Qado sharaf ay soo abaabuleen beesha Faqi Muxumed oo ka dhacday
Magaalada Minneapolis
Waxaa Maalintii axada oo ay bishu ahayd Agoosto-19-2007 ka dhacdey
Magaalada Minneapolis ee cariga mareykanka qado sharaf ay soo abaabuleen
beesha Faqi Muxumed, eheladii iyo qaraabadii ay ka xijaabatay marxuumada
Sacdiya iyo gabadheeda Hana.
Qado sharaftaas oo ay ka soo qeyb galeen dhamaan beelaha Direed iyo
Somali community ee ku dhaqan magaalada minneaplos.
Qado sharaftaas waxaa ka soo qeyb galay dad kor u dhaafaya boqolaal
oo iskugu jira dad wadanka gudihiis iyo dibadiisa ka kala yimid waxaana
ka mid ahaa dadkii halkaas ka hadley waalidiintii qoyska oo uu ugu
horeeyo:
• Generaal Abdiaziiz sheekh hassan
• Sheekh hassan kare
• Abdullahi khadiib
• Iyo culumaudiin halkaas ka soo jeediyay wacdi iyo wargelin
Afhayeenka beesha Faqi Muxumed
Hagi Abdullahi Abdiaziiz Sheekh Hassan
DAREENKA AY DADWEYNAHA KA MUUJIYEEN DADKII KU DHINTAY AMA LAGU LA'YAHAY
BUUNDADII DUNTAY EE MINNEAPOLIS
Burburkii buunddada isku xirta magaallooyinka mataanaha ee
Minneapolis iyo St.Paul ayaa ka mid ah musiibooyinka Rabbaaniga ah, una
baahan in laga qaato cibro qaadasho aad u weyn., iyadoo buundada duntay ay
aad ugu dhoweyd xaafadda Cedar ee ay deggan yihiin kumanaanka kun ee
soomaalida.
Ilaa iyo hadda waxaa si rasmi ah loo shaaciyay in la
la'yahay ilaa 8 qof, oo ay ku jiraan hooyo soomaaliyeed Sacdiyo Sahal iyo
gabadheeda oo 2 jir ahayd, waxaana annigoo soo aruurinaya aragtida iyo
dareenka ay soomaalida ka muujiyeen abbaaray goobaha iyo suuqyada ay ku
badan yihiin Soomaalida ee magaallada Minneapolis.
Maxammed Guuleed, oo ka mid ah qaraabada qoyska buundada lagu
la'yahay. |
Nasiib uma aanan yeelan inaan la kulmo Sacdiyo aabaheed iyo
ninkeeda toona, hase ahaatee waxaa ii suurtogashay inaan la kulmo Maxammed
Guuleed oo ay Sacdiyo ilmo adeero yihiin, waxaana weydiiyay markii ugu
danbeysay ee ay maqlaan ama ay arkaan hooyada soomaaliyeed iyo gabadheeda,
wuxuuna yiri ”waxay ahayd isla maalinimadii arabacada ee ay buundada duntay,
waxaa noogu danbeysay iyadoo u jeedday xaafadda St.Paul oo aalaaba la sii
maro waddada I-35 W ee uu hoos dureera webiga weyn ee Mississippi” ayuu yiri
Xaaji Maxammed Guuleed oo ay ka muuqato tiiraanyo aad u xeeldheereed,
wuxuuna annigoo su’aashaydii danbe weydiinin markale ayuu haddana yiri
”adeer waa musiibo rabbaani ah, 3 habeen oo wada socda ma aanan seexan,
anniga iyo gabadha aabaheed, waxaan maalmihii u danbeeyay ka daba
laabanaynay booliiska iyo shaqaalaha red cross-ka, wixii ka horeeyay
duhurnimadii shaleey oo sabti ahayd waxay na lahaayeen is dejiya oo ha
rumeysanina hadallada warbaahinta iyo iyagoo aanan noo sheegin inay hayaan
meydka gabdhaheena iyo inkale” ayuu sii raaciyay iyadoo ay ilmadana kaa
daadanayso, kana muuqatay walbahaar ballaaran.
Waxyar ayuu aamusnaa, anniguna aan aamusnaa oo aan la
wadaagayay dareenkiisii xanuunka badnaa, wuxuuna markale misna yiri ”Sacdiyo
Sahal oo 23 jir ahayd iyo gabadheeda 2 jirka-ka ahba waxay ahaayeen kuwo aan
ku raaxaysano wehelkooda, waxay Sacdiyo ku rajo weynayd inay dhamayso oo ay
guul ka gaarto waxbarashada caafimaadka, qof Illaah taqaana oo naxariis
badan bay ahayd oo dadkoo dhami ay jecel yihiin, waxay lahayd uur shan
billood ah, Rabbigii horey na siiyay ayaa dib nooga ceshtay, waana ku
qasbannahay inaan u hoggaansanno qaddarta iyo qallaha Eebbe” ayuu yiri Xaaji
Maxammed Guuleed oo si weyn daal iyo tacab uga muuqday markaan kula kulmay
suuqa Karmel ee ay soomaalida ku leeyihiin tobaneeyo goobo ganacsi, markii
aan dareemay inuu dhibayo hadalka ayaan annigana ka joojiyay waraysigii aan
ka qaadayay.
