 Daabaco
Boggan | Print
Faroole iyo Zenawi: March 14, 2009.. ENA
Daahir Riyaale iyo Zenawi: March 13, 2009
Sheikh Shariif iyo kurisga Zenawi
Shariif Axmed iyo Zenawi, Feb 3, 2009
Gaashaanle Sare Nuur Cadde Ma Xasuuqa Shacabka
Soomaaliyeed ayuu Zenawi uga Mahad Celiyey?...
G/sare Nuur Cadde iyo Zenawi, Addis Ababa, Feb 6, 2008
Geeddi iyo Zenawi oo jooga Addis Ababa xilligii uu ra'iisul
wasaaraha u ahaa DFKMG -
Muqdisho,
June 5, 2007: Zenawi oo Muqdisho kula kulmay C/laahi Yuusuf iyo
Geeddi, kaddib markii maxkamaadaha laga saaray Muqdisho. Sawirka:
daylife
|
Zenawi oo Addis Ababa kula Kulmay Col. Riyaale iyo Dr. Faroole
- SomaliTalk.com | March 14, 2009
Faroole oo la Kulmay Zenawi- March 14, 2009
Ra'iisul Wasaaraha xukuumadda Itoobiya, Meles Zenawi ayaa Sabtidii March 14,
2009 waxa uu magaalada Addis Ababa kula kulmay Madaxweynaha maamul Goboleedka
Puntland, Dr. C/raxmaan Maxamed Faroole oo beryahan Itoobiya booqasho ku joogey.
Faroole iyo Zenawi: March 14, 2009.. ENA
Sida ay sheegtay warbaahinta uu maamusho xukuumadda Itoobiya ee ENA, kulankii Zenawi iyo
Faroole waxa uu ahaa mid miro dhal ah oo waxyaabihii ay ka wada hadleen ay ka
mid ahaayeen sidii loo wanaajin lahaa xiriirka dadka (labadadhinac), ammaanka, xiriirka
ganacsiga, iyo arrimo kale oo ka dhaxeeya labada dhinac Itoobiya iyo Puntland.
Kulankaas kaddib Dr. Faroole waxa uu ENA u sheegay in kulankii labada dhinac
uu ahaa mid miro dhal ah oo ay ka wada hadleen horumarinta xiriirka dhinacyo kala
duwan, waa sida ay qortay ENA.
Faroole iyo Zenawi: March 14, 2009
Warbaahinta Itoobiya waxay ku celcelisey in kulankaasi uu ahaa mid looga wada
hadlay sidii loo hagaajin lahaa xiriirka u dhaxeeya dadka (labada dhinac) iyo
xukuumadaha Itoobiya iyo Puntland. Waxaana Zenawi u ballan qaaday Puntland in uu
gacan siinayo, waxa kale oo ay ka wada hadleen arrimaha qaxootiga ee labada dhinac, waa sida ay ENA warka u dhigtay'e.
Dr. Faroole waxa uu Garoowe ka dhoofay March 11, 2009, safarkaas oo uu ugu
kicitimay Itoobiya ayaa wararku tibaaxeen in uu casumaad ka helay xukuumadda
Itoobiya.
Riyaale oo la Kulmay Zenawi- March 13, 2009
Ra'iisul Wasaaraha Itoobiya waxa kale oo uu March 13, 2009 magaalada
Addis Ababa kula kulmay madaxweynaha maamulka Somaliland, Col. Daahir Riyaale
Kaahin, sida ay werisey warbaahinta ay maamusho xukuumada Itoobiya ee ENA.
Daahir Riyaale iyo Zenawi: March 13, 2009
Kulankaas kaddib, Zenawi oo la
hadlay warbaahinta dalkiisa ayaa sheegay in uu kulankii uu la yeeshay Riyaale uu
ahaa mid miro dhal ah oo ay ka wada hadleed arrimo la xiriir amaanka gobolka iyo
arrimo kale oo kawada dhaxeeya. Waxaana warbaahintaasi sheegeen in Riyaale uu
fikirkaas oo kale aaminsan yahay marka laga hadlayo arrimo goboleedka.
Daahir Riyaale ayaa safar kaga soo laabtay Ingriiska, waxana uu kusii hakaday
Itoobiya. Lama oga in ay Riyaale iyo Faroole ku kulmeen Itoobiya maadaama ay
isku soo gaareen Addis Ababa.
Riyaale oo labada gacmood ku salaamaya Zenawi March 13, 2009
Riyaale oo labada gacmood ku salaamayo Zenawi,
June 2007.
Sawirada iyo qaar kamid ah warka: xigasho: ENA. Faafin: SomaliTalk.com | March
14, 2009 | 
