Wasiirka Wasaaradda Caafimaadka Dr. Qamar Cali Aadan " waxaana jira oo
la keeni doonaa 40-Konteenar oo isugu jira Daawo iyo Qalab Caafimaad oo
yaala dalka"
Wasiirka Wasaaradda Caafimaadka Dr.Qamar Cali Aadan ayaa shaaca ka qaadey
in Wasaarada Caafimaadka ay la wareegtey Xarumo Isbitaal oo ay gacanta ku
haysay Hay’adda IMG, islamarkaana ay ku kala yaaliin Magaalada Baydhabo iyo
Labaatan Jirow.
qaybo kamid ah Isbitaalka oo lagu soo wareejiyey
Xil wareejintan oo ka dhacdey Isbitaalka ay maamusho Hay’adda IMG oo ku
yaal Kaniisadii hore ee Magaaladda Baydhabo ayaa waxaa goob joog ka ahaa
Wasiiradda Wasaaradda Caafimaadka DFKMG Dr. Qamar Cali Aadan, Wasiir ku
xigeenka Caafimaadka DFKMG Dr. Ciise Weheliye Maalin, Madaxa Hogaanka
Kormeerka Ciidamadda Booliiska Soomaaliyeed ahna Wakiilka Taliyaha Ciidamada
Booliiska Gobolada Baay, Bakool, Gedo iyo J/dhexe Col/ Maxamed Xasan iyo
Mas’uuliyiinta Hay’adda IMG.
qayb ka mid ah Hosbitalka oo ay gudoonsiisay.
Dr. Qamar oo halkaasi ka hadashey ayaa waxay u mahad celisay Hay’adda IMG
hawlaha ay qabatey mudadii ay joogtey dalka gaar ahaan Gobolka Baay iyo
Bakool oo ay ka hirgelisay labada Isbitaal, waxay keloo tiri “waxaan
doonayenaa in Hay’addaha NGO,s-yada iyo kuwa gudahaba ay dhisaan dowlada,
kadibna dib ay u dhisto dowlada waxyaabihii ay u baahnaayeen, ee ma dooneyno
Hay’addo ama Ngo,s-yo doonaya hawshii dowlada inay qabtaan, islamarkaana
iska riixaya dowladda, markii ay halkaan Hay’adda IMG degeysay waxaa
go’aamiyey Wasaaradda Caafimaadka, si Caruurta ku xaresan Xeradaan ay uga
helaan daawo, kuwa ku xiran Xabsiga iyo Ciidamadda Saldhiga Booliiska,
Hay’adda IMG mudo 8-bilood ayey soo wadey hawshaan anagaana kala wareegney,
waxaana jira oo la keeni doonaa 40-Konteenar oo isugu jira Daawo iyo Qalab
Caafimaad oo yaala dalka Kuwait oo aan u qaybindoona Isbitaalada dalka ka
jira, waxaana laydinka doonayaa inaad hawshiina si Qaranimo ah u gudataan
ayey tiri Dr. Qamar Cali Aadan.
Wasiirada iyo Gudoomiyaha Baarlamaanka oo booqana Isbitaalka.
Waxay kaloo Dr. Qamar xustey qaabka Isbitaalka loo maamulidoono
hawlihiisa in ay ka mid tahay in Guddi isugu jira Wasaaradda Caafimaadka,
kan Maamulka Gobolka iyo Kan Isbitaalka ay jiridoonaan oo kormeera hawsha
Isbitaalka, waxayna ka codsatey in dalka loo shaqeeyo, ayna ogaadaan in
dalku uu leeyahay cadow badan, balse loo baahan yahay in si isku mid ah
laysula fahmo”.
Wasiirada iyo Wafdi talyaani ah oo doonaya dhismaha Isbitaalka inay
qiimeeyaan
Dhinaca kale waxaa Magaalada baydhabom soo gaarey 15-kii bishan aynu ku
jirno xubno ka socdey Banka Aduunka iyo Hay’adda IMF, waxayna si gaar ah ula
shireen Wasiirka Wasaaradda Maaliyadda Col/ Xasan Maxamed Nuur {Shaati
Guduud}, Wasiirka Qorsheyta iyo horumarinta dhaqaalaha DFKMG Md. Cali
C/llaahi Cosoble iyo xubno kale.
Shirkaan oo ka dhacay Xarunta Madaxtooyadda DFKMG ee Magaalada Baydhabo ayaa
waxaa layskula soo qaadey arimo badan oo ay ka mid ahaayeen sidii loo ogaan
lahaa Mishiinada lacagta sameeya ee dalka yaala tiradooda iyo cidka
maamusha, halka ay ka soo galaan iyo sidii loo joojin lahaa mashiinadaas.
Sidoo kale warar hoose oo aan helney waxay sheegayaan mashiinadan lacagta
sameeya in laga yaabo, inay keenaan Hay’addo gaar ah oo ka hawlgala dalka
guud ahaantiisa, kuwaasoo aan dooneyn in dalka uu dego, islamarkaana ay ka
shaqeynayaan sidii dhaqaalaha dalka uu hoos ugu dhici lahaa, kuwaasoo isugu
jira Wadamo badan
Maxamed Macallin Cismaan{All-man}Somalitalk Baydhabo.
fatxumaalik@hotmail.com
Faafin: SomaliTalk.com | Sept 18, 2007
Daabaco
Boggan | Print
Xaqiiqada Dhabta ah ee ka dambaysa "Sharciga Batroolka Soomaaliyeed"
