Dowladda Federalka KMG ee Soomaaliya oo aan
Xil Weyn Iska Saarin Jawaab ka helidda Warqaddii ay u Direen Thailand....
SomaliTalk.com | April 19, 2006
Qoraal SomaliTalk.com soo gaarey ayaa waxaa ku cad
in Dowladda Federaalka KMG ee Soomaaliya ay xaaladda wiilasha ku xiran xabsiga
Bangkok kala xiriirtay dowladda Thailand dabayaaqadii sannadkii hore ee 2005, laakiin
ilaa hadda aysan muuqan wax jawaab ah oo laga helay Thailand iyo wax daba gal ah
ama dhaqdhaaqa ah oo ay DFKMG ay arrintaas ka samaysay.
Qoraalka rasmiga ah ee ay DFKMG ah u dirtay
Thailand markey taariikhdu ahayd 30/12/2005 oo uu ku saxiixan yahay Wasiir
ku-xigeenka Arrimaha Dibada Soomaaliya, Xasan Axmed Jaamac, waxaa ku cad in
DFKMG ee Soomaaliya ay cabasho rasmi ah u gudbisey wasiirka Arrimaha Dibadda ee
dalka Thailand, cabashadaas oo ah in saddex muwaadin oo Soomaali ah laga
qafaashay xeebta Soomaaliya kaddibna lagu xiray xabsiga Bangkok, Thailand.
Saddexdaas muwaadin oo ahaa ilaalada Xeebaha Soomaaliya. Taas oo ay DFKMG rabtey
in ay arrintaas wadahadal kala yeelato dowladda Thailand.
Warqaddaas, oo sida ku cad, lasii mariyey
safaaradda Boqortooyada Thailand ay ku leedahay magaalada Nairobi, Kenya, waxa
ay DFKMG ku muujisay sida loogu xadgudbey caddaalada iyo sida loo majara-habaaiyey akhbarta kusaabsan
muwaadiniinta
xiran, taas oo ay DFKMG ah aad ugu adkaysay
qoraalka in saddexdaas nin ay ka tirsan yihiin Booliska (Puntland, Soomaaliya).
- Safaaradda Thailand ee Nairobi, Kenya
waxaa lagala xiriiri karaa: Email:
thainbi@form-net.com , Tel. (254-2) 715243, Fax. (254-2) 715801
Warqadda ay DFKMG u dirtay Thailand waxaa ku
cad in faraq aad u weyni u dhexeeyo sida wax u dheceen iyo waxa laga qoray
muwaadiniinta Soomaaliyeed ee la xiray, taas oo ay DFKMG cadayn uga dhigtay
waraysi laga qaaday 3-da Soomaalida ee xiran, waraysi lala yeeshay shirkadda leh
markabka ay saarnaayeen ee laga xiray, iyo warqaddii
uu madaxweyne ku xigeenka Puntland ku caddeeyey sida ay ula yaabeen markii
muwaadiniintaas la xiray ee aan dowladda Thailand kusoo wargelin.
DFKMG waxa ay si rasmi ah u weydiisatay
Thailand in muwaadiniinta Soomaaliyeed ee xiran lagu soo wareejiyo Soomaaliya,
si haddiiba ay "dembi" galeen arrintooda loogu eego Soomaaliya oo ah meel ay ka
helayaan dad ay is afgaranayaan, is dhaan garanayaan, isla mar ahaantaasna ah
meesha arrinta lagu andacoonayo ay ka dhacday.
Xilliga ay DFKMG warqaddaas qortay, sida
warqadda ku cad, waxay ahayd Bishii December 30, 2005, waxaana markaas ka soo
wareegtey muddo dheer, taas oo aysan ilaa hadda muuqan in dowladda Thailand ka jawaabtey,
balse ay maxkamad saartay muwaadiniinta Soomaaliyeed 15/3/06 waxayna hadda
u ballan sanyihiin maxkamad 24/4/06 sida ku cad waraysigii
xabsiga lagaga soo qaaday 3-da Soomaaliyeed.
