Waxaa shirar soconayey July 4 -20 oo si gooni gooni ah ay isu arkayeen
jaaliyadda Puntland ee ku nool gobolka Minnesota ee dalka Maraykanka qaybaha
kala duwan ee jaaliyaddu ka kooban tahay haday noqon lahayd aqoonyahanada,
odoyaasha, haweenka, culimaa’udiinka iyo dhalinyarada iyo indheergaradkaba
shirkaasoo looga hadlay arimaha Puntland iyo sidii jaaliyadda dibadu ay qayb
libaax uga gaysan lahayd, haday noqoto dhanka horumarka degaanka, talo
siinta maamulka iyo shacabkaba, sixida wixii khalada e jira haday noqoto
dhanka shacabka iyo dhanka maamulkaba.
WDoodo dhaadheer oo maalmo socday kadib waxaa jaaliyaddu isla garatay in la
diro ergay gaara oo matala jaaliyadda, xambaarsana nuxurkii shirarkaas
maadaama aanan taleefan la diro oo qura lagu koobi Karin, iyo iyadoo la isla
gartay in si loo tuso maamulka Puntland iyo shacabkaba sida ay lama huraanka
utahay in talooyinkii shirarkaas ka soo baxay muhiimada uu degaanka u
leedahay ayaa la go’aan saday in la diro ergay gaara oo fariin qoraala
gaarsiin doona madaxda maamul goboleedka Puntland, isimada degaanka iyo
shacabka ku nool degaankaba, taasoo ah dareenka ay qabaan jaaliyadda
Puntland ee ku nool qurbaha gaar ahaan kuwooda ku nool gobolka Minnesota ee
Maraykanka.
Waxyaabihii looga hadlay shirarkaas oo aan halkan lagu soo wada koobi Karin
ayaan wax yar ka iftiiminaynaa waana sidan hoos ku qoran.
1- Arimaha adeega bulshada loo qabto.
2- Horumarinta degaanka sida waxbarashada, caafimaadka iyo bilicda degaanka
3- Arimaha siyaasada Puntland iyoin maamulku ka dhabeeyo balanqaadkii ahaa
in la furo axsaab siyaasadeed.
4- Deris wanaaga degaanada ku dhaw dhaw iyo guud ahaan Soomaali weyn wax la
qaybsigeedba.
5- Arimaha dhaqaalaha iyo sidii wax weyn looga badali lahaa qaabka hada uu
yahay.
6- Ka jafid boorka habacsanaanta ka jirta maamulka dhexdiisa iyo abuurin
xafiis ama hay’ad xiriirisa jaaliyada iyo maamulgoboleedka Puntland oo
muhiim weyn ulahaa jaaliyadda dibada hada ka horna hore uga codsaday madaxda
maamulka samaynta ugu yaraan xafiis xiriiriya jaaliyada iyo maamulka.
Hadaba waxaa loo doontay in fariintaas uu xambaaro oo uu noqdo ergayga
jaalidda matalaya mudane C/risaaq Maxed Dirir (Ducaysane).
Hadaba habeenkii taariikhdu ahayd July 20 Jimce fiidkii ayaa waxaa xaflad si
heer sare ah loo soo agaasimay oo sagootin ahayd ah ka dhacday magaalooyinka
mataanaha ah ee Minneapolis/St.paul xafladaas oo ay ka soo wada qayb galeen
dhamaan qaybaha kala duwan ee jaaliyada Puntland ay ka kooban tahay ayaa
waxaa ka hadlay dad fara badan oo runtii aad moodo kuligood in nuxurka
hadalkoodu ahaa sidii Puntland ay ugaari lahayd meel sare shacabka ku noolna
noloshooda iyo niyadoodaba sare loogu qaadi lahaa iyo in maamulku ay saxaan
khaladaadka muuqda een la inkiri Karin jaaliyadduna aysan insha ka eegan
waxa ka socda degaankii ay ka yimaadeen ee Puntland ee wixii ay tari karaan
ay taraan. Ugu dambayntii waxaa lagu taageeray shirka ka socda caasimada
dalkii Soomaaliya ee Muqdihso ee nabadaynta beelaha Soomaaliyeed, waxayna
shirkaas urajeeyeen jaaliyaddu in shirkaas uu eebe ka dhigo mid ummada
Soomaaliyeed quluubtooda uu eebe isu soo dumo oo ku walaaleeyo wixii mugdi
ah ee dhexdooda ku jirayna uu eebe ka saaro.