Salwo Maxammed |
Xaafaddii ayaan sii socday, waxaana la kulmay gabar
soomaaliyeed oo magaceeda la yiraahdo Salwo Maxammed, waxayna iyadoo
dareenkeeda ku aaddan dadkii ku dhintay buundadii duntay ay tiri ”dhab
ahaantii waa wax aad looga naxo, dabcan waa wax qornaa inay sidaan u
dhacaan, keliya waxaan aad uga naxay dadkii ku dhintay ama la waayay oo ay
ugu horeyso Sacdiyo iyo gabadheedii yarayd” ayay Salwo tiri oo ii sheegtay
in waddada buundadan ay marto ay u ahayd waddo ay marwalba marto, ayna ku
faraxsan tahay inuu Allaah (sw) ka badbaadiyay shilkii maalintaas ka dhacay.
”waxaa igu waajibay sujuud shukri” ayay tiri iyadoo farxadi weyn ay haraysay
wejigeeda.
Ahmed Omar |
Ahmed Omar ayaa isagana ii sheegay inay dhacdadii buundada
ku ahayd fajaciso iyo argagax weyn, wuxuuna u arkay inay ahaayeen awood Alle
oo danta laga lahaa ay ahayd inay aadanuhu ku cibro qaataan, ogaadaana inay
tani noqon karto digniin.
”waxaan tacsi u dirayaa dhammaan dadkii ku geeriyooday,
annigoo si gaar ahaan u muujinayo dareenkayga walbhaareed ee aan ka
muujinayo hooyadii soomaaliyeed iyo gabadheedii ee iyadu ku le’dey shilkaas
naxdinta badnaa” ayuu yiri Ahmed Omar.
Abdicasiis Maxammed oo 18 jir ahaa ayaa isagana dhinaciisa
arrintan ka muujiyay naxdin, wuxuuna hooyada soomaaliyeed iyo gabadheeda u
gudbiyay duco uu Ilaahay uga baryayo inuu u naxariisto, isla markaasna samir
iyo iimaan ka siiyo qaraabada ay ka tagtay.
Muxsan Baxsane oo ka mid ah dhalinyarada ku nool magaallada
Minneapolis ayaan markaan weydiiyay dareenkiisa buundada aad isu baddalay,
wuxuuna ii sheegay inuu aad uga naxay oo uga gilgilay dhacdadii dhacday
arbacadii la soo dhaafay, wuxuuna u rajeeyay inay hooyadaas soomaaliyeed iyo
gabadheeda nasiib u noqdaan shuhado.
Muxsan Baxsane |
”anniga diinta kuma fiicna, hase ahaatee waxaan culumada in
badan ka maqlay in qofkii shilka noocaan oo kale ku dhinto uu noqonayo
shahiid, oo uusan shahiid-ku ahayn keliya qofka dagaalka ku geeriyooda iwm”
ayuu yiri Muxsan isagoo mahad ballaaran u soo jeediyay culumada iyo
imaamyada soomaaliyeed ee kaalmada ka gaysatay guud ahaan dhacdadan
taariikhiga ah ee la soo gudboonaatay gobolka Minnesota.
Ibraahim Saalax
ibra88@hotmail.com
Minneapolis, Aug 5, 2007
Sacdiya Sahal iyo Gabar 2-jir ah oo ay Dhashay oo Weli lagu La'yahay
Burburkii Buundadii Minneapolis
Sabti, Aug 4, 2007: SomaliTalk.com : Maxamed Sahal oo ah Aabaha
dhalay Sacdiya Sahal oo ah hooyo Soomaaliyeed oo uur leh oo ka mid ah
dadka lagu la'yahay burburkii buundadii Minneapolis ayaa sheegay sida uu
uga walaacsan yahay gabadhiisa oo aan ilaa hadda war laga hayn.
Maxamed
Sahal oo uu caawa (Aug 3) waraystay TV-ga ABC, ayaa waxa uu sheegay sida
uusan war uga hayn gabadhiisa iyo gabadha yar ee uu awoowaha u yahay
meel ay ku dambeeyeen, isaga oo murugo ka muuqato.
