Shirkaan micnihiisu waa gumeysi halaqaato
Yoonis Aadan (Cigalley)
wardhiigley@hotmail.com
Shirakaan ujeedadiisu waxey tahay in beesha caalamka ladhaho beelihii
soomaaliyeed ayaa shirey weyna hishiiyeen kadibna waxey ansixiyeen in
Itoobiya ay dalka xasilisey amnina kusoo dabaashey saasna uu baarlamaanka
ku ogolaado maadaama ay metelaan beelaha. waxaana kuxigi doono in soomaaliya
ay kamid tahay federaalka Itoobiya., mana lahubo in uu dhacaayo shirkaan oo
maalmo yar ay inagaxigaan wakhtiga loo qabtey inuu qabsoomo ama dhaco,
laakiin haduu dhaco waa in la ansixiyaa qodobkaan ay soomaaliya kula
midoobeyso Itoobiya..
Cali Mahdi maku fiicno in uu dhaho shir dib u hishiisiin ayaan
qabaneynaa iyadoo dalkii ay heysato Tigreey dadkiina la leynaayo oo la
dhacaayo lana barakicinaayo, weliba lagu sameynaayo bahdil kusaleysan hab
diineed, bal fiiri Jameeco dhan ayaa laga kaxeestey Masaajid.
Hadaba sideen ku yeeleynaa in aan Tigreey hoos fadhiisano isagoo
waardiyo naga haayo oo nala ilaalinaayo, ilama ahan in qof Soomaali oo
Muslimnimo sheeganaayo
oo damiir wadaninimo ay ku jirto in uu hoos fadhiisanaayo Tigreey.
Dadka moodo in Itoobiya wanaag ukeeneyso Soomaaliya, waxaa tusaale noogu
filan dhulka Soomaalida ay heysato wax ma uqabatey? Nabada ay ukeeni weysey,
cadaalada ay ukeeni weysey, horumarka ay ukeeni weysey miyey Soomaaliya
ukeenee, qofka bini aadamka waa inuu xisaabtamaa.
Cali Mahdi sow maahan ninkii badaha suntan ku shubay oo dalkii
iibsadey, Cabdulaahi Yuusufna sow maahan ninkii ugu horeeyey ee ugalo
Amxaaro, sow maahan ninkii Balanballe iyo Galdogob ka taagey calanka
Itoobiya, sow maahan ninka dalka soo galiyey cadowga soo jireenka ah. Hadaba
hadii la yiri labadaan daba dhilif ayaa wax hishiisiinaayo taas micnaheedu
waxey tahay yaan la hishiin.
Cabdulaahi yuusuf iyo Cali mahdi hadafkoodu waa sidii ay ukala dili
lahaayeen dadka ka soo horjeedo gumeysiga geyigeena qabsadey.
Xaaji Cabdi Iimaan waa nin oday ah waxaana umaleynaa in shirkaan lagu
sigsaagey oo lagu marin habaabiyey, waana ayaan daro in nin oday ah oo
shalay loo xirey mabda uu aaminsanaay ee gumeysi diid ah, uuna kuhelay
mansab iyo magac in uu is bedelo!!.
Hadii xaajiga si hoose loola hadley iyo intii kaloo soo raacikarto ma
ahan in la yiraahdo
Hawiyaa udhamaay shirkii lagu qabtey Hotel Lafaweyne.
Waxaa cadaatey in 16 kii sano ee lasoo dhaafey waxa naloo fiirsanaayey
wexey eheed in nalaga helo dad badan oo inaga mid ah oo la shaqeeya
gumeysiga, waa geeri in Itoobiya guushii ay dooneysey ay maanta dad
soomaali daba dhilif ah ay siiyaan, waana ayaandaro in Itoobiya calankeeda
ay ka taagto Caasimadii Soomaaliya.!!!
Hadaba sabata loogu qabanaayo shirkaan Muqdisho loogana dhigey mid
beeleed waa in aysan ka soo qeyb gelin mucaaradka ka soo horjeedo kooxda
Imbagathi ha ahaadeen maxkamadaha , baarlamaanka xorta ah, aqoonyahanka
iyo siyaasisiin culeeskooda siyaasadeed aan la iska indha tiri kerin.
Hadii laga dhigo mid siyaasadeed wexey ka cabsanaayaan in ay soo baxaan
axsaab cusub, suuqa siyaasadana ay ka baxaan qaar badan oo ka mid ah
kooxdaan Imbagathi ee dabadhilifka ah waana taas sabata ay u isticmaalen
siyaasadaan foosha xun si aysan usoo noqon aqoonyahanka iyo indheergaradka
shirkana ay ugu yeereen shir beeleedl. Ayagoo kala gadaayo beelaha kuna
abuuraayaan colaad, shaki iyo is aamindaro. si ay u gaaraan danahooda
guracan.
Kooxda Imbagathi khilaafka ka jiro soomaaliya ayey qeyb katahay welibo
ayaga laftigooda ayaa mucaarad isku ah, macquulna maahan in ay dhahaan
anagaa shir uqabaneyno beelaha, ayagoo weliba qirsan in uu jiro mucaarad
ayaga ka soo horjeedo jiritaankooda, hadii aysan hor fariisan mucaaradka
wax usoconaayo maleh wexeyna noqoneysaa jug jug meeshaada jog
Hadaba dibuhishiisiin ujeedadeedu tahay mid qabiil ma keeneyso xal
siyaasadeed waana shimbirayahoow heesa hees wanaagsan heesa.
By:- Yoonis Aadan (Cigalley )
wardhiigley@hotmail.com
Afeef: Aragtida qoraalkan waxaa leh qoraaga ku
saxiixan
Daabaco Boggan | Print
Geeddi
oo aan Weli Ka Jawaabin eedayntii ahayd in "uu
Mas'uul ka ahaa Mamnuucidii Dhoofinta xoolaha 
SOOMAALIYEEY, CABDULLAHI WAA KAAS!!!. 
Sidee
Lagu Xalinkaraa Dhibaatada Soomaaliya: in
dadka diinta labaro, iyo in.... 
Doofaarta
Raacdiyo Amxaar: 
