Xaflad lagu maamusayey Kacaankii ee dalka Liibiya oo ka dhacdey Muqdisho

FBI: "Ninka (Soomaaliga ah ee) lagu xiray Gobolka Wisconsin ma aha Argaggaxiso ee waxaa loo xiray arrin la xiriirta Daroogo..."

Talaadadii Sept 11, 2007 ayaa tuulo ku taal Gobolka Wisconsin ee dalka Maraykanka waxaa lagu xiray nin Soomaali ah oo magaciisa la yiraahdo Cabdicasiis Maxamed Xasan.

Saraakiil ka tirsan FBI waxay sheegeen in ninkaan loo raadinayey arrin la xiriirta daroogo (federal drug warrant), balse uusan xiriir la lahayn argaggaxiso.

Waxaa markii hore warbaahintu faafisay in booliska laga soo xigtey in markii la istaajiyey gaari ah nooca loo yaqaan Van oo wadey Abdiaziz Mohamed Hassan oo ah 30-jir, ayaa baaritaan lagu sameeyeen laysankiisa Minnesota waxaana markaas la sheegay in ninkaas loo raadinayey fal-dembiyeed nooca loo yaqaan (felony warrant) oo ay ka mid tahay maalgelin la xiriirta argaggaxisada, arrintaas oo ay hadda FBI sheegtay in aan xaalku sidaas ahayn, ninkaasina uusan waxa xiriir ah la lahayn argaggaxiso.

Wareegto ay FBI-da habeenimadii Talaadada ka soo saartay magaalada Milwaukee ee gobolka Wisconsin waxay ku cadaysay in Abdiaziz Mohamed Hassan waxa xiriir ah la lahayn argaggaxiso. FBI-da oo arrintaas ka hadlaysa waxay tiri: Waxaa ninkaas loo raadinayay arrin la xiriirta daroogo, ee ninkan FBI-du ma raadinayn, xiriirna lama laha Argagxisada.

Wisconsin waa Gobol dhanka Bari deris kala ah gobolka Minnesota ee ay deggan yihiin Soomaalida ugu badan Maraykanka. Ninka la xiray waxa uu dareewal u yahay shirkad xarunteedu tahay Minnesota.

Shirka Asmara oo looga dhawaaqay Ururka la magac baxay (Ururka dib u xoreynta iyo soo nooleynta Shacabka Soomaaliyeed)

Shirka uga soconaya Xubnihii Maxaakiimta Islaamiga, xubnaha la magacbaxay Baarlamaanka Xorta iyo waliba Siyaasiyiin iyo aqoonyahano lagu casuumay shirkaasi ayaa waxaa shalay lagu ansixiyey Urur la magac-baxay Ururka dib u xoreynta iyo dib u soo nooleynta Shacabka Soomaaliyeed, sida uu sheegay Afhayeenka shirkaasi Zakariye Maxamuud Xaaji Cabdi.

Zakariye ayaa sheegay in ururkaasi loo dhameeyey shuruucdiisii, isla markaana uu hawgali doono, isagoo sheegay in goobta uu ku shaqeyn doono ururkaasi ku caddahay sharciga Ururka oo 30 qodob ah, isla markaana uu ururku yeelan doono Guddoomiya, ku xigeen, Gole Hoose, waxa uuna Zakariye sheegay in xubanaha ururkaasi lagu qaybsani qaab qabiil, waxa uuna sheegay in ururkaasi uu ka kooban yahay Xubnihii Golaha Maxaakiimta, Baarlamaanka Xorta ah, Siyaasiyiin, Aqoonyaho iyo waliba Odey dhaqameedyo, waxa uuna sheegay in shaqadiisu uu tahay sidii ummadda Soomaaliyeed looga xoreyn wax uu ugu yeeray Caddowga Itoobiya ee sida xoogga ah ugu soo duulay.

