Daadka Qado sharafyo siyaasadeed oo is daba joog ah oo ay ku maashoonayaan Xildhibaanada Baarlamaanka. 

Xildhibaan Xaaji Muuse Suudi ayaa Kulan qado sharafta siyaasadeed oo ay ka soo qaygaleen ku dhawaad 70 Xildhibaanadii taageersanaa Ra’iisul Wasaarihii hore DFKMG Prof. Cali Max’ed Geedi ugu sameeyey Hoteel Bakiin ee Magaalada Baydhabo. 

Kulankaan qado sharafta siyaasadeed ayaa waxaa ka Hadley, Xidhibaan Max’ed  Qanyare, Xidhibaan  Mowliid Macaane, Xidhibaan Ibraahim Xabeeb, Xidhibaan Axmed Cusmar Jees, Xildhibaan C/llaahi Sh. Ismaaciil, dhamaan xubnahaan xildhibaanada ah ayaa waxay ka hadleen kulanka soo socda ee Baarlamaanku yeelandoona waxyaabaha loogu doodidoono iyo waxa ay ka aaminsan yihiin, go’aanada ay soo gudbiyeen Gudiga dibuheshiisiinta Beelaha Soomaaliyeed ee lagu soo gebagebeeyey Magaalada Muqdisho bilihii hore ee aynu ka soo gudubney, inkastoo ay hore ula baxeen Kutlada Isku duubnida Baarlamaanka. 

Xildhibaan C/laahi

Xidhibaan Max’ed Qanyare Afrax  oo halkaasi ka Hadley waxaa uu  sheegay in ay sharciga u dhaarteen qof kastoo difaacana uu kheyr ka helaayo, wuxuu keloo sheegey marna inaysan raali ka noqon doonin in halkan lagu dumiyo. 

Xidhibaan Max’ed Qanyare Afrax

“Sharcigii duulaan baa ku soo wajahan waxaa la soo wadaa lacag fara badan yaan dheg jelaq loo siinin” ayuu si kulul u yiri Xidhibaan Max’ed qanyare oo sheegay in qodobka 46 iyo 47 ku dhisteen Nairobi in banaanka wax laga qaadan darteed, Bannaan ka keenida hadii loo baahan yahay oo baarlamaanka la furayo ma aha  in mooshin laga keeno  qodob ka mid ah go’aanadii ka soo baxay shirka dibuheshiisiinta ee lagu soo heshiiyay, waxaa moshin keeni kara oo soo jeedin samayn kara xubno tiradoodu gaarayso 193  waxa difaacaynaa qof doonaya inuu isaga indhihiisa faraha iska geliyo” ayuu yiri Mudane Qanyare 

Xidhinbaan Mowliid  Macaane Max’uud  Liibaan ayaa hadalkiisa ku bilaabay sidan  “In Ujeedada qadada laga leeyahay kulankaan qadada ah waa guushii ay ka gaareen xubnaha Kutlada difaaca sharciga, kutladuna ma aha mid lagu kala jebinayo baarlamaanka, mana nihin xisbi baarlamaan, laakiin waxaan ku midaysanahay difaaca sharciga,  sharciga ayaana qof kasta ka sareeya”  

Xidhinbaan Mowliid  Macaane

Xildhibaan Ibraahim xabeeb Nuur oo isna halkaasi ka hadlay ayaa la  yimid Masraxa  wax ka duwan hadaladii ay la soo shir tageen Mudayaasha kale ee la baxay Kutlada waxa uuna yiri “Waxaan isku bahaysanay inaan ilaalino Sharciga qodobkaas isku mid ayaan ka nahay, laakiin maka fikirnay shacabigeena Soomaaliyeed, markaan isku koobno awoodii taladii dalka baarlamaanka in la furo waa muhiim in loo furo banaanka, iyadoo sharciga la soo marsiinayo 3-sanno ka hor ayaa la igu diiday markii Impagati la joogay hadana meeshii ayaan taaganahay waayo waxaan aaminsanahay in cidii la doono bannaanka laga qaadan karo” ayuu hadalkiisa ku soo gebagebeeyey Xildhibaan xabeeb.  

