2008 - State-ka Minnesota oo 150 sano jirsan doono
 Ayadoo
la ogyahay in 2008 Indhaha caalamku soo wada eegi doono Minnesota haddii
ilaahay idmo shirweynaha xisbiga jamhuuriga ee ka dhici doona gobolka awgeed
ayaa haddana Minnesota waxaa ay u diyaar garowoobaysaa xus ayada u gaar ah
oo ah sanadguuradii ka soo wareegatay sanadkii Minnesota state noqotay 1858.
Waxaana bilowday barnaamijyo lagu xusayo sanad guurada 150aad.
Taariikh kooban oof ku saabsan Minnesota USA
Waxaa deganaa gobolka qawniyadda Indian ah una badnaa qabiilka Dakota
laakiin markii la soo gaaray 1840s waxaa soo batay cadaankii gobolka u soo
guurayey taas oo keentay in madaxweynihii maraykanka ee markaas gobolka u
soo diro nin cadaan ah oo la oran jirey Alexdandar Ramsey si uu heshiis ula
galo qawmiyadda Dakota si dhul loogu helo cadaankii soo guurayey, Cadaankii
ku noolaa Minnesota 1840 waxaa lagu qiyaasaa 6000 oo qof oo keliya laakiin
markii la soo gaaray 1847 waxaa ay gaareen 150,000 oo qof taasoo keentay
Minnesota loo aqoonsado Territory. Territory waxaa looga jeedaa dhul USA
leedahay laakiin aan noqon karin state. Alexander Ramsey ayaa noqday
governorkii ugu horeeyey ee Minnesota territory. Markii Minnesota noqotay
state 1858 waxaa ku guulaystay inuu noqdo governorkii ugu horeeyey Henry
Hastings Sibley oo ka tirsanaa xisbiga demoqraadiga.
Minnesota waxaa ku xoogbadnaa 1858 xisbiga demoqraadiga oo markaas
aaminsanaa adoonsiga (Slavery) halka Jamhuuriga u doodayeen xuquuqda dadka
madow. Khilaafka u dhaxeeyaa labada xisbi Minnesota waxaa uu gaarey in
waqtigaas la kala qoro labo dastuur- midkii Jamhuuriga iyo midkii
Demoqraadiga. Bilowgii qarniga labaatanaad (1900s) muhaajiriinta iman jirtay
Minnesota ee qaadan jirey US Citizenship waxay u badnaayeen Scandanavian
maanta 2007 muhaajiriinta qaadanaya jinsiyadda maraykanka waxaa u badan
Minnesota Soomaali.
State-ka Minnesota waa state ugu Soomaali badan dhamaan United States of
America. Waa state governorkiisa aqoonsaday Soomaali week June 26- July 2 .
Waa state kii ugu horeeyey ee soo doorta Muslim Congressman – Waa state laga
qiimeeyo codka Soomaalida. Soomaalida ayaa waxay ka mid noqdeen qoomiyadaha
huwanta ee ku wada nool Minnesota ee xusaya 150 sano.
Maxmuud Nuur Wardheere
mnwardere@yahoo.com
http://www.somalitalk.com/2007/nov/02nov807.html
Faafin: SomaliTalk.com | Nov 6, 2007
Daadka Qado Sharafyada
Siyaasadeed ee Baydhabo
Daadka Qado sharafyo siyaasadeed oo is daba joog ah oo ay ku
maashoonayaan Xildhibaanada Baarlamaanka...
Akhri...
|
Daabaco
Boggan | Print
Shan
ciidamada Itoobiya oo kufsaday gabar Soomaaliyeed
