Ninkii Belad shisheeye iga jiray, ee soo bixi waayey
Ee in aan bogsado uun jeclaa, beerka ka ogsooni
Mukhtaar Cabdi Godane
mukhtaari@hotmail.com
Somaliland
Hargeysa
Bowdada markii aan ka jabay, boqonka taaggiisa
Habeenkiiba waa i bidhan lahaa, bahalkii cawlnaaye
Raggii buurta dheer igala baxay, beerka ka ogsooni
Bah-Cillaamo goortay dhammaan, iga dul booyaysey
Bah-Sadhaysna "baga" inay i tidhi, beerka ka ogsooni
Ninkii Burunji inuu iga cuno, ii barriidinaayey
Ee aan bar kale ii tarayn, beerka ka ogsooni
Ninkii Belad shisheeye iga jiray, ee soo bixi
waayey
Ee in aan bogsado uun jeclaa, beerka ka ogsooni
Laxaad waa badhaadhee hadduu, ii bogsado xooggu
Haddii uu biixiyaha Eebbahay ,isugu kay beego
Abaal badh ah abaal bur ah abaal bur iyo dheeraad
ah
Ninba kiisa kaan ugu beddeli, beerka ka ogsooni .
Sidaasi waxaa yidhi gabayaa soomaaliyeed mar uu
lug ka jabay in mudo ahna u jiifay.
Hadaba xikmada ama macnaha weyn ee gabaygan
xambaarsan yahay waxaan uga faa,iideysanaynaa maanta
oo uu dalkii cadow shisheeye gacanta ku haysto
iyadooy weheliyaan kuwo dabo dhilif ah oo soomali
sheegtaa, sidaa daraadeed ayaan leenahay nin waliba
wuxuu maanta kasbado ama shaqaysto ayaa lagu
xasuusan doonaa ama loogu abaal celin doonaa.
Waxaanan leenahay oo aan baaq ugu diraynaa tixdan
gabayga ah soomaalida oo dhan meel kasta ha joogaane
waxaanan leenahay maanta dalkii cadow shisheeye iyo
kuwo u adeegaya ayaa haysta ee meel halooga soo wada
jeedo oo cadowgaa dalka ku soo duulay ha layska
difaaco.
Waxaanan leeyahay soomaaliyeey yaan gumeysiga
laysku eegin ee wada qaata qoriga oo maanta wiilal
yar yar ayaa xabashida iyo daba dhilifkooda kaadida
ku dhajaye yaan loo kala hadhin .
Waxaanad ogaataan goortay doonto ha noqotee inay
iman doonto maalin cadowga soo duulay iyo kabo-qaad
koodaba adhaxda laga jabin doono,Dadka iyo Dalkuna
uu xor noqon doono, maalintaas ayaana kii daba
dhilifka ahaa iyo kii biidhi qaataha ahaa ,iyo ka
jaajuus ka ahba lala xisaab tami doonaa.
Waxaana taariikhdaa baal dahab ah kaga qormi
doona mujaahidiinta soomaaliyeed ee gumeysi diidka
ah ee hadh iyo habeenba heeganka u ah sidii ay Dadka
iyo Dalkaba uga saari lahaayeen gumeysiga.
Mukhtaar Cabdi Godane
mukhtaari@hotmail.com
Somaliland
Hargeysa
Afeef: Aragtida qoraalkan waxaa leh qoraaga ku
saxiixan
Daabaco Boggan | Print
Geeddi
oo aan Weli Ka Jawaabin eedayntii ahayd in "uu
Mas'uul ka ahaa Mamnuucidii Dhoofinta xoolaha 
SOOMAALIYEEY, CABDULLAHI WAA KAAS!!!. 
Sidee
Lagu Xalinkaraa Dhibaatada Soomaaliya: in
dadka diinta labaro, iyo in.... 
Doofaarta
Raacdiyo Amxaar: 
