TALO KUSOCOTA FAYSAL DHEERE
Liibaan Siciid Shabac
Email:
liibaanshabac@hotmail.com
Asalama
calaykum,walaal waxaan rabaa inaan kaaga nasteexeeyo
qoraaladaada aad kaga hadlayso arimaha PUNTLAND, haday
arintaadu kusalaysantahay iftiiminta dhibaatooyinka kajira
puntland waa mid saxa oo aad xaq uleedahay, kasheegida wixii
xun ee uu masuulkasta ee katirsan maamulka puntland
kusifoobay waa sax amaba xaq waayo isagaa qofkaasi soo
doontay wax dadka udhexeeyay waana lagu canbaareeynayaa lagu
caayayaa ilaa uu katanaasulo arimaha guracan iyo tagrifalka
awooda shacabka aysiiyeen wax kabaxsan haduu layimaado.
Dhibaatada kajirta puntland waa arin aanan indhah laga
qarsankarin una baahan in wax laga qabto masuuliyadeedana
waxaa iskaleh dhamaan shacabka, isimada, aqoonyahanka iyo
indheergaradkaba waayo waa iyaga kuwa lakala safan
masuuliyiinta dhibaataynaysa umadooda iyagoo maslaxadooda
fiirsanaya taasoo usuurtagalinaysa masuulka katirsan
maamulka inuu unasabsheegto lahaanshaha jagada uu hayo oo
aan xitaa lagabadalikarin hadii laga badalana qabiilkuu
kadhashay baa qoryaha soo guranayaa kuna sifeeynaya in reer
hebel shaqadii kajoojiyeen waana nasiib daro mida uguweeyn
ee jirta waqtina ubaahan waxkaqabashadeeda.
Dhibaatada puntland kajirta waa uwada dhanyihiin
masuuliyiinta meesha maamusha haduu ahaan lahaa
madaweeyne, kuxigeen, gudoomiye barlamaan,wasiir, sarkaal
ciidan,mid maxkamadeed, agaasime, askari ilaa biyatooni dadkii
iyaga doortay beeyna utaal laxisaabtankooda iyo badalkooda
haday kuqanciwaayaan sida ay shaqada uwadaan, waxba loogama
qabankaro qoraal lagusoo qoray bogaga internetka waayo horaa
looga daalay dadka soomaliyeed in wixii qalada iyo qofka
qaldanba loogu tusaaleeyo bogagan hada aad isticmaalyaso
adiga, diyaarna uma ah inay arimahaasoo kale kaa dhagaystaan
bal ayba kugu qoslayaan amaba arin qabiil lagula aadayo iyo
reer hebel buu necebyahay marka mahaboona inaad waqtigaaga
qaaliga isaga lumiso qoraalada aanan laguugu garaabeeynin
amaba lagu tusaale qaadanaynin.
Amaa kahadalka qabiil waa waxaan wanaagsanayn dadkuna ku
kala irdhoobayo,wax masuula kama saarna beesha Cadde
kadhashay wixii qalada ee uu layimaado Cadde iyo inta ay
isku danta yihiin sidaad tilmaamayso adiga, dhibaato iyo
musuqmaasuq ay uwada dhanyihiin beesha Cadde Muuse oo
ay ugu heshiiyeen inay dulmiyaan amaba dhacaan dadka iyo
hantida puntland majirto, xitaa jifida hoose ee Cadde
kadhashay mahayo meeleey isugu raaceen in ladulmiyo dadka walaalaha ah
ee reer puntland, puntland Beesha Cadde Muuse malahan waxaa leh
dadka degaanka ah barina qofkalaa imankara puntland haduu
dulmi sameeyo amaba hantida dadka dhaco hadana ma
canbaareeynaysaa oo ma reer hebel baad kutilmaamin waa su'al
taagan taasi, waxaa wax hagajiya waa in nadaam aan
lamarikarin lalayimaadaa meeshana qabiilka kabaxaa doorasha
dimuqraadiyana lahelaa si istuhunka looga fogaado.
Dhibaatada uguweeyn ee hada jirtase waxayba tahay qaab
loo kala saari karo golaha xukuumada iyo golaha sharcidajinta
maba jirto oo lama hayo maxkamad dastuuriya oo dastuurkii
ladhigtay wax kuqaabeeysa, kaliya marjaca jiraa waa isimada
iyaga nin waliba sibuu wax ulamuuqdaa amaba masuul katirsan
buu lasafanyahay waana mida sumcadooda hoos udhigtay oo
aanany maanta waxba uga qabankarin dhibka jira.
Marka aniga waxaa iga tala ah in loo duceeyo masuuliyiinta
meesha maamusha, wax latusaaleeyo loo istaago sidii looga
dhaadhicin lahaa inay dadkooda iyo dalkooda ay wax
uguqabanlahaayeen badalka intii la aflagaadeeyn lahaa waliba
loosoo marin lahaa aflagaado web-pageska taasoo aan waxba
taraynin inay kaga sii daraan mooyee, iskana ilaali inuu
qoraalkaaga isburiyo faysaloow, waayo waxaa qoraalkaagii aad
doomaha laganaaxay kaga hadlaysa kamid ahaa sidan,doonyuhu
waxay usoo socdeen inay ruqsad kaqaataan maamulka,ok yaa
horeeya ruqsada iyo imaanshaha doonyaha madoon aan ruqsad
wadan baa imankarta deked aysanlahayn, waa adoo fiise lagaa
raboo iskagala dalkii fiisaha kaarabay waa hadaad heshaba
diyaarad sidaasi kugu qaada'e, soow lagu xirimaayo marka
dabadeedna lagu ganaaximaayo amaba lagu musaafurinmaayo.
Waxaan qofkasta uga nasteexeeynayaa inuusan kahadlin arimo
dadka kala fogaynaya amaba wax udhimaya sumcadiisa iyo wixii
daniya oo ALLE uusan ugaraali ahayn,laakiin waa wax saxa
wixii qalada ee jira oo dadka lagu dhibaataynayo amaba
laysaga horkeenayo kahadalkooda amaba baraarujintooda.
Waa markii labaad ee aan webkan iyo midkaleb wax
kuqoro, waxaan karaaligaraynayaa haday jiraan cid dhibsatay
qoraalkeeygii hore, sidookale aan ALLE cafis weeydiisanayaa
inuu iiga danbidhaafo hadaan qoraalkaasi qof amaba ashqaas
amaba qabiil ugu gafay anoo og inaan cidna kudulmin amaba
ugu gafin qoraalkaasi.
Liibaan Siciid Shabac
Email:
liibaanshabac@hotmail.com
Afeef: Aragtida
qoraalkan waxaa leh qoraaga ku saxiixan
Qoraaladii: FAYSAL CALI
AXMED...
1aad |
2aad |
3aad |
Faafin: SomaliTalk.com | May 11, 2007
![](/terry/arrowleft.gif)
![](/terry/arrowright.gif)
|