Waraysi Shiikh Xasan Daahir Aweys ''
maxaakinta islaamiga ah dagaalyanadoodu way
joogaan muqdisho dagaal ayaana la galaynaa
AU-da ciidamadooda
Gudoomiyaha
Golaha Shuurada ee Maxaakimta islaamiga ah
ee soomaaliyeed Shiikh Xasan Daahir Aweys oo
u waramayay maalintii shalay ee Sabtida
ahayd wargayska Asharqalawsat ee ka soo baxa
magaalada London ayaa waxaa uu sheegay in
Maxaakiimta islaamiga ah dagaalyanadooda ay
joogaan magaalada caasimada ah ee
Muqdisho,waxaana oo sheegay in ay ciidamada
maxaakinta islaamiga ah aysan u ugalaan
doonin ciidamada midowga afrika in ay
soomaaliya ku sugnaadan, waxaana uu sheegay
oo kale in oo la hishiin doono madax waynaha
DFKMG ah C/laahi Yuusuf Axmed waa hadii uu
ka tanaazulu arinta ciidamada dalka
soomaaliya jooga ee AFricanka ah sidaa waxaa
uu u sheegay wargayska isagoo ku sugan
Xaruntiisa qarsoon ee dalka soomaaliya
koonfurteeda ku taal
Mar uu ka
hadlayay,Shirka dib u hishiisiinta qaran ee ay
Dawlada FKMG ah ay ku baaqday ayaa waxaa uu
sheegay in maxaakinta islaamiga ah aysanba
ahayn siyaasadooda in ay diidaan wada hadal
iyo isasaamintaan si loo gaaro nabad iyo
kala danbayn.
Shiikh Xasan
Daahir Aweys ayaa waxaa uu ku eedeeyay Ciidamada DFKMG
ah iyo kuwa garabka siiya ee dalka xooga ku
soo galay ee Ethoipianka ah in ay gaysteen
xasuuq ka dhan ah shacabka soomaaliyeed ee
ku nool magaalada caasimada ah ee
Muqdisho,waxaana uu sheegay isagoo
hadalkiisa sii wata in ciidamada maxaakimta
islaamiga ah ee ku sugan magaalada muqdisho
ay shacabka ka badbaadiyeen in badan
xasuuqaasi Cadowga umada soomaaliyeed wado,mana
u ogalaan doonaan in ay soomaaliya sii
joogaan ciidamada xooga ku soo galay.
Soo noqoshada
Maxaakimta islaamiga ah ma ahan oo kaliya in
ay ka muuqdaan magaalada muqdisho balse
waxaa weeye hadafkoodu in ay dalka ka
xoreeyaan gumaystaha dalka qabsaday ayaa uu
yiri Shiikh Xasan Daahir Aweys waxaana oo
dhanka kale ugu baaqay muslimiinta caalamka
in ay ka qayb qaataan jihaadka ka soconayo
dalka soomaaliya ee looga hor jeedo
ciidamada xooga ku soo galay,waxaana ay isku
filan tahay maxaakinta islaamiga ah ayaa uu
hadalkiisa ku soo gaba gabeeyay.
Waraysigan
Shiikh xassan bixiyey ayaa ka dhigaya markii
ugu horaysay ee Golihii Maxaakiimta
Islaamiga ah ay cadaysteen in ay si buuxda
ugu lug leeyihiin dagaalka loogaga soo
horjeedo cadowga tikreega,taasoo farax
gelinaysa shacabka Soomaaliyeed ee dadaalka
ugu jira in ay dalkooda dib uga xoreeyaan
cadowga qabsaday.
Shiikh Xasan
daahir Aweys ayaa hadalkiisu waxaa uu yahay
midkii ugu cadaa ee ka soo baxa in dhawaale
maxaakinta islaamiga ah madaxdooda isagoo si
cad u qeexay in maxaakinta islaamiga ah ay
ciidamadoodu joogaan magaalada Muqdisho
walina ay ka dagaalamayaan sidiii dadka
soomaaliyeed loo xorayn lahaa,
Faafin:
SomaliTalk.com | April 15, 2007