Banaanbax shalay ka dhacay Switzerland 

Bern, Switzerland 

Sawiraddii Mudaharaadka Ka Daawo Halkan....

Jaaliyada Soomaalida Ogaadeenya ayaa shalay oo aay taariikhdu ahayd 11.07.2007, waxey qabatay banaanbax si heer sare ah loo soo agaasimay. Banaanbaxa oo aay sidoo kale ka soo qeyb galeen dadweyne tiro badan oo ka soo jeeda jamhuuriyada Soomaaliya iyo maamulka jaaliyada Oromada ee wadankan ayaa wuxuu ka dhacay xarunta baarlamaanka federaalka ee Bern isla markaana ah magaalo madaxda wadankan Switzerland hortiisa.  

Dhamaan dadweynihii dibad baxan ka soo qeyb galay ayaa waxey muujinayeen sida aay uga xun yihiin dhibaatada joogtada ah oo uu gumeeysigu ku hayo shacbi weynaha aan waxba galabsan ee Soomaalida Ogaadeenya. Waxa kaliya oo dhibaatadaa soo af jari karana uu yahay umada Ogaadeenya oo xuquuqdooda ayaa ka talineed hesha. 

Dibad baxayaashu waxey ku dhawaaqayeen erayo lid ku ah dowlad is ku sheegta gumeeystada itoobiya oo iyadu caadeeysatay waxyeeleenyta maatada Ogaadeenya, waxeyna amaanayeen geesiyada beeniyay hamiga cadawga manaxa ah. Banaanbaxa waxa barbar socday qoraalo iyo cabashooyin loo gudbiyay masuulka lagu magacaabo Mr. Pierre Scyboz oo baarlamaanka federaalka Switzerland u qaabilsan tacadiyada iyo ku xad gudubka xuquuqda aadanaha. 

Qoraaladan ayaa si si waafi ah uga turjumayay xaqiiqda dhabta ah ee ka taagan Ogaadeenya iyo in Soomaalida Ogaadeenya aay yihiin umad gumeeysi ku hoos jirta oo u baahan in aay dib u hesho xornimadii iyo madaxbanaanidii eey horay u heeysatay  

Mr. Scyboz, wuxuu balan qaaday in tacadiyan oo aay soo ururiyeen diiwaangaliyeena hayadaha xuquuqul insaanka ee Ogaadeenya iyo kuwa caalami ahba, uu hor dhigi doono gudiga baarlamaanka wadankan u qaabilsan arrimaha Afrikada Bari, is la markaana la filayo in dowlada Switzerland dib uga fiirsato kaalmada aay siiso taliskan xaqdarada ku dhisan. 

Intii uu socday banaanbaxani ayaa waxa la arkaray wariyayaal caalami ah sida Al-Jasiira iyo wariyayaal kale oo qaadayay sawiro iyo wareeysiyaba. 

Waqtigan oo uu gumeeysiga itoobiya xoog ku qabsaday jamhuuriyadii xorta ahayd ee Soomaaliya , ayaa waxey Soomaalida guud ahaan dhadhamiyeen dhibaatada uu geeysto cadawgan soo jireenka ah oo dhul balaarsiga, adoonsiga iyo dhiiga u ooman, waxa kaliya oo looga bixi karana aay tahay midnimo, mintid iyo is ku tashi lana gara bis taago halganka xaqa ah oo aay Jabhada Wadaniga Xoreeynta Ogaadeenya hormuudka u tahay. 

• Sawiraddii Mudaharaadka Ka Daawo Halkan....
   

A.M

Bern, Switzerland

abdimoh@hotmail.com