Shirka CHOGM oo Kampala ka furmaya iyo Boqoradda Ingiriiska oo soo
gaartay goobta shirka.
W/D:
Faarax Maxamed Cali (Faarax Blue)
Kampala, Uganda
Email:-
farahblue_545@hotmail.com
Mobile: +256 (0) 774228112
Waxaa Galabta magaladda Kampala ee Caasimadda wadanka Uganda soo
gaartay Boqoradda wadanka Ingriiska Queen Elizabeth II oo in muddo ah
diyaar garoowgii ugu sareeyay loogu jiray soo dhaweynteeda, waxaana
garoonka Diyaaradda ee Entebbe oo 42-km u jira Magaaladda Kampala ku soo
dhaweyay Madaxweynaha wadankiisu uu shirka marti Yoweri K. Museveni iyo
xubno ka tirsan Safaaradda Ingiriiska ee Magaaladda Kampala, waxaana
Boqoradda safarkeeda ku weyliyay xubno ka tirsan qoyska boqortooyada iyo
Saygeeda Prince Philip, waxaaana loo sii qaaday Boqoradda State house ka
halkaas oo ay xalay kula casheysay Madaxweyne Museveni.
Wadanka Uganda wuxuu ku jiraa wadamada uu gumeysta wadanka Ingiriiska,
waxaana boqoradda Queen Elizabeth oo 81-jir ah ugu dambeysa sanadkii
1954-tii oo hadda laga joogo 53-sano, waxaana xilligaas ka dul
bababnayay dhulka Uganda calanka Gumeysiga, iyadoo markii ay shalay ka
soo degtay Garoonka wejigeeda laga dheehanayay farxad aad u sareysa.
Shalay ilaa xalay waxaa magaaladda ku soo dal-dalmayay wufuuda
ka kala imaaneysay daafaha caalamka, kuwaas oo isugu jiray
Madaxweynayaal, boqorro, Ra’iisul wasareyaal iyo Wasiiradda arrimaha
dibadda ee dalalkaas.
WAA MAXAY CHOGM?
CHOGM waxaa laga soo gaabiyay Commonwealth heading of Government
Meeting, waana ururka barwaaqo sooranka, waxaa ku mideysan wadamo ay
ugu badan yihii dalalkii uu gumeystay wadanka INgiriisku, waxaana
madasha shirka soo fariisanaya 53-dal, waxaa fureysa maalinta Jimacaha
232-ka bisha Hooyada Wadamadaas Queen Elizebeth, khudbadda 2-aadna waxaa
qaadan doona Madaweyne Museveni.
Shirkan waxaa la qabtaa sadexdii sanaba mar, waxaana looga
hadlaaa arrimo badan oo ay ku jiraan Siyaadaadda, Dhaqaalaha, Ganacsiga,
Xaquuqada Aaadanaha, waxbarashada, caafimaadka, horumarinta,
cilimiladda, dimuqraadiyada iyo Nabadda, waxaana la saxaa wixii qalad ah
ee ka dhaca wadamada ku bahoobay, sidaas oo kale waxaa Ingiriisku
taakuleyn u sameeyaa wadamada saboolka ah ee ku jira dalalkaas 53-da ah.
Siyaasad ahaan Wadanka Pakistan ee ku jira wadamada Barwaaqa
sooranka ah ayaa laga yabaa in sanadkan la ganaaco oo si ku meel gaar ah
looga saaro Commonwealth, kaddib markii qalalaaso siyaasadeed oo fool
xun ay ka dhaceen, iyadoo digniin loo reediyay Madaxweyne
Musharaf,iyadoo loogu baaqay in shirka ka hor uu dhammeeyo dhibkaas,
isla markaana uu wada hadlay la samee dhinacyada ka soo horjeeda,
waxaana haddii uusan wax ka qaban dhibkaas laga ganaaxi doonaa
xubinnimadiisa Commonwealth sida hadda heysta wadanka Zimbabwe oo
Madaxweyne ka yahay Roper Mugabe, waxana ajandaha ugu horeeyaahi uu
noqon doonaa xaaladaha ka taagan Pakistan iyo Zimbabwe, iyadoo wadama
hore ganaax nuucaas oo kale ah lagu riday wadamada S/Africa, Nigeria,
Pakistan, Fiji Island iyo south pacific.