Xildhibaan Ibraahim Nuur{Xabeeb}.

Waxaa kaloo kulankaani ka hadlay  Xildhibaan Axmed Cumar Jees oo ah nin mudooyinkaan ka gaabsadey ka hadalka arimaha siyaasada ayaa waxaa yiri “wixii sharci ahaa iyo qodobadii la doonayey waxaa ka Hadley ragii iga horeeyey, waxaa uuna ku soo hal qabsadey nin xaakim ahaa baa wuxuu yiri sodon qalad markuu kaa galo ee aad shanqariweydo, ee boqol gas lagu siqaan soo siqaan wali, anigu tirinmaayo khaladaadka ilaa halka ugu dambeysa layna gaarsiiyey, laakiin waxaa jirta kelimad qalad ah oo loo adeegsanyo baadil. 

Xildhibaan Axmed Cumar Jees

Balse xaq ay tahay baa jirta, maah maahda iyadoo isku mid ah waxaa kala bedelaaya micnihii meesha adigoo guri ku jira hadii uu nin ku caayo ama ku canaanto waa uu kula talinayaa, hadii meel madal ah uu kugu caayo waa cay quman waana isla kelmadihii wuxu, waxaan uu walaakey meesha ka yiri waxaa weeyaan siduu markii hore ahaa iyo sida hada loo leeyahay way kala duwan yihiin, hadana cidbaa adeegsanaysa markaasna waxay ahayd arin guud anigu sidaan u arko, sidaas daraadeed anigu waxaan ku soo koobayaa ragii iga horeeyey ayaan ku taageersanahay kaasoo ay yiraahdeen in waxkasta sharciga la mariyo ayaan soo jeedinyaa,waxaa soo haray iminka waxaa soo baxdey arin kale oo ah soomaalidu waxay tiraahdaa meyd waa kii ugu dambeysay, sababtoo ah  waxaa jirtay wiil yar oo Aabihii lacag leeyahay ayaa wuxuu u soo gadayaa Kubad isaga iyo kuwo kale markii ay ciyaarta isugu yimaadaan oo isaga laga badiyo Kubadii buu iska qaadanayaa ee marka hada markii la arko in Baarlamaanka waxoogaa laga soo jiid jiido Kubadii baa meel kale lala tegayaa, marka aniga waxay ila tahay meelaha kale cidii ugu sameynaysa ha ugu soo sameyso laakiin inaga dhexdeena inaynaan sharciga bidix iyo midig ka marin ayaa Soomaalidu dan u ah inagana dan inoo ah”. 

Ra’isu wasaare ku xigeenka  ahna  wasiirka Dastuurka iyo Arrimaha Federalka oo ka hadlay halkaas ayaa sheegay in  Dastuurka  iyo Sharciga aan la samaysteen  hadii ay cid sidii doonto u adeegsanayso “Waa in uu Xilka na dhibaa cidna duulaan kuma nihin, laakiin   waxaa na simay sharciga ilaalintiisa, kutlada Isku duubnida Baarlamaanka waxaa ku soo fool leh qoloocyo fara badan hadii la kala adkaanayo ha lagu adkaado sharciga hadii la yaabo waxaa loo laabtaa Yaasiinka anaga hadaan yaabno waxaan u laabanaynaa  hilinka toosan hadii aan la leexanana waan qasaaraynaa"     

 Maxamed Macallin Cismaan{All-man} Somalitalk Baydhabo.
fatxumaalik@hotmail.com

C/Laahi Yuusuf oo Qado u Sameeyey Xildhibaanada Baarlamaanka DFKMG...

Hadal uu kulankaas ka jeediyey ka dhegeyso halkan....