|
Xuska Maalinta Nabada Aduunka oo ay soo qaban qaabisay Jaaliyada Umada
Somaliyeed ee Dalka Kenya ayaa Maanta lagu qabtay Magaallada Nairobi.
Sept 21, 2007:
Munaasabadan oo ay ka soo qayb galeen madax ka kala socotay Baarlamaanka
KMG ah ee soomaaliya Qaramada Midoobay, bulshada caalamka iyo dadweyne
lagu casuumay ayaa looga hadlay mudnaanta ay nabada u leedahay aadanaha
guud ahaan si gaar ahna dadka soomaaliyeed ee ay nabad la'aantu wali ku
haysato meelo ka mid ah soomaaliya.
Gudoomiye ku xigeenka Jaaliyadda Umadda Somaliyeed ee Dalka Kenya
Mudane,Cumar Cabdi Xaashi oo halkaasi ka hadlay ayaa u diray dadka
soomaaliyeed meel walba oo ay
kala joogaan baaq nabadeed,wax walba oo colaad abuuri karana ay hal meel
uga soo wada jeestaan,waxa uuna ka dalbaday caalamka in ay dadka
soomaaliyeedba ku garab istaagaan Nabad ka dhalata dalka soomaaliyeed
guud ahaan taas oo maanta loo mari karo Wada hadal noo furo Qeybaha kala
duwan ee Somalida isku heysa Gacan ku heynta Dalka Somalia.
Dhinaca kale Guddoomiye ku xigeenka Jaalliyada Umada Somaliyeed ee Dalka
Kenya Mudane, Cumar Cabdi Xaashi ayaa Sheegay in Maanta waxa ka socda
Muqdisho iyo qeybo badan oo Somalia ka mid ah ay tahay Murugo aan ka
go'ayn Laabta inta Wadaniyiinta ah,Waxaana uu intaasi ku darey in
Magaallada Muqdisho ay Maalinkasta ku dhintaan dad badan oo Rayid ah oo
aan waxba galabsan,Taasi oo ka dhigeysa ayuu yiri rajo xumo ay
Jaalliyadaha Dibada kasii qaadaan Dalkoodii.
Guddoomiye ku xigeenka Jaalliyada Somalida Dalka Kenya Cumar Cabdi
Xaashi ayaa ku dheeraaday Muhiimada ay leedahay Nabad kuwada
noolaanshaha,Taasi oo horseedi karta ayuu Yiri Guddoomiye ku xigeenka
Jaaliyada Umada Somaliyeed ee Dalka Kenya inay Bulshada nabad kuwada
nool ay gaaraan Horumar sida Dib u dhiska Dalkooda,Kor u qaadista
Waxbarashada dalkooda,ilaalinta Caafimaadka Guud ahaan Bulshadooda iyo
la jaan qaadista dhamaan Howlaha ay ku hamiyaan dhamaan Wadamada Aduunka
inta Nabada ku caan-baxday,iyaddo uu ugu danbeyntii u Rajeyey Somalida
meelkasta oo ay joogaan inay ka shaqeeyaan Horumarka Dalkooda waxaana
hadaladiisa ka mid ahaa:-
"Waxaan Ilaahay Somalida uga baryayaa inay Sanadkan kiisa kale ku
gaaraan Nabad iyo Barwaaqo,Waxaana sidoo kale Somalida ugu Baaqayaa
inaysan walikood Xornimadooda iyo Sharaftooda mugdi gelin,waxaana
hadalkaasi uga dan leeyahay wararka ugu danbeeyey ee dalkeena ka
imaanaya ma ahan wax lagu farxo mana jecleysanayaan dhamaan inta
wadaniyiinta ah,Marka sidaasi darteed waxaan qabaa in labada dhinac isku
muujiyaan tanaasulaad waliba kuwa Ciidamada shisheeyw wada waa inay
ciidankaasi dalka ka saaraan si sanadkan kiisa kale nabad Somali ugu
wada noolaato" sidaasina waxaa yir Gudoomiye ku xigeenka Jaalliyada
Umada Somaliyeed ee Dalka Kenya. Mudane Cumar Cabdi Xaashi.