Wadanka Rwanda oo isna codsaday in lagu daro Commonwealth ayaa laga
yabaa in la ansixiyo codsigooda, waxaana hore u soo gumeysta Rwanda
wadanka France, laakiin hadda ay xiriirkooda uu aada u xun yahay “Waxaan
filayaa in la aqbali doono codsigeena, waana ku rajo weynahay” ayuu yiri
Madaxweynaha Rwanda Paul Kagame oo ay saaxiib aad u dhow yihiin marti
galiyaha shirka, waxaana haddii la aqbalo codsigiisa uu ka qeyb gali
doonaa shirka kan xiga ee ka dhacaya wadanka Trinidad and Tobacco ee
sanadka 2009.
Ammaanka iyo muuqalka Magaaladda Kampala
Magaaladda Kampala oo ah magaalo hadda kuley ah, waloow aysan
cimiladeedu fadhin oo laga yaabo in sacad kaddib uu roob xoog leh da’o
ayaa si heer sare ah ugu diyaar garoowday shirkan oo markii ugu horeysay
lagu qabanayo, waxaa xiran wadooyinka qaar, waxaa magaaladda lagu soo
fasaxay ciidamo badan oo ammaanka suga, sida ciidamada MP ama Military
Police, Special Police, iyo kuwa sirdoonka, kuwaas oo la socon doona
wax kasta oo dhaqaaq ah oo lagu doonayo in lagu carqaladeeyo martida
shirka ka qeyb galeysa.
Col. Leapold Kyanda oo ah taliyaha sirdoonka military-ga iyo captain
Owomugesha Herman oo ah taliyaha ciidanka ammaanka Garoonka Entebbe oo
la shiray Madaxda dadka SOmalida ah ee Uganda ku nool ayaa isku raacay
“Waxaan idinka codsaneynaa in aad dadkiina la hadashaan oo ay joojiyaan
socodka badan inta ay joogaan martsharafta shirka ka qeyn galeysa si aan
ammaanka iyo xasiloonida u dhowrno, waxaa jira meelaha qaaar aan la
ogoleyn inuu yimaado qof aan casuuneyn, sidaas oo kale waxaan idinka
codasaneynaa in aad documents ama waraaqaha dalkan ay ku degan yihiin
dadkiina ay heystaan, waxaan galeynaa 7-maalmood oo la doonayo in qof
kastaahi uu is xil-qaamo”
Magaaladda meel kasta waxaa ka suran Calanka Uganda iyo astaanka shirka,
waxaa buuca dhaafay Hotelada, waa wufuuda joogtaahi ay dhan yihiin
10,00, waxaa xiran goobaha waxbrashada, ganacsiga iyo safaaraddaha
kuwaas oo loogu baaqay todobaad holiday ah, qof kastana wuxuu ku
faraxsan yahay qabashada iyo marti galinta shirka, waayo Uganda waxaa ka
soo galaya malaayiin dollar .
Farxadda Madaxweynaha iyo mustaqbalkiisa.
Khuburadda dhinaca siyaasaddu waxay sheegayaan haddii shirkan uu ku
dhammaado sida loogu talagalay in Madaxweyne Museveni riyadiisu u
rumoobi doonto, wuxuu heli doonaa shacbiyada ka badan inta uu hadda
heysto, sidaas oo kale mustaqbalkiisa siyaasadeed ayaa sii kordhaya,
wuxuuna qorshaha ku darsanayaa inuu marka kale isku soo taago
Madaxweynenimadda Uganda marka la gaaro sanaka 2010, waxaana todobaadkan
uu ka mid yahay maalmihiisii ugu farxadda badnaa nololoshiisa, waayo
shir nuucan oo kale ah weli ma uusan marti galin wadankiisa Uganda, gaar
ahaan mudadii 21-sano aheyd oo uu isagau hayay.
W/D: Faarax Maxamed Cali (Faarax Blue)
Kampala, Uganda
Email:-
farahblue_545@hotmail.com
Mobile: +256 (0) 774228112
Faafin: SomaliTalk.com | Nov 22, 2007
C/Laahi Yuusuf oo
Xukuumadiisa ku Guubaabiyey sidii ay uga hor tegi
lahaayeen Xawaaladaha iyo WFP...
Madaxweynaha DFKMG oo
khudbad Xasaasi ah oo dhinacyo kala duwan
taabaneysa ka jeediyey Baydhabo
gaar
ahaan waxay khubadaasi ku saabsan tahay Xawilaadaha,
Dugsyada Quraanka, Dh/dhexe, Jaamacadaha iyo
hay'adda Qaramada Midoobey WFP..
Khubada oo ah Akhris
iyo cod....
Taariikhda
Musharraxa Ra'iisul Wasaare DFKMG: Col. Nuur Xasan Xuseen (Nuur Cadde)..
Akhri...
Daabaco
Boggan | Print
