Wararkii: April 16, 2007
- Cali Mahdi "Shirkii dib u heshiisiinta dib
ayaa loo dhigey Muddo ..."
- Ciidamada Itoobiya oo Xamar-Bile ku
kufsaday Gabar kale oo Soomaaliyeed...
- Dagaalo goos goos ah oo shalay ka jiray
Magaalada Muqdisho..
- Ereteriya oo dalkeeda ku qabaneysa shir Dib u Heshiisiin ah...
- Maanta oo lagu wado in dib loo bilaabo Howlihii Dekedda Muqdisho..
Cali Mahdi "Shirkii dib u heshiisiinta dib
ayaa loo dhigey Muddo ..."
Cali Mahdi Max’ed oo ah guddoomiyaha Guddiga dib u heshiisiinta oo shalay
shir jaraa’id ku qabtay Magaalada Muqdisho ayaa waxa uu sheegay ama uu
daboolka ka qaaday in dib loo dhigay shirkii dib u heshiisiinta oo lagu
waday in uu maanta ka furmo Magaalada Muqdisho.
Cali Mahdi waxa uu sheegay in shirka dib u heshiisiinta la qaban doono 14-ka
Bisha Juun oo ah labo bilood kadib, isagoo sheegay in arrimo jira aawadeed
dib loogu dhigay shirkaasi.
Cali Mahdi waxa uu sheegay in ilaa iyo haatan wax qarash ah uusan u soo
xaroonin guddiga dib u heshiisiinta isagoo meesha ka saaray in guddigaani uu
hoos tago Dowladda Federaalka, waxa uuna sheegay in guddigaani uu yahay
guddi ka madaxbanaan Dowladda Federaalka.
Cali Mahdi waxa uu tilmaamay in sida ugu dhaqsiyaha badan u soo sheegi
doonaan goobta lagu qaban doono shirka dib u heshiisiinta Soomaaliyeed,
isagoo sheegay in shirkaasi uu yahay mid lagu heshiisiinayo kooxaha isaga
soo horjeeda dalka.
Ciidamada Itoobiya oo Xamar-Bile ku
kufsaday Gabar kale oo Soomaaliyeed...
Afhayeenka Beelaha Hawiye Axmed Diiriye Cali ayaa waxa uu sheegay in
ciidamada Itoobiya deegaanka Xamar Bile ku kufsadeen gabar da’deedu lagu
qiyaasay 15
sano (ilaa 18 sano) oo lagu magacaabo Fardowso Cabdi Xaashi.
Afhayeenku waxa uu sheegay in gabadhaasi la kufsaday 12-kii Bishan mar ay
damacday in ay gurigeeda u doonato alaabo, waxa uuna sheegay in ay kufsadeen
ciidamo fara badan.
Fardowsa oo haatan taala Isbitaalka Xaawo
Cabdi ee Deegaanka Lafoole ayaa waxa uu afhayeenku sheegay in ciddii
dooneysa inay gabadhaasi soo eegto ay halkaasi ugu tagi karto.
Axmed Diiriye waxa uu sheegay in kufsigaani uu qayb ka yahay dhibaatooyinka
ay Ciidamada Itoobiya ku hayaan shacabka Soomaaliyeed, isagoo sheegay in
haatan ciidamadaasi ay haystaan guryo ay lahayaeen dad rayid ah oo aan waxba
galabsan oo uu ku jiro Isbitaalka Xayaat.
Dhawaan ayey ahayd markii Haweenay 30-jir ah ay kufsadeen ciidamo Itoobiyaan
ah oo ku suganaa xerada Darmooley, Haweeneydaas oo haatan u xanuunsaneysa
kufsigii loo gaystay.
Dagaalo goos goos ah oo shalay ka jiray
Magaalada Muqdisho..
Waxaa mararka qaar shalay la maqlayey daryanka rasaasta culus iyo midka
fudud oo ay isweydaarsanayaan ciidamada Itoobiya oo gacan siinaya Dowladda
iyo kooxaha ka soo horjeeda.
Dagaalada goos gooska ah waxay ka dhaceen agagaarka fagax, Ceel Tuba Weyne
iyo Towfiiq lamana garanayo sababaha keenay dagaaladaasi, sidoo kale dagaalo
goos goos ah ayaa iyana waxay ka jireen agagaarkii wasaaraddii Gaashaandhiga
iyo Kuliyadda Jaale Siyaad, waxaana mararka qaar la isweydaarsanayey rasaas
waxaa la sheegay in hal qof ay ku dhaawacday agagaarka Black Sea halkaas oo
ay xabaddu iyada habow ah ugu tagtay.
Ciidamada Itoolbiya iyo kooxaha ka soo horjeeda ayaa la sheegay in ay u
dhexeyso heshiis xabad joojin ah oo bilowday 2-dii bishan aan ku jiro.
Dagaaladii
Dhahar iyo xaalka hadda:
- Ciidamada Puntland oo si
buuxda gacanta ugu dhigay magaalada Dhahar
-
Wasiirada iyo ciidamada Somaliland ee ka soo noqday Dhahar oo soo
gaadhey Ceerigaabo iyo agagaarkeeda
- Wasiirka Gaashaandhigga ee SL oo
xilka laga qaaday...
