Doodii Moshinka Baarlamaanka ee ka Dhanka ahayd xukuumada Prof. Geedi oo weji kale isu rogtay  

Baarlamaanka FKMG ayaa dood ku yeeshey Arabacii [July 25, 2007] hoolka shirarka ee Magaalada Baydhabo oo soo xaadireen 155 xildhibaan, isla markaanaa lagu dhaariyay Xildhibaano Cusub kuwaasoo lagu magacaabo Barre Ugaas Geedi oo uuna bedelay Md, C/qaadir Xaaji Max’uud Dhaqane  ka dib markii uu ku biirey Baarlamaanka Xorta ah ee fadhigoodu yahay Magaalada Asmara ee dalka Eretharia mudanaha cusub ayaa dhaarintiisa ka dhalatay dood iyo is-qabqabsi beesha uu ka soo jeedo taasoo sababtay in kulanka ay isaga baxaan Xildhibaanada kala ah Axmed Cumar Jees iyo Axmed Xaashi Max’uud.

Doodan  qaybteeda hore oo ahayd mid wajiyo kala duwan taabaneysay, islamarkaana ahayd mid si aad ah u kululeyd ayaa  waxaa ka Hadley  16-Xildhibaan oo kala ah Cusmaan Muqtaar Max’ed (Mirow), Max’ed Cusmaan Maye, Sareedo Max’ed C/lla, Caasho Axmed C/lla, Cali Jeyte Cismaan, C/rashiid Cali C/lle, Axmed Cabdi Borrille, C/kariim Naasir Saciid Seef (Cabdi Dheeg), Ismaaciil Xasan Max’uud (Timir), Cabdi C/lle Saciid (Jinni Boqor) Max’ed Xuseen Isaaq (Afaraale), Sheekh Aadan Max’ed Deer, Yuusuf Max’ed Kheyr (Guurow), Max’ed Yuusuf Weyrax, C/fataax Sh. Ibraahim Rashiid.

Xildhibaan Max’ed Cusmaan Maye ayaa yiri waxaan galaynaa Ajande “Moshinkan waxaa soo jeediyay 65-mudane lifaaquna waxa uu ka mid yahay moshinka hadii uu khaldan yahay waa in uu Gudoomiyaha uu yiraahdaa dib ula noqda waayo waxaa ku jira Moshinka qodobo xoojinaya Moshinka waayo lifaaq Moshin ah si aan u badbaadino shacabnkeena waana arin jirta in laga hadlo marka waa inaan arintaas ka doodnaa”

Xishibaan Sareedo Max’ed C/lla ayaa tiri “ Mudanayaal Baarlamaankii waa la soo dhex galay ogaada in hadii aad Ummadda lug-goysaan uu Ilaahay idiin lug-goynayo annagu waxaan nahay sharci dajiyaal Baarlamaanku wuxuu qaataa laaluush intaa ka dib, waxaa hadalka Xildhibaanka waxaa Gudoonka ugu dacwooday Xildhibaan Avv. Cumar Subayr taasoo gudoomiyuhu ku amray in Xidhibaan Sareedo hadii kale uu Cod baahiyaha ka jarayo Xildhibaanada ayaa iyadoo dhoolo cadaynaysa tiri “HAA LA JIIFIYAA BANNAAN” laakiin Ogaada LACAG WAA CUNIS XUKUUMADA WAA LA XISAABTAN” .

Xildhibaanad Caasho Axmed C/lla ayaa iyadana doodeeda ku bilowday “waxaan rabaa inaan ka hadlo Gudoomiye, inaan ka hadlo moshin ay xildhibaanadu kuu soo gudbiyeen ee aan anigana ka midka ahaa Moshin ay ogolaadeen Madaxdii baarlamaaka ee hada la duro waxaan u arkaa mid cago jiid ah lifaaquna waxa uu ka mid ahaa mid lagu muujinayo waajibaandka Baarlamaanka, la xisaabtanka Xukuumadana waxaa ka horeeya in dib loo eego sharciyada xukuumada waxaan ognahay xilligii ay dhacday Xukuumada 7/8/2006 markaasoo ay is casileen 24-wasiir ayaa arintaas waxaa dalka dariska nahay ee Itoobiya dhexdaadintaas waxay ahayd mid sharci ah waxaan haynaa heshiiska ay saxiixeen 3-hogaamiye oo qoraal ah oo ku kala saxiixan yihiin Gudoomiyahii hore, Madaxweynaha iyo ra’isu wasaaraha Madaxweynahana waa in su’aal laga weydiiyaa arinkaas, kulankaas waxaa lagu go’aamiyay in dowlada dib loo dhiso Lix bilood ka dibna ay Baarlamaanka weydiisato kalsooni in ay kun soo laabato 6-bilood iska daaye waxay ku darsatay 4-bilood oo saa’id ah markii la ansixinayay xukuumada waxay ku guulaysatay lambar badan hada xukumadu sharciyan maba jirto ee waa inay kalsooni weydiisataa Baarlamaanka ku dhawaad 5-bilood xukuumad ma jirto “ .

Xidhibaan Cali Jeyte Cismaan ayaa yiri “anniga waxaan qabaa, anigu waxaan ka mid ahaa xubnaha soo qorey Moshinka wax ujeedo ah oo ka lahaa ma jirto waxaan soo gudbinay Moshin iyo Lifaaqa moshin waxaana leenahay halala xisaabtamo xukuumada anniga waxaa qabaa maxaa lala xisaabtamaa xalaalba ma ahee bataatan way dhacday."

C/rashiid Cali C/lle ayaa yiri “annigu qolofka waxaan ka ahay xildhibaan cusub laakiin baarlamaanka waxa u istaahilaa in Maxkamada The Hague la soo taago sababtoo ah Guidoomiyahayagu hadii uu baarlamaanku la shaqeynaynin meel ma gaaro anigu Baarlamaan waxaan u aqaan midka sharciga toosiya xildhibaano “Dawo haday Bukooto maxaa lagu daweeyo” markaan usoo jeesto barnaamijka aan halkan usoo istaagay hadii uu baarlamaanku cadaalad ku talaabsado xukuumadana cadaalad bay ku talaabsanaysaa hadii ay xukuumadu ku talaabsato wax sharci daro arki maysid xildhibaan oronaya inta warqad uu qoro dhahaya “anniga waan is casilay” waxaa jirtay inan yar ayaa waxa uu tagay garoon si uu wax u barto ka dibna waxa uu helay buugg yar waxa uu akhriyay waxaana ku qornaa oo kaliya sida diyaarada loo kiciyo markuu kiciyay diyaaradii oo ay hawada la gashay ayuu buugii dib u eegay si uu dajiyo.

Akh’ristayaasha sharafta leh waxaan ka codsanayaa iney la socdaan dooda inteeda kale hadii ilaahay idmo.