Waa wax lagu farxo,
taageerana u baahan Go’aanada Maamul goboleedka Puntland.
Cabdixakiim Jaamac Jooje
saicentadv@yahoo.com
Waxaa marka hore mahad idilkeed iska leh Allaah, naxariis
iyo nabadgelyana Rasuulkeeni ayey korkiisa ahaatay.
Kadib marki ay maalmahan danbe ay beelaha dega Puntland ay u
duubteen inay taageeraan fikirka ah ku dhaqanka shareecada
islaamka, oo gees ka gees waddanka loo wada guuxayay, ayaa
wax aad loogu farxo waxa ah, go’aanada geesinimada leh ee uu
maamulku qaatay oo ah inuu taageeray fikirka ah in Puntland
dastuurkeeda udub dhexaad looga dhigo ku dhaqanka shareecada
islaamka.
Arintaas waxey aad iyo aad uga farxisay dhammaan Qurbo ku
noolka u dhashay puntland, waxaana leenahay Hambalyo,
allahana idinla garab galo mowqifkiina wanaagsan, oo ah mid
lagu guuleysanayo adduun iyo aakhiraba.
Sidoo kale waxaan cambaareynayaa dadka warxumo tashiilka ah,
ee hor degaya go’aanada oranayana Cadde daacad kama aha.
Waxaan leeyahay war yaa idiin dirsaday inaad xukuntaan
quluubta dadka. Waxa wanaagsan in la dhowro oo aan la deg
degin, lana taageero waqtigan xaadirka ah, waayo qarka waxaa
loo saarnaa isku dhac iyo bur bur ay bur burto Puntland.
Waxaan leeyahay Allaah ayaa mahad iska leh talada wanaagsan
waafajiyay reer Puntland, nagana baajiyay burburki soo
socday.
Sidoo kale waxaan ka codsanayaa maamulka Puntland in uu saxo
khaladaadka jira, oo uu isku dayo inuu maamulka u dhiibo dad
ku sifoobay { Allah ka cabsi, Cadaalad, Aqoon iyo Karti }.
Waxaana qabaa in dad tayadaas leh ay aad ugu baddan yihiin
deegaamadeyna, ee Cadoow baadi goob dadkaas.
Intaas ayaan hadalkeyga kusoo gabagabeynayaa, wixi aan saxo
waxey u sugnaatay Allaah, wixi aan khaldana waa nafteyda iyo
sheydaan.
Wabilaahi Towfiiq
Cabdixakiim Jaamac Jooje
saicentadv@yahoo.com
Social Development Adviser
Afeef: Aragtida qoraalkan waxaa leh qoraaga ku
saxiixan
Faafin: SomaliTalk.com | Nov 21, 2006
Khilaaf
soo kala Dhexgalay DGPL iyo DFKMG
Khilaafkan cusub ayaa yimid
kaddib markii madaxweynaha uu aqbalay soo jeedintii culumada
Puntland ay...
Guji...
|
Daabaco
Boggan | Print