Hooyada Soomaaliyeed ee la la'yahay waxay leedahay uur
shan bilood ah, da'deeduna waa 23-jir ah, gabadha ay dhashay ee la
socoteyna da'deedu waa 2-sano-jir
oo magaceeda la yiraado Hanah Mohamed.
Hooyada la la'yahay oo waa arday aad wax u baran jirtay oo ka qalin
jebisay Dugsiga sare ee Washburn ee magaalada Minneapolis hadana baran
jirtay culuumta la xiriirto caafimaadka dadka. Waxayna Minneapolis
yimaadeen sannadkii 2000 ayagoo ka yimid Soomaaliya.
Imamyo iyo
xubno ka mid ah masuuliyiinta Somalida Minnesota oo warqad tacsi ah
u direy shacabka & madaxda & qoysaskii ay saamaysay buudadii duntay..
Akhri Aug
4
Hoos ka akhri warbixinadii hore.
BUUNDADII KU BURBURTAY MINNEAPOLIS OO DAD SOMALI AH WAX KU
NOQDEEN
- Waxaa ilaa hadda la la'yahay hooyo Soomaaliyeed oo leh uur
shan bilood ah, oo magaceeda la yiraahdo Sacdiya Sahal [Sadiya
Sahal], 23-jir ah, iyo gabar ay dhashay oo da'deedu tahay 2-sano-jir
oo magaceeda la yiraado Xanaan Maxamed [Hanah Mohamed]
- waxaana dhaawacmay Afar Soomaali ah...
Arbacad Agoosto 1, 2007 : Qiyaastii 6:05 galabnimo
waqtiga magaalada Minneapolis waxaa burburtay buundo
isku xirta labadda magaalo ee mataanaha ah oo uu
dhaxmaro webiga Mississippi. waxaan ladhisay 1967
buundadaas oo ah mid ay aad u isticmaalaan dadweenaha
degan magaalooyinka mataanaha ah ee St.Paul/Minneapolis. waxaan maalitii mara
140 kun oo baabuur oo isku jirta kuwa yar yar iyo kuwa
waaweeyn. waxaa halkaa ka sacotay dayactir iyo dib
u habeen buundadaasi markuu shilka dhacay.
Waxaa
loomaleenayaa in ay uduntay laba sababood oo kala ah
1) (FATIGUE) oo ah culees soo noq noqda oo ka yimid
baabuurta faraha badan oo isdabajoogga ah iyo shubka
saaran buundada. 2) Kuleel ka dhashay heerkulka xagaaga
oo kor u kacay daciifiyay awoodii birta ku jirta
shubka buunda dabadeedna sababay in buundadii hoos u
dunto.
Meesha uu shilka ka dhacay oo ah xaafada ay ku
badan tahay soomaalidda luguna magacaabo CEDAR oo ay
dagan yahiin ugu yaraan soomaali dhan 10 kun, Sidaa
daraadeed waxaa soo booqaday dad badan oo soomaali
iyagoo isweediinaayay waxa meesha ka dhacay. waxay is
weediinaayeen siday buundada u duntay.
Wararku waxay
sheegayaan in soomaali ay wax ka soo gaareen
dhibaatadaa halkaa ka dhacday. ilaahatan waxaa la
sheegay in ay ku dhaawacmeen 4 qof oo soomaali ah
iyadoo wilba uu ku jiro wiil lug ka jabay intaa waxaa
dheer in dadka lalayahay ay kujirto hooyo uur leh iyo
ilmo yar oo labo jir ah oo xiligaa hooyadiis lasacday
ilaa hadana aan war laga hayn hooyadaas waxay
xaaladeeda ay ku sugan tahay nolol iyo geeri.
Wali
waxaa halkaa ka siisocda howlihii gurmadka ee lagu
baadigoobayay baabuurta iyo dadkii lasocday ee wabiga
ku dhacay.
MNDOT oo ah hay'ada u qaabilsan dhismooyinka
wadooyinka Gobolka Minnesota waxad dowladda kacodsatay lacag lagu
dhiso buundaddii burburtay lacagtaas oo dhan
250.milyan. hay'adaas waxay sheegtay in ay qaadanayso
mudo laba sano kabadan.
zakaria aden
zakihaji@yahoo.com
Somali Media
Aug 3, 2007
Minneapolis: Buundo Baaxad Weyn oo Ku Dul Dhacday Webiga
Mississippi, Gawaaridiina ay ku daateen Webiga....
- Wararka ugu horeeya waxay tibaaxeen in ilaa 5 qof ay ku
dhinteen... 8 qof la la'yahay.... 79 qofna dhaawacmeen...
