Ku been abuurasho
Jaalliyadda Denmark.
Assamucalayum waa
raxmatullaahi waa barakatuhu.
Waxaanu umadda
Soomaliyeed u rajaynaynaa barwaaqo iyo baraare meel
ay joogtaba.
Waxaanu ugu
baqaynaa nabad, walaaltinimo iyo daris wannaag,
waxaanu xasuusinaynaa in nin walbaa waxa uu
wiilkiisa la jecelyahay wiilasha soomaliyeed oo dhan
la jeclaaddo.
Islaamkana waxaan u
aragnaa xalka kaliya ee soomalidu iyo muslimiinta
meel kasta oo ay joogaan ay ku heshiin karto. Mana
aragno in ay jirto jid looga carari karo maadaama
aan nahay dad ku abtirsada islaamka.
Ujeeddo.
Ku: Isimada iyo
cilimo awdiinka.
Waxaan aad isaga
fogeyneynaa baaq dhawaan ku soo baxay webside-yada
qaarkood, oo sheegaya in jaaliyada Denmark shir ay u
dhan tahay ku soo saartay baaq ay ugu magac dareen
Bayaan iyo wargalin muhiim ah.
Dadka magacyadooda
lagu qoray bayaankaan inta badan waxba kama oga
bayaanka iyo isticmaalka magacyadooda toona. Marka
waxaan u aragnaa in baaqa ay ka muuqato u fiirsasho
la’aan iyo daraaseyn aad u gaaban.
Xaalada soomaaliya
uma baahna caadifad iyo degdeg. Jaaliyada dibada ee
fursada u helay nabada iyo aqoonta kuma haboona iney
qeyb ka noqdaan burburin iyo fidno abuurid gudaha
Soomaliya. Waxa nalooga baahan yahay waa inaan ka
qeyb qaadano nabada, dhismaha, walaaleynta iyo
midnimida soomaaliyeed. Aduunka intaan joogno waa
wax yar, in dhagax jiray inaan mid kale kor saarno
moyee aannan mid jiray kala daadin.
Cuqaashada,
culumaa’udiinka, indheer garadka, aqoonyahanka iyo
hooyooyinka gobolada Puntland, waxaan ugu baaqeynaa
in badbaadiyaan shacabka gobolka, maamulka
Puntlandna uu noqda mid ku shaqeeya ku dhaqanka
shareecada islaamka. Waana habka kaliya ay ku heli
karaan qabaa’ilada kala duwan ee gobolka nabad iyo
cadaalad.
Talo soo jeedin:
Gobolka hadda uma
baahna abaabul dagaal. Gobolka waa uu ka nabad galay
burburkii 16 sano, ee dagaalada sokeeyo. Waxaan ku
talinaynaa in waqti badan la geliyo qalinka iyo
aqoonta, ee aan waqti la gelin qori, jaahilnimo iyo
dhimasho.
Bayaankan waxaa
qoray dadka samo jeclaha ah ee jaalliyada Denmark
kana soo horjeeda burburka iyo ku been abuurashada.
Qoralkan waxaa
lagala soo xiriri karaa:
Cawil Cabdi Faarax,
Denmark. 18. november 2006
cawilc@yahoo.com
Afeef: Aragtida
qoraalkan waxaa leh qoraaga ku saxiixan
Daabaco
Boggan | Print
