Wararkii: July 16, 2007
- Qaylo Dhaan Kasoo Baxaysa Beelaha
Qarkood Oo Ku Aadan Qaabka Ergooyinka Shirka
Loo Qaybsaday.
- Qaraxyo Iyo Iska Horimadyo Ka Dhacay
Caasimada Xili Ay Joogaan Cutubyo Ciidamo
Ethiopian Ahi.
- Af-hayeenka Ciidamada AMISOM Oo Ku
Dhawaqay Inaysan Shaqo Ku Lahayn Amaan
Sugida Madasha Shirka .
- Gudoomiyayaasha Baarlamaanka iyo Xisbiga
UCID oo Booqasho Tacsi ah ugu Tegay
Qoyskii uu ka Geeriyooday Marxuum Saaqa
Qaylo Dhaan Kasoo Baxaysa Beelaha Qarkood Oo Ku
Aadan Qaabka Ergooyinka Shirka Loo Qaybsaday.
yaasiin maxamed cali (faytin)
yaasiinfaytin@hotmail.com
Qaab qaybsiga ergooyinka shirka beelaha
soomaaliyeed oo maanta lagu wado inuu ka furmo
magaalada caasimada ah ee muqdisho ayaa waxaa kasoo
baxaya cabashooyin beelaha qarkood ka mujinayaan
inaysan xaq ku fadhiyin taasoo muran iyo isqab-qabsi
ku abuurtay xarunta gudiga shirka dib u heshiisiinta
qaran ee muqdisho.
Cabdi aadan dhuxuloow oo kamida aqoon-yahanada
beesha gaal-jecel ayaa ku eedeeyey gudiga dib u
heshiisiinta shirka qaran ee beelaha soomaaliyeed
inay wax ku wadaan nin jeclaysi islamrklaana aysan
jirin wax xaqa oo lagu soo xulay ergooyinka taasoo
daliil uu uga dhigay inaysan jirin nin isima ah oo
madasha shirka fadhiya .
dhuxuloow ayaa sidoo kale hadalkiisa sii raaciyey
ma shir dib u heshiisiinbaa oo u dhexeeya belaha
soomaliyedbaa mise waa meel dad lagu soo camiray si
loo helo dhaqale dibadeed waxaa la oran karaa sidii
loo shegay shirku uma dhowa mana u eka .
Sidoo kale waxaa qaylo dhaan ka muujiyey
aqoon-yahanada kasoo jeeda beesha dhul-bahante ee ku
sugan casimada muqdisho fu,aad cabdi xaaji diiriye
ayaa ku sheegay inaysan beeshiisa uga soo qayb gelin
nin isima ah islamrkana ay dhalin yaro laga soo
ururiyey buhoodle iyo laascanood laga soo dhigay
ergo shirka ka qayb gala taasina ay u muuqato qaab
siyaasadeed lagu danaysanayo islamarkaana aysan
jirin cid oday dhaqameed ah oo weli ku sugan madasha
shirka taasoo lagaga ben shegay ayuu yiri hadalkii
ahaa waxaa shirka lagu wada hadal siinayaa beelaha
soomaaliyeed .
Fu,aad cabdi xaaji diiriye oo ah afhayenka
xiligan ee beesha dhul-bahante ee ku sugan muqdisho
ayaa xusay marnaba ma filayn inay sidani dhacayso
isagoo sheegay inaysan u arkin shir wax kasoo
baxayaan.
''waxaa laga been sheegay shirka lagu tilmamay
inuu qaran yahay waayo laguma casumin nin ISIM ah oo
magac ku leh soomaaliya anaga waxaanu leenahay labo
garaad oo ugu tetal sareya kumana jiraan shirkan ''
ayuu yiri fu,aad.
Si kastaba ha ahaatee qaylo dhaantan iyo
isqab-qabsigan kasoo yeeraya qaar ka tirsan beelaha
soomaaliyeed ayaa kusoo beegmaya xili ay maalintii
shirka qaran ee beelaha soomaaliyeed uu furmi doono
maanta oo ay magalada caasimada ah ka jiraan amaan
darro baahsan oo ay habenkii xalay ahaa laga
maqlayey qaraxyo iyo rasaas goos goos ah waloow aan
la xaqiijin waxyeelada iyo halka ay ka dhacayeen.