- Wararkas
halkan ka akhri....
Ereteriya oo dalkeeda ku qabaneysa shir Dib u Heshiisiin ah...
Dowladda Ereteriya ayaa dadaal ugu jirta sidii ay dalkeeda ugu qabab lahayd
shir dib u heshiisiiin ah oo ay isugu yimaadaan dhamaan kooxaha isku haya
dalka Soomaaliya.
Madaxweynaha Ereteriya ayaa mar uu la kulmay qaar ka mid ah mas’uuliyiinta
Dowladda Federaalka iyo Maxaakiimta Islaamiga ah ee ku sugan dalka Ereteriya
waxay ka codsadeen in uu gacanka gaysto sidii loo qaban laha shir dib u
heshiisiin soomaa-liyeed.
Warar aan la xaqiijin ayaa waxay sheegayaan in Dowladda Ereteriya ay
damacsan tahay in la dhiso dowlad Soomaaliyeed oo loo dhan yahay, hase
yeeshee Su’aasha isweydiinta mudani waxa ay tahay in dowlad kale la
magacaaho, maadaama ay dalka ka jirto Dowladda Federaalka. Waxaana la
filayaa in dhawaan dalka Ereteriya gaaraan siyaasiyiin kale oo Soomaaliyeed
oo ku sugan dalka dibaddiisa kuwaas oo la tashiyo u tagi doona dalkaasi,
isku soo wada duuboo xaaladda Soomaaliya haatan waxay u muuqataa mid ay isku
hirdinayaan qowado Shisheeye oo iyagu wata dano gaar ah.
Maanta oo lagu wado in dib loo bilaabo Howlihii Dekedda Muqdisho..
Kulamo isdaba joog ah oo ay maalmahan lahaayeen ganacsatada iyo Dowladda
Federaalka ayaa aaqiritaankii waxaa lagu heshiiyey qidmo aan wax dhibaato ah
ugu jirin shacabka Soomaaliyeed, waxaana maanta lagu wadaa in Dekedda
Muqdisho bilowdo hawlaheeda la xiriiray Dejinta iyo dhoofinta.
Ilaa iyo 15 markab ayaa ku xiran Dekedda kuwaas oo wada badeecooyin kala
duwan waxaana hawlaha maanta dib u bilaabanaya soo dhaweeyey shacabka
Soomaaliyeed oo waayadan dambe ka walwalsanaa sicirka badeecadaha oo cirka
isku sii shareerayey.
Xiritaankii dekedda waxa uu dhibaato weyn u gaystay shacabka Soomaaliyeed oo
iyagu ka qaxay dagaaladii dhawaan ka qaxay Magaalada Muqdisho, kuwaas oo
haatan ku dandareysan deegaano ku dhow Magaalada Muqdisho iyo waliba gobalo
kale. Dekedda ayaa sidoo waxaa u shaqo tagi jiray dhowr kun oo Soomaali ah
kuwaas oo halkaasi kala soo bixi jiray nolol maalmeedkooda, sidoo kale dib u
hawlgelinta ayaa la filayaa in ay wax weyn ka bedesho Sicirka.
W/D Amiin Yuusuf Khasaaro E-Mail
amiinkhasaaro@hotmail.com
April 16, 2007
Bayaanka culimada
Soomaaliyeed ee ku aaddan
duullaanka MACATAB u dirirka ah ee Itoobiya ku soo qaaday Soomaaliya....
Akhri...
TAARIIKH::: Markale dhegeyso Waraysigii
Dr. Raabeh
![Raabeh](/images/drraabi.JPG)
Waraysi: Dr. Cumar Cusmaan Raabeh
Waraysi dheer oo ay SomaliTalk la yeelatay
Dr. Raabeh ayuu kaga hadlay arrimo badan oo ay kamid yihiin "Khatarta Culus ee
Maanta uu kujiro Qaranka Soomaaliyeed iyo Xallinteeda.." Waraysigii ka dhegeyso
halkan
Nin
Soomaali ah oo Jimcadii Lagu Diley Maraykanka
Marxuumku waxa uu ka tegey xaas
iyo 8 carruur ah oo jooga Ohio
Magaalada Phoenix ee gobolka Arizona ee
dalka Maraykanka ayaa Jimcadii (Apr 6, 2007) waxaa lagu diley nin Soomaali
ah. Waxaa warku sheegay in arrinta dilkani dhacay kaddib markii marxuumku uu
gaarigiisa istaajiyey meel gawaarida la dhigto, ayaa inta ninkale
gaari kale ka soo degey uu toogasho ku diley marxuumka.[Warkan
oo dhan ka akhri halkan.....].
Apr 7, 2007
Minnesota,
USA:
Shir ay yeesheen Beesha Hawiye
Wax garadka, culumaaudiinka & mutacalimiinta
beesha....
Akhri...
Jaaliyadda
Soomaalyeed ee Denmark oo shir ka yeelatay arrimaha Soomaaliya
Shirkaas oo ay ka soo qeyb galeen
dhammaan qeybaha kala duwan ee jaaliyadda ayaa
Akhri
![](/terry/arrowleft.gif)
![](/terry/arrowright.gif)
|