Gaashaanle C/Waaxid Max’ed Xuseen oo ah madaxa xafiiska Xiriirka Saxaafadda iyo Dadweynaha ee ciidanka Booliiska ayaa sheegay in dadka lagu qabqabtay hawlagaladii baaritaanada ahaa ee ay Ciidamada Booliiska Dowladda Federaalka shalay ka sameeyeen xaafado ka tirsan Muqdisho ahaayeen kuwo looga shakisanaa in ay ka dambeeyaan amaba ay ku lug leeyihiin weerarada laga beegsado ciidamada Dowladda, gaar ahaan weeraradii ugu dambeeyey ee Hoobiyayaasha lagu tuuray goobo Dowladda ku meelgaarka ah fariisimo u ah. Gaashaanle C/waaxid ayaa hadalkaani sheegay mar uu ka warbixinayey hawlgaladii ay shalay ka sameeyeen ciidamada Dowladda Federaalka oo isugu jiray Milatari iyo Booliiska oo ay kaalinayeen ciidamada Itoobiya, waxa uuna C/Waaxid sheegay in baaritaanadii shalay laga sameeyey qaybo ka tirsan Suuqa weyn ee Bakaaraha ay ku hawlanaayeen ciidamada Dowladda Federaalka oo keliya, balse aysan waxba ka jirin in ciidamada Itoobiya ay ka qayb-qaateen hawlgaladaasi lagu baarayey Xaafadaha Hodan, Wardhiigley iyo Hawl-Wadaag, waxa uuna xusay in dad lagu soo qabqabtay hawlgaladaasi, isla markaana su’aalo laga weydiinayo falal uu sheegay in looga shakisan yahay inay ku lug lahaayeen. Gaashaanlaha ayaa sheegay in aysan jiri doonin cid wax lagu yeeleyn doono fal aysan lug ku laheyn, isla markaana ciddii lagu waayo dambiyada looga shaki qabo la iska siideyn doono. Ciidamada Dowladda Federaalka oo ay garab siinayaan kuwa Itoobiya ayaa shalay xiray inta badan wadoyinka magaalada Muqdisho, waxayna gudaha u galeen suuqa weyn ee Bakaaraha oo ay hawlgalo ka sameeyen, waxayna ku qabqabteen dad badan oo ay xireen, kuwaas oo qaarkood la sii daayey, halka kuwo kalana ay weli xabsiyada ku jiraan, sida uu sheegay mid ka mid ahaa dadkii shalay la xiray oo isagu la soo daayey.

Qaraxyo shalay ka dhacay Magaalada Muqdisho

Golaha Midnimada Beelaha Hawiye oo wax laga xumaado ku tilmaamay..

Golaha Midnimada Beelaha Hawiye ayaa sheegay in ay si aad ah uga xun yihiin in shacabka Soomaaliyeed la dhibaateeyo, iyagoo hawgaladii shalay ciidamada Dowladda iyo Itoobiya ka sameeyeen Suuqa Bakaaraha ku tilmaamay mid wax u dhimeysa dadweynaha masaakiimta ah ee Soomaaliyeed, kuwaas oo ay sheegeen in ay doonayaan in ay isku diyaariyaan Bisha Bakareysan ee Ramaadaan oo iyadu maalmo qura naga xigaan.

Max’ed Xasan Xaad oo ah guddoomiyaha golaha Midnimada Beelaha Hawiye ayaa sheegay in Dowladda Federaalka u soo jeedinayaan in ay bandowga ka qaadaan Shacabka Soomaaliyeed Bisha Ramadaan si ay u gutaan cibaadooyinka looga baahan yahay Bishaasi.

Guddoomiyaha Baarla-maanka Soomaaliya Sheekh Aadan Max’ed Nuur (Sheekh Aadan Madoobe) ayaa sheegay in guddigaani lagu soo xulay qaabka 4.5 oo sal u ah qaybsiga Dowladda Federaalka, waxa uuna sidoo kale sheegay guddoo-miyuhu in guddigaan sidoo kale uu shaqadiisu noqon la xisaabtanka Xubanaha Xukuumadda Federaalka.

Dhanka kale golaha Baarlamaanka waxaa hor yimid Wasiirka Qorsheynta ee Dowladda Federaalka Cali Cabdullahi Cosoble, waxa uuna ka hor jeediyey Wasiirku warbixin ku saabsaneyd hawlihii ay Wasaaraddiisu qabatay intii ay jirtay, maadaama maalmahan uu socday mooshin ku saabsanaa la xisaabtanka Xukuumadda, waxa uuna Baarlamaanku sidoo kale shalay u yeeray in ay hor yimaadaan Golaha Baarlamaanka wasiiro ka tirsan Xukuumadda oo iyagu ka maqnaa fadhiyada Baarlamaanka oo aan weli warbixinadooda la dhageysan.

Dagaalka labadan beelood u dhexeeye oo isagu dhowr jeer soo noq noqday ayaan wax xal ah looga gaaray aysan jirin, iyadoo dadaalo horey loo sameeyeyna ay guul dareestay, balse waxaa haatan lagu soo waramayaa in ay jiraan dadaalo ay sameenayaan Odoyaal iyo Waxgarad halkaasi dega si ay u dhex dhexaadinayaa labada beelood ee walaalaha ah ee dagaalamaya, isla markaana u joojin lahaayeen dagaalkan oo ay tilmaameen in qasaare mooyeen uusan wax natiijo kale ah keeneyn