Qaraxyo Iyo Iska Horimadyo Habeenkii Axadda Ka
Dhacay Caasimada Xili Ay Joogaan Cutubyo Ciidamo
Ethiopian Ahi.
Qaraxyadan iyo iska hor imaadyadan ayaa lala
beegsaday fariisimada ay ciidamada xukumada ethiopia
ku leeyihiin meelo kamida casimada muqdisho iyadoo
dhawaqa qaraxyadana laga maqalyey guud ahaan
caasimada muqdisho iyadoo shirka qaran ee beelaha
soomaaliyedna lagu wado inuu maanta ka dhaco
muqdisho.
xiliga qaraxyadani dhacayeen ayaa waxaa ku gaaf
waregayay madasha shirka ,villa soomaaliya xafadaha
magalada iyo weliba badanaaba wadooyinka waweyn ee
caasimada kumanaan ciidamo Ethiopian ah oo weliba
lagu soo kordhiyey kuwii hore u joogay islamrkaana
si aad ah usoo buux dhaafiyey guud ahaan casimada
ayaa hadana waxaa xalay markale dhacay weeraro iyo
qaraxyo isdaba joog ah .
Qaraxyadan oo aan la xaqiijin karin khasaaraha ay
gaysteen ayaa hadana ahaa kuwo argagax ku riday
shacabka ku haray casimada oo malmihii ugu dambeeyey
ee asbuucan si weyn uga qaxay casimada tasoo ay
kusii qul-qulayaan deeganada u dhexeya afgooye iyo
muqdisho halka dadka qarkiisna ay u hayaameen
gobolada dalka soomaliya meelo kamida iyadoo qaxana
loo aanaynayo inay dhacaan dagaalo mar kale lagu
hoobto oo u dhexeeya xoogaga diidan joogitaanka
ciidamada xabashida dalka soomaaliya iyo weliba
ciidamada xukumada ethiopia .
Si kastaba ha ahaatee amaanka caasimada ayaan
ahayn mid laysku halayn karo xili weliba la filayo
inuu maanta ka furmo shirka dib u heshiisiinta qaran
ee beelaha soomaaliyeed .
Af-hayeenka Ciidamada AMISOM Oo Ku Dhawaqay
Inaysan Shaqo Ku Lahayn Amaan Sugida Madasha Shirka
.
Af-hayeenka ciidamada Ugaandha ee ka jooga
ciidamada nabad sugida Midowga afrika ee ku sugan
magaalada casimada ah ee muqdisho ayaa sheegay
inaysan wax shaqo ah ku lahayn ilaalinta iyo amaan
sugida xarunta madasha shirka ,islamrkana aysan soo
dhaafi doonin xarumaha ay ku sugan yihiin ee
garoonka iyo dekedda .
Pandy Akunda oo la hadlayey saxaafada ayaa shaaca
ka qaaday inaysan wax shaqo ah ku lahayn amni sugida
Madasha shirka islamrkaana ay dalka soomaaliya u
joogaan oo keliya sidii ay u ilaalin lahaayeen
goobaha muhiimka ah ee Qaranka Soomaaliyeed, sida
Xarunta Madaxtooyada ee Villa Somaliya, Dekedda iyo
Garoonka Diyaaradaha .
"Ciidamada Uganda ee dalka ku sugan awood uma
lahan inay dhowr goobood amnigeeda sugaan, maadaama
ay yar yihiin, islamarkaana aysan ka hawlgali karin
goobo badan" sidaana waxaa yiri Pandy Akunda .
