Goordhexe Maray Xalay Ahayd Diiday Gogoshiiye

PLAATS HAARLEM  ZONDAG

24/10/1998

Waxaan qoray tixdaan gaaban balse micnaha weyn leh Taariikhda kor ku xusan anigoo runtii aan ba ku talo galin in aan qoro Waxaan xasuustaa in erayga tixda ugu horeeya oo ah

Goordhexe Maray Xalay Ahayd Diiday Gogoshiiye

inuu maskaxdayda ku soo dhacay ilaa iyo hada ma aqaano waxa igu dhaliyey ama sababta keentay in eraygaasi madaxayga soo galo balse waxaan ku qiyaasay in hiloowga aan u qabo wadankeenii hooyo iyo dhabaatada uu ku jiray ilaa iyo hadana uu ku jiraahi ay sabab u ahayd ,,,

Hadaba waxaan jecelahay inaan idiin soo gudbiyo tixdaasi anigoo rajaynaya

In aqrinteedu idinku dhalin doonto in qabiilka iyo waxa aan caadada ka dhigay ay noqdeen wado sahlan oo cadawgeenu wadankeena ku qabsado dhib la’aan.

Sidaan ayaana ku bilaabay:- 
 

1. Goor dhexe maxay xalay ahayd
2. Diiday gogoshiiye
3. Waxa gama’ ii diidayee
4. Uuntii iga gooyey
5. Galiilyada waxaa iigu wacan
6. Gabi dhacyaalaynta
7. Uurkayga gubayee
8. Qalbigu ila gariiraayo
9. Ee gabayga ii geeyayee
10. Laabtu gocanayso
11. Hadaan goobta soo dhigo
12. Anoon gees u badanaynin
13. Gafna aan qof saarayn
14. Xumaan uunku wada gaystay
15. Gar maqaadanaysaan
16. Runtaa laga garaabaaye 
17. Guulahay siduu yiri
18. Hadaan galabta faaleeyo
19. Qabiil gaabintii waa inaad
20. Haybta garataaye
21. Ood gacal lahaataa walaal
22. Gees kastooy tahaye
23. Maantase waxaa loo gadiyey
24. Saan u garanaayo
25. Gabagabo dagaal iyo
26. Wuxuu guulahay nacaye
27. Walaalkii ninkii god u qodee  
     
28. Geeridii jecele
29. Guri nabad inuu degena raba
30. Waw garaad yariye
31. Waxaan guul ku faanaa
32. Markaan gowracnaa darise
33. Ama weerar gaadmo ah
34. Islaan aan gablaminaaye
35. Gaddaas noqotay
36. Soomaaliyeey garashadiiniiye
37. Gayigeeni goof noqoy cidlo ah
38. Gole colaadeede
39. Guyaal hore sidii ay rabeen
40. Gaalo yaa timide
41. Googo’a dalkeenii markale
42. Gaare nacab keene
43. Daba go’a miyeydnaan arkayn
44. Gaabi cududooda
45. Miyeydnaan ka gubanayn dadyahow
46. Heerka nala geeyey
47. Mise waxaa go’aankeenu yahay
48. Saan u kala guurnay?
49. Afartaa ka sii gudub
50. Ilayn gogol dhac weeyaane
51. Gundhigiina waa kane
52. Bal maqal gabagabayntiisa
53. Geediga halkaan reerka gayn
54. Waydin garansiine
55. Intaan gaari karayaan
56. Murtida gacan togaalayne
57. Qalbiyada gadoomaan
58. Rabaa inay gariiraane
59. Gaawaha u soo cula
60. Markaan gobodii weeyaane
61. Halkaan gaar isleeyiyo
62. Halkaa galabta aan joogo
63. Guyaal hore halkaan soomaraba
64. Kala gad weeyaane
65. Gadgadoonka dunidaa sidaa
66. Geerida horteede
67. Cirka oo gamaamudan
68. Daruur geesaha ishaysa
69. Saymuhu isgaafeen mar qura
70. Gugacna yeeraayo
71. Intaan go,bo dhulkaba soo dhicinoo
72. Raysba laba gaarin
73. Geelu wuxuu u yaacaa
74. Halkay gali ku taalaaye
75. Waxaan uga goleeyahay
76. Ma garan geela hadalkiisa
77. Inaan nabada goobnaa haboon
78. Oon is garanaaye
79. Calankeenii googo’ay
80. Markale la isla goobaaye
81. Gargaar ruux natarayaa ma jiro
82. Gaaliyo islaame
83. Waa inaan anagu gayfanaa
84. Xumaha goynaaye
85. Gacmaha isa saarnaa
86. Markale gacal walaalowno 
     

Waxaa tiriyay

Abdirahman Ebar

Email: ebar5@hotmail.com.co.uk