Dhanka kale waxaa halkaasi ka hadashay Guddoomiyaha Daladaha Ururada
Bulshada Rayidka ee Dalka Kenya Marwa Yaasmiin Cali oo sheegtay inay
Maanta aad uga xuntay Maalintii Nabada adunka inay Somalia ku jirto
Fowdo iyo Kala danbeyn la'aan kasoo bilaabatay Sanadkii 1991 oo ah
markii uu Dalka ka hayaamay Maamulkii Siyaad Barre,Waxayna intaasi ku
dartay inay aad uga mahadcelineyso Munaasabadan Maalinta Nabada Aduunka
ee Maanta lagu qabtay Nairobi oo ay soo qaban qaabisay Jaalliyada Umada
Somaliyeed ee Dalka Kenya.
Sidoo kale Mas'uulka tirsan Shirkada Horumarinta Aflaanta Somaliyeed ee
"Somallywood" oo lagu Magacaabo Ahmed Nuur Maxamed ayaa isagana halkaasi
ka jeediyey Khudbad Xiiso leh oo soo jiidatay dhamaan ka qeyb
galayaashii Munaasanadaasi lagu xusayey Maalinta Nabada Aduunka,Waxaana
arimaha ugu badan ee uu ka hadlay aheyd in laba bil oo isku xigta ay
Somalida kala qabsadeen Laba Shir oo mid waliba lagu sheegayo inuu
Somalida Danahooda ku saabsan yahay,Waxaase uu Ahmed sheegay in Somalida
ay ka dharagsan yihiin Wax waliba oo labadaasi shir looga hadlay,isagoo
ugu danbeyntii usoo jeediyey dhamaan Somalida inay ka shaqeeyaan Nabada
oo ay iska daayaan ishaysadka Dhexdooda ah,Waa sida uu Hadalka u dhigaye
Mas'ulkasi ka socday shirkada Horumarinta Aflaanta Somaliyeed ee
"Somallywood" Mr,Ahmed Nuur Maxamed.
Ugu danbeyntii Munaasabadaasi ayaa ku dhamaatay sidii loogu
talagalay,Waxaana Qof waliba oo Munaasabadaasi kaso qeyb galay u
Mahadceliyey Maamulka Sare ee Jaalliyada Umada Somaliyeed ee Dalka Kenya
ee soo qaban qaabiyey Munaasabadan ku saabsan Maalinta Nabada
Aduunka,Taasi oo ay Somalida Kenya ku tilmaameen inay Somalida ugu soo
aaday Maalin adeg,waa sida ay hadalka u dhigeene.
Faafin: SomaliTalk.com | Sept 22, 2007
 Baarlamaanka
DFKMG oo qaban qaabinaya qorshe loogu yeerayo Madaxweynaha iyo Ra’iisul
Wasaaraha DFKMG
Xildhibaan Maxamed Qanyare: "shir
45-casho socdey inay ku baxdo $8-milyan wax dhici kara ma ahan..."
Akhri...
 Afhayeenka
Madaxweyne-xigeenka Puntland oo Shaqaaqooyinka Laascaanood ku eedeeyey inuu ka
danbeeyo Xaabsade.... Akhri
Wasiirka
Wasaaradda Caafimaadka Dr. Qamar Cali
"waxaana jira oo la keeni doonaa 40-Konteenar oo isugu jira Daawo iyo Qalab
Caafimaad oo yaala dalka".. Akhri...
Dagaal
Culus Oo Isniintii ka dhacay Magaalada Marka
iyo Xildhibaan Qanyare Oo Sheegay Inay Sharcigii Awood Qayabsiga Ku Tunteen
Masuuliyiinta Dowlada Ugu Saraysa..
 Nin
Soomaali ah oo Talaadadii lagu xiray Maraykanka "ma aha Argaggaxiso ee waxaa loo
xiray arrin la xiriirta Daroogo..."
Cadde Muuse oo
Shaaca ka qaaday in ku "daalay" Madaxweynanimada
"waa waqtigii aan nasan lahaa..
anigu waan daaley.." Sidaas waxaa yiri Madaxweyanaha DGPL oo u waramayey
idaacada Codka Maraykanka, waxa kale oo uu ka hadalay
Batroolka..
| 
Daabaco
Boggan | Print