Fiiro gaara, jaaliyadda dibadu gaar ahaan kuwa Minnesota waxay ka
codsanayaan maamulka,isimada iyo shacabka degaankuba inay si fiican usoo
dhaweeyaan ergaygaas gaarka ah oo jaaliyaddu soo xilsaaratay, ayna usoo
dhiibaan wixii talo iyo fariimo ah oo ay iyaguna dhankooda usoo gudbinayaan
ergaygaas.
Maxamed Xuseen
EMail:
mxuseen@yahoo.com
Madaxweynaha dawlad gobaleedka Puntland Gen.Cade Muuse ayaa wuxuu xilkii
wasiirnimo ka qaaday Wasiirkii Amniga Puntland Axmed Cabdi Xaabsade.
Madaxweynaha ayaa wuxuu warqad uu soo saaray ku sheegay in uu xilka qaadistan
sameeyey markii uu waxyaabo badan eegay.
Wareegtada Madaxweynaha Puntland ayaa waxa ay lambarkeedu ahaa 126,kuna
Taariikheysan 22-July-007 oo maanta ku beegan.
Cade Muuse wuxuu sheegay markuu arkay Xaaladaha siyaasadeed ee Puntland iyo
amniga in uu xilkii ka qaaday wasiirkii Amniga Puntland Xaabsade ,dhawaana
wasiir cusub la magacaabi doono.
Qoraalka Madaxweynaha lama sheegin waxyaabaha shaqada looga qaaday Xaabsade oo
ka mid ahaa Xukuumado badan oo soo maray deegaanada Puntland,balse waxaa
lasheegay in arintan lasameeyey markii la arkay xaalada guud ee deegaanada
dawlad gobaleedka Puntland.
Wasiirka Shaqada laga qaaday ayaa wuxuu bilihii ugu danbeeyey ku sugnaa
Magaalada Buuhoodle oo uu ka waday hawlo nabadeed ,isagoo dhexdhexaadinayay labo
beelood oo halkaasi wada daga dagaalona dhexmaraan.
Axmed Cabdi Xaabsade ayaa wuxuu ka qeybqaatay hawlo lugu soo celiyay kala
danbeyntii Puntland markii ay dhaceen dagaalo Sakooye oo dhexmaray ciidamo kala
duwan.
bashiir cumar cali/gaalkacayo
bashiir137@hotmail.com
somalitalk.com
Wareegto maanta [July 22, 2007] ka soo baxday madaxtooyada DGPL,
oo uu ku saxiixan yahay madaxweynaha DGPL, Gen. Cadde Muuse ayaa
shaaca looga qaaday in xilkii laga qaaday wasiirkii Aminga DGPL,
Axmed Cabdi Maxamuud (Xaabsade).
Wareegtada oo ay saxaafadda u soo bandhigtay madaxtooyada DGPL
ayaa xil ka qaadistay wasiirka u cuskatay "Kaddib markii uu
madaxweynaha DGPL arkay "Duruufaha Siyaasadeed iyo amni ee Puntland"
iyo "dastuurka Puntland" iyo "baahida loo qabo isbeddel lagu sameeyo
xukuumadda" ayuu madaxweynuhu xeeriyey in uu xilkii ka qaaday Axmed
Cabdi Xaabsade oo ahaa wasiirkii Amniga ee DGPL.
Isbeddelka wareegtadu xusday ma cadayn in wasiiro kale xukunka
laga qaadi doono iyo in kale, waxa keliya oo ay xustay in "baahi loo
qabo isbeddel lagu sameeyo xukuumadda".
Waatan wareegtadii Cadde Muuse xilka kaga qaaday wasiirka ee
maxadtooyada DGPL soo bandhigtay:
Daabaco Boggan | Print
Geeddi
oo aan Weli Ka Jawaabin eedayntii ahayd in "uu
Mas'uul ka ahaa Mamnuucidii Dhoofinta xoolaha 
SOOMAALIYEEY, CABDULLAHI WAA KAAS!!!. 
Sidee
Lagu Xalinkaraa Dhibaatada Soomaaliya: in
dadka diinta labaro, iyo in.... 
Doofaarta
Raacdiyo Amxaar: 
