WAR SAXAAFADEED
Ku: Dadweynaha nabadda jecel ee Somaliland/Puntland Oct., 21st
2007
Ku: Walaalahayaga reer Sool
Ku: Ciddii ay khusayso
Ujeedo: KASOO HORJEED DAGAALADA LAGA HURINAYO SOOL.
Yuusuf Budle | Somaliland Investment Group
Aniga oo ku hadlaya, magaca odayaasha, madaxda, culimo-awdiinka,
aqoonyahanada iyo dhamaanba Jaaliyadda Somaliland ee Minnesota, USA, aniga
oo ku hadlaya magaca madaxda Somaliland Investment Group, aniga oo ku
hadlaya magacayga shaqsi ahaaneed waxa aan tacsi iyo murugo u dirayaa, lana
wadaagayaa dhamaanba shicibka iyo maatida dhibaatooyinka dhimasho, dhaawac
iyo burburka dhaqaaleba ka soo gaareen dagaalada aan salka iyo ujeedada
lahayn ee ka socda deegaanka gobolka Sool iyo agagaarkiisa.
Aniga oo ku hadlaya magaca hay’adda Somaliland Investment Group iyo kayga
shaqsi ahaaneedba waxa aan u soo jeedinayaa cambaarayn dhamaanba
shaqsiyaadka iyo kooxaha ka shaqaynaya kala fogaynta, iskudirka iyo warxun u
kala sheegga dadka walaalaha ah ee wada dhashay ee deegaanka Sool. Shicibka
iyo maatida reer Sool waxa ay u leeyihiin xuquuq aan muran lahayn in ay ugu
noolaadaan deegaankooda sharaf, ixtiraam iyo nabad waarta. Maamulada
Somaliland iyo Puntland, midkoodna uma banaana in ay dheesha siyaasadeed ku
dul dheelaan dadka masaakiinta ah ee reer Sool.
Waxa aan u soo jeedinaynaa madaxda, culimo-awdiinka, odayaal dhaqameedyada,
aqoonyahanada iyo dhamaanba wax garadka reer Sool in ay ka dhiidhiyaan,
qaska iyo qalalaasaha laga wado deegaankooda. Waxa waajib diiniya ah in ay
af iyo adinba ka geystaan dejinta iyo dib u walaalaynta dadka deegaanka Sool
iyo deegaanada la deriska ahba.
Ugu dambayn, waxaan si gaar ah uga codsanaynaa in shaqsiyaadka iyo kooxaha u
kala dhashay Somaliland iyo Puntland ( ee aan ka soo jeedin Sool) ee sida
gaarka ah uga shaqaynaya borobogaandaha, isku dirka iyo aafaynta dadka
walaalaha ah ee reer Sool in ay ilaah ka cabsi u noqdaan, xasuustaanna in
dabka ay hurinayaan ku dambayndoono deegaanadooda ay moodayaan in ay ka fog
yihiin meelaha ay dabka ka hurinayaan.
Wabilaahi tawfiiq
Yuusuf Budle
Somaliland Investment Group
(Non political, nonpartisan investment group)
Minneapolis, MN USA
Afeef: Aragtida qoralkan waxaa leh qoraaga ku saxiixan
Faafin: SomaliTalk.com | Oct 21, 2007
Cadde Muuse oo
Shaaca ka qaaday in ku "daalay" Madaxweynanimada
"waa waqtigii aan nasan lahaa..
anigu waan daaley.." Sidaas waxaa yiri Madaxweyanaha DGPL oo u waramayey
idaacada Codka Maraykanka, waxa kale oo uu ka hadalay
Batroolka..
| 
Daabaco
Boggan | Print
Itobiya
oo cadayn u weydey in basaboor..