- Markii hore tirada dhimashada waxaa la gaarsiiyey 7, laakiin
waxaa waaberigii khamiista tiradaas hoos loogu dhigay ilaa 4 qof -
Agoosto 2, 2007
Buundada Jabtay waa I-35 W/ University oo ka mid ah buundooyinka
isku xirta Magaalada Labadeeda Dhinac ee Webiga Mississipi Dhex maro...
Arbacad Agoosto 1, 2007 : Qiyaastii 6:05 galabnimo waqtiga magaalada
Minneapolis waxaa gebi ahaanba webiga Mississippi ku dul dhacday buundo
weyn oo isku xiriirisa magaalada oo ah siddeed wadoo is garab mara,
xiili ay dul marayeen gawaari aad u tiro badan ooah waqtiga shaqada laga
soo baxay.
Wararka ugu horreeya ee ka soo baxay khasaaraha arrintaas ka dhacay
ayaa sheegay in ugu yaraan ay dhinteen saddex qof, in kasta oo
Telefishan maxalli ah uu sheegay in tirada dhimashadu ay intaas ka badan
tahay oo tirada gaarsiiyeen ilaa 7 qof, laakiin waaberigii Khamiista
tiradaas waxaa lagu sheegay 4 qof. Lama xaqiijin tirada dadka ku
dhaawacmay, laakiin waxaa tefeshahanada la iska tusay dad badan oo loo
qaaday cisbitaalada.
[Warar dheeraad ah ayaa sheegay tirada dhaawaca in ay gaarayan ilaa
61 qof, waxaana wararku tibaaxeen in ilaa 20 qof la la'yahay, laakiin
tiradaas waxaa lagu sheegay in ay tahay 8 qof.].
Xilliga ay buundado jabtay oo ahaa waqtiga shaqada laga baxo,
buunduna ay isku xiriiriso labada dhinac ee magaalada ayaa wararku
sheegayaan in gawaarida ay buundado la jabtay tiradooda lagu qiyaasay 50
ilaa 100 gaari [Waxaa biyaha webiga ku dhex dhacay ilaa 50 gaari ayey
wararka ugu horeeya tibaaxeen].
Gawaaridaas waxaa ka mid ahaa gaari bas ah oo ah kuwa Dugsiyada oo
sidey carruur da'dooda lagu qiyaasay ilaa 5 ilaa 13-jirro, kuwaad
tiradoodu dhamayd ilaa 60 oo dhammaantood wararka ugu horeeya sheegeen in ay badbaadeen.
Buundada oo magaceeda la yiraahdo I-35W oo u dhow Jaamacadda
Minnesota waxaa la dhisay waqti hore, waxayna ka samaysan tahay oo
qaariyado u ah Bir iyo shub. Waxaana buundadaas la dhisay 40 sano ka hor [1967].
Waxay buundadaadi webiga ka saraysey 64 feet oo u dhiganta qiyaastii 20
mitir. Waxaana buundadaas lagu qiyaasay in maalin kasta maraan gawaari
tidadoodi dhan thay 140 kun.
Sida caadiga ah buundooyinka marka la dhisayo waxaa cimrigooda lagu
qiyaasaa 70 sano in la adeegsan karo kaddibna la bedelo.
Ilaa hadda lama oga sababata keentay in ay buundadaasi
I-35W jabto.
Cimadala magaalada Minneapolis Arbacadii aad ayey u kululayd, waxaana
kulayl gaarey qiyaastii 91 oF oo u dhiganta 33 oC.
Xilliga aan qoraalkan qoreyney waxaa lagu jiraa habeen magaalada
Minneapolis, waxaana la kala ogaanayaa khasaaraha dhabta ee dhashay
buundadaas iyo gawaarida ku daatay webiga marka waagu beryo Khamiista.
Waxaa hadda baaritaan ka wada webiga hay'adaha gargaarka oo baaraya
gawaaridaas in dad ku xanniban yihiin iyo in kale.
Webiga Mississippi ee dhexmara magaalada Minneapolis waxa uu ka mid
yahay webiyaasha ugu dheer qaarada Woqooyiga Ameerika, dhererkiisaan
waxaa lagu qiyaasaa 3733 km oo u dhiganta 2320 miles, waxan auu ka soo
bilowdaa harada Lake Itasca ilaa uu ka gaaro gacanka loo yaqaan "Gacanka
Mexico".
Sawiroo laga qaaday kaddib markii buundado jabtay:
Sawirada waxaa qaaday Mark Lacroix, Slide.
Faafin: SomaliTalk.com | Agoosto 1, 2007
| Updated: Augst 2, 2007 | updated: Aug 3, 2007
Isha
Wararka: Channel 5, WCCO, KARE Minneapolis.
Augosto 2: WARARKA
MUQDISHO::: Madaafiic iyo rasaas
xoogan oo xalay laga maqlay qaybo ka tirsan Muqdisho.
Daabaco Boggan | Print
