URURKA ARDADA BANKA ISLAMKA EE JORDAN (IDBSAJ) IYO WAFDI KASOCDA
URURKA WADANIGA DHALINYARADA SOOMAALIYEED EE SUUDAAN (SNYU) OO SI
WADA JIR AH UGU CIIDAY WADANKA JORDAN ARIMA BADANA KAWADA HADLAY.
Ururka aradada banka islamka ee Jordan (ISLAMIC DEVELOPMENT BANK
STUDENTS ASSOSIATION IN JORDAN) iyo wafdi ka socda ururka wadaniga
dhalinyarada soomaaliyeed ee suudaan Somali National Youth Union (
SNYU) ayaa si wada jir ah ugu ciiday dalka jordan.kuwaas oo
munaasabada ciida carafo la wadaagay umadda musliimta ah ee caalamka
gaar ahaan dalka Jordan oo si wayn looga xusay ciida carrafo.
Sawirada Kulanka ardayda halkan ka
daawo...Guji...
Xaflad si wayn loo soo agaasimay oo ay soo agaasimeen ururka
ardada Soomaaliyeed ee banka islamka gaar ahaan gudiga nashaadaadka
taasoo lagu xusayay munaasabada ciida carrafo ayaa lagu qabtay xarun
wayn oo ku taala magaalada IRBID taasoo ah magaalada ay ugu badan
yihiin ardada soomaaliyeed ee Jordan.
Xaflada ayaa sidoo kale waxaa kasoo qayb galay wafdi ka socda
ururka wadaniga dhalinyarada soomaaliyeed ee suudaan,
waxaana laga dheehan karay farxada wayn iyo reynreyn, wafdiga
ardayda ayaa waxa siweyn ay ugu farxeen isku xirnaanshaha ardayda
wax ka barata dalka Jordan iyo dadaalkooda waxbarasho.
Xafladan ayaa waxa ay uga duwaneyd xafladihii hore ee ardayda
qabsan jireen ardayda joogitaanka wafdiga martida u ahaa ardayda oo
siweyn uga qeyb qaatay xaflada.
Xaflada ayaa waxaa looga hadlay arimo dhowr ah oo quseeya ardada
soomaaliyeed iyo sida loo midayn lahaa mustaqbalka dhow maadama
aynan jirin safaarado soomaaliyeed oo ardada dibadaha wax u qabata.
Sawirada Kulanka ardayda halkan ka
daawo...Guji...
Qodobka ugu muhiimsan ayaa wuxuu ahaa sida loo heli lahaa arday
fikirkiisu ka madax banan yahay qabyaalad iyo qabiil jacayl kaasoo
barri dalka iyo dadkaba wax u qaban kara.
Dhanka kale labada urur ayaa kawada hadlay xiriirka ardayda
labada wadan waa sudan iyo Jordan iyo in lasameeyo siminaro iyo
muxaadarooyin lagu wacyi galinayo ardada taasoo kadibna looga sii
gudbi doono wadamada kale sida Masar, Yemen Pakistan, Malaysia,iyo
India oo ay joogaan arday soomaaliyeed oo aad badan.
Sawirada Kulanka ardayda halkan ka
daawo...Guji...
Ugu danbayntii waxaa la isku waafaqay in ladhaqan galiyo qodobo
dhowr ah oo ey ka mid yihiin:
- In lasameeyo xiriir iyo wadashaqeyn ardada wax kabarata
dibada.
- In la sameeyo siminaaro si la isku dhex galo.
- In la sameeyo aqoon iswaydaarsi, simanaaro iyo dodo ku
salaysan hab cilmiyeed.
- In la soo saaro jaraa’id guud oo bille ah kaasoo looga
hadlayo arimaha ardada soomaaliyeed ee dibada wax kabarata.
- In laga wada shaqeeyo dhismo urur good oo kulmiya ardayda
soomaaliyeed.
Ugu danbaystii waxan rajaynayaa in ay jiri doonaan
arday soomaaliyeed oo dalka iyo dadkaba wax u qabata mustaqbalka
dhow.
Daabaco
Boggan | Print