 Safiirka
Thailand u fadhiya Kenya, oo magaciisa la yiraahdo AKAVUTH CHITAPATIMA,
waxaa lagala xiriiri karaa:
Email: thainbi@form-net.com
Tel. (254-2) 715243, 715800, 715796
Fax. (254-2) 715801, 715802 |
Sida muuqata dowladda FKMG iyo DGPL waxa ay
isku dayeen in ay la xiriiraan Boqortooyada Thailand, kaddib markii ciidankii
ammaanka ee ilaalinayey xeebaha Soomaaliyeed la qafaashay. Waxaana hadda laga
rajaynayaa DFKMG/DGPL in ay isku dayaan sidii loo baajin lahaa maxkamadda la damacsan
yahay in muwaadiniinta Soomaaliyeed la saaro bishan April 24keeda, maadaama ay
tahay maxkamad xaq darro iyo gardarro ah, isla mar ahaantaasna xad-gudub ku ah
xorriyada Qaranka Soomaaliyeed maadaama dadkii ay dowladdu u xilsaartay
ilaalinta ammaanka la qafaashay iyagoo aan lala socodsiin dowladda Soomaaliyeed.
Warbixin soo gaartey SomaliTalk
ayaa waxaa ku cad in markii xabsiga loogu tegey saddexda 3-da Soomaalida (oo ah
askar ka tirsan ciidanka daraawiishta Booliska Puntland) ay sheegeen
qodobadan
- Waxa ay aad uga caraysan yihiin sida
maamuladda Soomaaliyeed aaney u samayn wax ficil ah oo ay ku iyaga kaga
caawinayaan xaqdarrada loo geystey ee xabsiga loogu taxaabtay waddan
shisheeye iyagoo markaas ku dhex jirey fulinta hawshii qaranka ee loo
xilasaaray,
- Waxa ay ku xirnaayeen meel lagu garaacay,
si xunna loola dhaqmay, iyagoo aan iska difaaci karin tabar yaraan awgeed
ama loo awood sheegtay, xabsigana loogaga tiro badan yahay. Waana la kala
kaxeeyey oo waxaa lagu xiray qolal kala duwan,
- Waxa ay dhaar ku mareen in aysan samayn
burcad-badeednimo ama aysan wax madax furasho ah cidna weydiisan, waxana ay
yiraahdeen "ma jiraan cid madax bannaan oo arrintaas aragtay, aan ka
ahayn kuwii markii hore dhibaatada sameeyey, iyaga ayaana maxkamada loo
keenay goob joogayaal ahaan.
- Dhacdadani waxa ay ka dhacday meel dhulka
Soomaaliya u jirta boqolaal mitir, ma ahany biyiha caalamig ah.
Warbixintaas waxaa ku cad da'da saddexda
Soomaalida ah ee ku xiran Thailand in ay tahay 22-jir, 23-jir, iyo 37-jir (eeg
shaxda hoose).
Maxaabiista: Case No. Sor 2548
| |
Magac |
Da' |
# Booliska Thailand |
| 1 |
Mr. Yusuf Aden Seed |
37 |
48-501-01541 |
| 2 |
Mr. Mohamud Abdullahi Jama |
23 |
48-501-01540 |
| 3 |
Mr. Hussen Abdullahi Aden |
22 |
48-501-01539 |
Marka loo dhaba galo waraysigii 3-da muwaadin
ee Soomaaliyeed laga soo qaaday xabsiga, iyo waraaqaha ay qoreen DFKMG & DGPL,
iyo warbixinada ka imanaya Thailand, marka la isku daro waxaa ka soo baxaya in
muwaadiniinta Soomaaliyeed si xad gudub ah looga kaxaystay dhulka Soomaaliyeed,
arrintaas oo ka hor imaneysa xornimada Qaranka Soomaaliyeed.
