tafaraaruqa lixaadka leh ee u dhaxeeya Tabcanayaasha Tigreega wuxuu Iid
Farxad iyo Reyn reyn u yahay Isbaheeysiga dhawaan looga dhawaaqay magaalada
Asmara ee la magac baxay: Isbaheeysiga Did-u-xoreynta Soomaaliya iyagoo hal ku
dhaggooda yahay: Allow laba Dibi isku Jaan qaad oo mid noo jabi aan
Jiljilannee!
Bashiir M. Xersi
brdiraac@hotmail.com
Trtipoli-libya
Afeef: Aragtida qoraalkan waxaa leh qoraaga ku saxiixan
SomaliTalk.com | Sept 29, 2007
Labo
Xildhibaan oo C/llaahi Yuusuf uga digtay in uu xil ka qaadis ku sameeyo Cali
Geedi…
.Dagaalo aad u kharaar oo xalay ka dhacay Muqdisho...
.Markab Dagaal oo Faransiis ah oo loo soo dirayo Xeebaha..
.Ciidamadii Booliiska ee ku sugnaa Qabuuraha Barakaat oo..
.DFKMG waxba kama oga Barakaca Muqdisho ka socda...
.ONLF oo sheegtay in ay guulo ka gaartay dagaalo..
.Prof. Guure oo mar kale loo doortay Guddoomiyaha Ururka..
Wararka oo dhan ka akhri halkan... Sep 29
Binti Jaylaani oo Minneapolis, Minnesota USA Ku soo beegan October 6,
2007
Go’aamadii 191 Odey dhaqameedyada Beelaha Soomaaliyeed ay ku sixiixeen Xamar
oo dhameystiran.
Taariikh-da ma duugoowdo ee akhri Go’aamadii
ay gaareen
Su’aalihii Baarlamaanku weydiiyey wasiirka Wasaaradda dalxiiska iyo
duurjoogta Cali Xareed
Waxaa
ka mid ahaa: “Waxaan maqalney in dowladii TNG-da ay dowlada Liibiya la
gashay heshiis ay deyn uga qaadatay lacag dhan $7.5Milyan..”...
Akhri Jawaabaha
Cadde Muuse oo
Shaaca ka qaaday in ku "daalay" Madaxweynanimada
"waa waqtigii aan nasan lahaa..
anigu waan daaley.." Sidaas waxaa yiri Madaxweyanaha DGPL oo u waramayey
idaacada Codka Maraykanka, waxa kale oo uu ka hadalay
Batroolka..
![](/terry/arrowleft.gif)
![](/terry/arrowright.gif)
|