Teknolojiyadda xagga Hubka ee Jarmalka oo sii
horumaraysa..!!
(Garmeny):- Khabiir u dhashay dalka Jarmalka, kuna
xeel-dheer xagga samaynta ‘Hubka’ , laguna magacaabo :-Tomas Mowetar’, ayaa
shaaca ka qaday: in uu dalkiisu ka mid yahay dalalka ugu soo saaris iyo
dhoofin badan xagga Hubka ee Aduunka.
Khabiirkan oo u warramayay Telefishan laga leeyahay dalkaas ayaa sheegaya:-
In inkastoo ay Siyaasadda Jarmalku ka soo hor-jeeddo dagaallada kuna
baaqayso in ay dawladaha Adduunku ku wada noolaadaan nabad, haddana, wuxuu
sanooyinkii ugu dambeeyay soo dhigay Suuqyada Adduunka Teknolojiyad aad u
sarreysa oo dhanka Hubka ah, gaar ahaan xagga: Taankiyada, Gujisyada Badda
hoosteeda quusa iyo hubka fudud intaba.
Mr.Mowetar ayaa intaas ku daraya in uu Jarmalku sanooyinkaan kala soo hoyday
Suuqyada Hubka lagu iibiyo ee Adduunka :-Macaash xad-dhaaf ah.
Khibiirkan ayaa tibaaxay :- In Dawlado badan oo dhoollatusyo ku sameeya
meelo ka baxsan Xuduudahooda ay adeegsadaan oo ku faanaan Taankiga Jarmalka
ee cajiibka ah, laguna magacaabo ‘Lionardo 2’. Wuxuu intaas ku daray oo
yiri:-"Taankiyadaas; waxaa lagu yaqaannaa:-In ayan Karin Miinooyinka loo
dhigo, u-qalabaysan yihiin si Elektoronic ah, isla markaanna ayan gefin
hadafkooda oo toos u burburin karayaan”.”.
Wuxuu Mr,Mowetar’ daboolka ka qaaday oo kale:- In 16-Dawladood oo Yurub ah
iyo weliba Kanada ay joogto u iibsadaan Taankiyada Jarmalka. Muddooyinkii
ugu dambeeyayna ay Kanada Taankiyadaas uga hawl-gashay dalka Afgasistyaan,
ka-gadaal markii ay Taankiyadeedii waxba ka tari waayeen Dhufeysyada
Dagaalyahaniinta 'Daalibaan' ee ku yaalla Buuralayda dalkaa. –sida uu
hadalka u dhigay-
Khabiirkan ayaa dhanka kale Carrabka ku dhiftay in mar kastoo ay dawladuhu
oogaan dagaallo, ay taasu kordhinayso Macaashka(ribixa) ay helayaan
Shirkadaha hubka sameeya.
Ugu dambeyntii wuxuu sheegay khabiirku in cid aanan Rukhsad ka heysan
Xukuumadda Jarmalku aysan helayn Hubka BONN, Dawladaha Yurub iyo kuwa
xubnaha ka ah NATO-na ay heystaan Rukhsadda Xukuumadda Jarmalka ee dhanka
hubka.
Khabiirkaan reer Garmeny ayaa si cad daboolka uga qaaday in ay Dawladaha iyo
Shirkadaha hubka soo saara ay dantoodu tahay, Macaashkooduna ku kordhayo in
ay dadyowga Adduunku ku jiraan Dagaallo, Colaadduna ay joogto noqoto.
Haddaba Dadyowga ay Soomaalidu ka midka tahay miyaaney la gudboonayn in ay
ku baraarugaan Arrinkan, oo xal u raadsadaan Colaadda dhexdooda ah.
Muxyaddiin M.Kaalmoy -
kalmoi@hotmail.com …
Faafin: SomaliTalk.com | Nov 6, 2007
Daadka Qado Sharafyada
Siyaasadeed ee Baydhabo
Daadka Qado sharafyo siyaasadeed oo is daba joog ah oo ay ku
maashoonayaan Xildhibaanada Baarlamaanka...
Akhri...
|
Daabaco
Boggan | Print
Shan
ciidamada Itoobiya oo kufsaday gabar Soomaaliyeed