Haddaba, Shacabka Soomaaliyeedna waxaa la gudboon in ay
cadaadis ku saaran DFKMG & DGPL iyo Thailand sidii xorriyadooda loogu soo celin
lahaa 3-da muwaadin ee Soomaaliyeed ee la xiray kaddib markii ay ka dhiidhiyeen
xadgudubka ay ku kaceen shaqaalihii markabkii ay saarnaayeen oo isku deyey in ay
kalluunka ka xaalufiyo meel aan loo qoondayn oo aad ugu dhow xeebta Soomaaliya.
  Markabka
ay saarnaayeen waxa uu hoos yimaada Shirkada Somcan, waxana markabkaas leh
shirkadda reer Thailand ee maraakiibteedu ka kalluumaystaan Xeebaha Soomaaliya
ee magaceeda
Sirichai Fisheries (www.sirichaifisheries.com).
Waraysigii xabsiga lagaga soo qaaday 3-da
muwaadin ee Soomaaliyeed ayaa waxaa ka mid ahaa: "Waxaa isku dhacay nimankii
doonta wadey iyo 3da Askari, sabaabtoo ah Markabka Thailandeska ah wuxuu ku
tuntay heshiis ahaa in xeebta aan loo soo dhaafin masaafo cayiman, si loo
badbaadiyo shabaagaha ay dhigtaan Danyarta Soomaaliyeed oo kalluumaysatada ah
iyo ayagoo ku xadgudbay kallunkii aan loogu talagalin in eey qataan iyo ugxan
farabadan."
Arrintaas oo muujinaysa caddaalad darrada ku
dhacday muwaadiniin isku deyey in ay difaacaan khayraadka dalkooda, isla mar
ahaantaasna ku dhex jirey hawshii uu qarankooda Soomaaliyeed u xil saaray. Waana
arrinta muhiimka ka dhigeysa in qof kasta oo Soomaaliyeed uu u gurmado
saddexdaad muwaadin sidii xabsiga Thailand ee xaqdarrada ah looga soo deyn lahaa,
xorriyadoodana loogu soo celin lahaa.
Talo iyo tusaalayn iyo wax qabad noocuu doono
ah ahaadee oo ku wajahan arrinta saddexdaas Soomaalida ah, waxaa toos loogu
hagaajin karaa:
Xasan Cubeed Aadan (Seed)
Nabbadon@hotmail.com
Tel. 45-20456217
Denmark
Faafin: SomaliTalk.com | April 19, 2006
Meelaha lagala xiriiri karo DFKMG, DGPL, THAILAND:
»Waraysi
ku Saabsan 3-da Soomaalida ah ee Ku Xiran Bangkok, Thailand
(Idaacada Australia)
 Warqaddii ay DGPL u dirtay Dowladda Thailand:
Markii la waayey saddex Soomaali ah oo ka
tirsanaa ciidanka Booliska Daraawiishta Puntland oo saarnaa markab kalluumaysato
oo sita calanka Thailand, ayaa Dowlad Goboleedka Puntland waxay warqad u direen
Dowladda Thailand ay ku weydiisanayeen in la sii daayo saddexdaas muwaadiniinta
Soomaaliyeed. Warqadii oo tarjuman ka akhri halkan....
 Wasiirka
Arrimaha dibada Boqortooyada Thailand, magaciisu waa: Dr. Kantathi Suphamongkhon,
waxaana jagadaas loo doortay bishii Maarso 11, 2005, (waa xilli ku beegan
markii saddexda Soomaalida la waayey), telefoon kiisuna waa: (662)
643-5333.
Websiteka
http://www.mfa.go.th/web/6.php
Xafiiska guud ee arrimaha dibadda ee
dawladda Thailand u qaabilsan xiriirka dadweynaha waxaa lagala xiriiri
karaa:
Foreign Office, The Government Public Relations Department,
Bangkok, Thailand,
Tel: (66-2)618-2323 ext. 1700,
Fax: (66-2)618-2358,
E-mail: prforeign@prd.go.th
Website:
http://thailand.prd.go.th/index.php
| 
Daabaco
Boggan | Print
