Xubnaha Ururka Dhalinyarada iyo Cayaaraha ee Awdal Sports Club oo
sheegeen inuu gacan qabtay maamulaha shirkada Telesom ee Borama.
Ururka Dhalinyarada iyo Cayaaraha ee Awdal Sports Club waxa uu kamid yahay
ururada dhalinyarada ee gobalka Awdal ka howl-gala gaar ahaan magaalada
Borama.
Xubnaha ugu sareeya ururkaan oo maanta shir jaraa’id ku qabteen xafiiskooda
magaalada Borama ayaa Saxaafada ugu warbxiiyeen xaalada caraayaha gobalka uu
marayo iyo wax qabadkii ururkooda dhinaca gobalka uu ka geystay.
Mas’uuliyiinta ururka waxa ay sheegeen in markii la aasaasay ururka ilaa
hada horumar weyn uu gobalka ka geystay, iyagoo tibaaxay inay isku soo
dhawaansho ku sameeyeen dhalinyarada gobalka isla markaana cayaarsiiyeen.
Waxa ay sidoo kale sheegeen in koobkii ugu dambeeyay ee ururka uu qabto ee
ka dhacay bishii Ramadaan magaalada Borama uu u dhacay si wanaagsan isla
markaana ay kasoo qeyb galeen sideed kooxood.
Waxa ay u mahadnaqeen shirkada isgaarsiinta Telesom gaar ahaan xarunta
Borama oo ay sheegen inay aad ugu qeyb qaadatay koobabkii ay dhigeen isla
markaana ay aheyd shirkada koowaad ee garabkooda mar walba taagan.
Waxa ay sheegeen maamulaha shirkada Telesom ee gobalka Awdal Cabdiqaadir
Aadan Nuur inuu yahay nin aad u jecel is dhexgalka bulshada iyo hurumarinta
gobalka Awdal, iyagoo sheegay inuu habeen iyo dharaarta dhalinta Awdal garab
taagan yahay mar kastana waxqabad uu la yimaado.
Waxa ay sheegeen in shirkada Telesom ay aad ugula qeyb qaadatay habsi
usocodka koobkii Ramadaan-ka Borama ka dhacay isla markaana maamulaheeda uu
bixiyay abaal marintii ciyaartoyda la gudoonsiiyay intii badneed.
Waxa ay sidoo kale xuseen in maamulaha shirkada Telesom ee gobalka Awdal
Cabdiqaadir Aadan Nuur uu si weyn ugu qeyb qaatay isla markaana uu dhigay
koobkii raja soo celinta ee Borama lagu qabtay muddo 5 bilood hada laga
joogo kaasoo aad ugu farxeen dhalinta Borama isla markaana abaalkiisa aysan
marnaba hilaami dooni sida ay yiraahdeen.
Waxa ay sidoo kale sheegeen hadii ay yihiin Ururka Dhalinyarada iyo
Cayaaraha ee Awdal Sports Club inay ugu mahadnaqayaan C/qaadir Aadan Nuur
fikirkiisii ku aadaa dhismaha garoonka Biroole ee magaalada Borama kaasoo
hada si dardar ah u socda isla markaana dhawaan ay filayaan in si wanaagsan
loo dhiso.
Waxa ay shirkoodii jaraa’id ku sheegeen in maamulaha Telesom Cabdiqaadir
Aadan Nuur uu u balan qaaday hadii dowlada ay siiso boos banaan si ay garoon
ugu dhigtaan isaga uu xeen daabka garoonka u wareejin doono isla markaana
dhismaha garoonkaasi gacan weyn ka geysan doono.
Waxa ay xuseen inuu aad usoo dhaweeyo dhalinyarada marka ay xafiiskiisa ugu
tagaan isla markaana waji faraxsan uu kala horyimaado.
Xubnaha shirkaan jaraa’id qabtay ayaa waxa ay kala yihiin:
Guddoomiye Xasan Saciid Dheel-dheel
C/raxmaan Maygaag Jaamac
Jaamac Daahir Xaamud
Xasan C/laahi Dafe
Saciid Ismaacil Axmed
Ugu dambeyntii, Ururka Dhalinyarada iyo Cayaaraha ee Awdal Sports Club waxa
ay ugu baaqeen Jaaliyadaha Soomaaliyeed iyo dhamaan Shirkadaha gobalka ka
jira inay ku daydaan shirkada Telesom gaar ahaan maamulkeeda Cabdiqaadir
Aadan Nuur isla markaana ay gacan qabteen ururada dhalinyarada ee gobalka ka
jira maadaama dhalinta ay tahay laf dhabarka bulshada.
Abdifitahaam Ahmed
Email: abdifitahaam@gmail.com
Borama
Daabaco
Boggan | Print
Shan
ciidamada Itoobiya oo kufsaday gabar Soomaaliyeed
