Waxaa Khamiistii shir iskugu yimid wasiirada dowlad goboleedka puntland kaas oo ka dhacey magaalo madaxda puntland ee garowe waxaana looga hadlayay maxkamad dastuuri ah loo la damacsan yahay in loo sameeyo puntland, hase ahaatee waxaa ay wasiiradu dhaleeceyn usoo jeediyeen laanta afka soomaaliga ee British Broadcasting Corporation iyagoo ku eedeeyay in aysan dhex dhexaad ka ahayn wararka ay puntland ka sheegaan.

Waxaana sidoo kale Khamiistii (July 5, 2007) warqad shaqo ka fariisan ah uu wasiirka warfaafinta ee dowlad goboleedka Puntland Mudane Cabdirahman Maxamed Bankax uu u gudbiyay weriyihii puntland u joogey British Broadcasting Corporation, Axmed maxamed cali (Ahmed kismaayo) iyadoo loo diidey in uu ka shaqeeyo deegaanada puntland uuna war oga tabiyo British Broadcasting Corporation.

British Broadcasting Corporation waxaa lagu eedeeyay in aysan dhex dhexaad ka ahayn waxa ka dhaca dowlad goboleedka puntland ayna sheegina hormarka ay puntland ku talaabsadtey sanadihii ugu dabeeyay, hase ahaatee waxa ay ku eedeeyeey in ay u janjeerto gobolada koonfureed iyo kuwa waqooyi oo ay laantaasi bbcda ay si weyn u faaniso una buunbuuniso wararkeeda si wacana oga waranto.

Isku soo wada duuboo laanta afka soomaaliga waxaa ay dad badani ay sheegayaan ama ay ku eedaynayaan in aysan dhex dhexaad ka ahayn wararka ay ka baahiso deegaanada maamul goboleedka puntland ee soomaaliya ee ay siideyso wararka xun xun ee wax u dhdimaya deegaanada puntalnd hase ahaatee dhinaca wanaagsan kama waranto waa sida la sheegaye.

Yusuf Guduudow

E-mail yusufguduudow@hotmail.com