Hadalkan Paddy Akunda ayaa kusoo beegmaya xili
laga cabsi qabo inay xarunta madasha shirka ka
dhacaan khal khal amaan daro oo ay sameeyaan kooxaha
kasoo hor jeeda qabashada shirka islamarkana kala
fogayn kara siyaasada dowlada FKMG ah iyo weliba
xoogaga ka jooga ciidamada AMISOM.
yaasiin maxamed cali (faytin)
yaasiinfaytin@hotmail.com
Gudoomiyayaasha Baarlamaanka iyo Xisbiga UCID
oo Booqasho Tacsi ah ugu Tegay Qoyskii uu ka
Geeriyooday Marxuum Saaqa
Bristol-UK (Somali Voice) Gudoomiyaha
Baarlamaanka Somaliland Mudane Cabdiraxamaan
Cabdilaahi ''Cirro" oo uu weheliyo Gudoomiyaha
Xisbiga UCID Eng.Faysal Cali Waraabe iyo masuuliyiin
kale oo ka tirsan Xisbiga UCID ayaa Booqasho tacsi
ah ugu tegey Qoyskii uu ka geeriyooday Gudoomiyihii
Beelaha Gabooye ee Qaarada Yurub iyo America Marxuum
Maxamed Caabi Ciise oo ku magac dheeraa "Saaqa" oo
Alle ha u naxariistee dhawaan ku geeriyooday
magaalada barakaysan ee Maka.
Booqashada masuulyiintani ay ugu tageen Qoyska
Marxuumka oo deggen Galbeedka Magaalada London waxay
ahayd munaasibad ay ku muujinayeen sida ay Shacbiga
Jamhuuriyada Somaliland ugu muragoodeen geerida
naxdinta leh ee ku timi Marxuumka oo ahaa halyey
weyn oo olole weyn u galay la dagaalanka kala
sarraynta iyo cunsuriyada jahliga ku dhisan ee
boqolaalka sanadood lagu hayay beelaha laga tirada
badan yahay ee Gabooyaha, iyada oo sidoo kale uu
Marxuum saaqa ahaa ciyaaryahan caan ah oo taariikh
dahabi ah ku lahaa garoomada kubada cagta isla
markaasna uu ahaa xubin sare oo ka tirsan Xisbiga
UCID.
Dhinaca kale Gudoomiyaha Baarlamaanka iyo
Gudoomiyaha UCID waxay Hamblayo iyo Guul u
rajeeyeen Wiilka curad ee Marxuumka Mudane
Cabdinaasir Maxamed Caabi Saaqa oo beeshiisu ay u
doortay inuu qabto Xilkii Gudoomiyaha Beelaha
Gabooye ee QaaradahaYurub iyo Ameerika oo uu
aabihii hayay intii aanuu geeriyoon, waxaanay u
rajeeyeen inuu Allah ku guuleeyo xilkan balaadhan ,
sidoo waxay masuuliyiintani ugu baaqeen Bulshada
reer Somaliland inay usoo jeestaan la dagaalanka
kala sarraynta una hawl galaan sidii xaqooda iyo
xuquuqdooda ay u heli lahaayeen Beelaha Gabooye ee
xaq u dirirka ahi.
Masuuliyiinta kale ee booqashadan ku wehelinayay
Gudoomiyayaashan waxaa ka mid ahaa Mudane Siciid
Cumar oo ah Gudoomiye ku Xigeenka Xisbiga UCID ee
qaarada Yurub iyo Xasan Macalin Aadan oo ah
ganacsade ka tirsan Xisbiga UCID.
Sidii horeba aanu ugu ololeynaynay waxa mar kale
Jariidada Somali Voice ay taageeraysaa Baaqa
Gudoomiyha Baarlamaanka Somaliland iyo Gudoomiyaha
Xisbiga UCID ay soo jeediyeen ee ku saabsan in loo
hawl galo soo afjarida cunsuriyada jahliga ku dhisan
ee boqolaalka sanadood sida xaq darrada ah loogu
hayay Beelaha Gabooye ee ku nool Geeska Afrika.
Kaysar Cabdilaahi.
Bristol. UK
Tafatirka Somali Voice
kaysar@europe.com
Daabaco Boggan | Print
Geeddi
oo aan Weli Ka Jawaabin eedayntii ahayd in "uu
Mas'uul ka ahaa Mamnuucidii Dhoofinta xoolaha 
SOOMAALIYEEY, CABDULLAHI WAA KAAS!!!. 
Sidee
Lagu Xalinkaraa Dhibaatada Soomaaliya: in
dadka diinta labaro, iyo in.... 
Doofaarta
Raacdiyo Amxaar: 
