Jawaabtii Bashiir Saalax ee qoraalkii Jini Boqor oo Jaanta Rogtay

 

Waxaan akhriyey cinwaanka ah Jini Boqor oo jaanta rogatay.  Xil. Jini Boqor inkastoo aanan siyaasadda arimaha Soomaaliya inta badan isku mowqif ka ahayn, marka laga reebo xiligan hadda lagu jiro.  Haddana maqaalkii uu qoray wuxuu ku dhisaan, qodobo taariikhsan, raggii xiligeeda joogay ayaa ka warami kara.  Laakiin haddaan raaco ku tiri ku teenta Soomaalida sida mudane Ingiriis, waxaan dhihi karaa arinta uu xil. Jini Boqor sheegay waa dhab oo waxyaabo badan oo dowladdii ugu horeysay ee Soomaaliyeed ka gaabisay ayaa jira.  Runtuna waxay u egtahay in aanay ka maraan doonin ku lug yeelashada arimaha murugsan ee Soomaaliya.

 

Dowladdii xiligaas jirtay xitaa qeexid fiican kama siin dadka gumeysigii iyo gumeysigii-cusbaa, umana sheegin farqiga u dhexeeya labada.  Waxaa kaloo laga gaabiyey si dadka loo tuso in ay iyagu dowladda leeyihiin ayna ka duwan tahay gumeysigii.  Dhinacii dhulka, wax dhoofinta iyo soo dejinta lafteed waxweyn oo laga qabtay ma jirin.  Haddii aan kacaanku dhalan lahayna way yaraan lahayd maanta dad Soomaaliyeed oo dhul beereed fiican leh.

 

Waxyaabahaasi iyo kuwa kale oo badan waxaa cad in laga gaabiyey, waxaan soo jeedinayaa markii wax la naqdinayo in la qodobeeyo warka lana sameeyo tixraac. 

 

Maqaalka Xil. Jini Boqor kuma arag wax habayaree la dhihi karo waa eex, ama aflagaado qabiil, waxaa cad in xildhibaanku soo qoray taariikhda Soomaaliyeed siduu u arkay, ama waxyaabo uu u soo joogay isagoo dhibaatada u qaybiyey masuuliyiintii waqtigaasi joogay, marka ma aan garan wuxuu qoorsatay mud. Igiriis, waxaanse soo jeedin lahaa in haddii qof la dhaqan celinayo (qabiil celinayo) tixraac loo siiyo in uu booqod oo dhegaysto arimaha ku saabsan qabiilka shabakadda www.somalicongress.org ugu yaraan shan maalmood oo xidhiidh ah, way ku filan tahay (therapy ahaan).

 

Mahadsanidin,

 

Bashir Salah

bashiris@hotmail.com

 

. Jawaab qoraalkii "Jinni-Boqor oo Jaantarogtay!" | Yusuf essa