Xaflad Jaaliyadda Soomaaliyeed Ku Taagrtay Dawladda Soomaaliya oo Ka
Dhacday Kuwait.
Waxaa dhawaan ka dhacday wadanka Kuwait xaflad aad u balaadhan oo lagu
taageeraayey dawladda midnimo Qaran ee uu hogaaminaayo Mudane Sheekh Shariif
Sheekh Axmed Madaxweynaha Soomaaliya.
Xafladaan oo lagu soo bandhigay bandhig faneed ay ka wada qayb qaateen qaybaha
bulshada ee jaaliyadda Kuwait ee soomaaliyeed bandhig faneedkaan oo isugu jiray
Heeso, Buraanbur,Gabayo, Geeraar oo dhamaantood wada ahaa wadani.
Furitaankii Xafladaan oo ugu horayn Lataliyaha Koowaad Mudane C/qani Maxamed
Wacays ayaa ka warbixiyey ujeedada xafladaan iyo baahida shacabka soomaaliyeed u
qabaan dawlad soomaaliyeed.
Mudane C/qani oo hadalka sii wata ayaa u mahad celiyey dhamaan inta ka soo qayb
gashay xafladaan gaar ahaa guddigii xafladda soo qaban qaabiyey oo kaashanaayey
safaaradooda soomaaliyeed ee Kuwait sidoo kale xubno jaaliyadda ka mid ah oo
gacan ka geeystay xafladdaan oo uu mahad gaar ah u jeediyey.
Ugu dambayna Mudane C/qani wuxuu makrafoonka ku soo dhaweeyeyDanjiraha
Soomaaliya u Fadhiya Kuwait Danjire C/qaadir Amiin Sheekh,
Danjire A.Amiin ayaa ugu horayn aad ugu mahad celiyey dhamaan jaaliyadda Kuwait
ee soomaalida sida mar kasta isu bar bar taagaan dawladda soomaaliya loo dhiso
gaar ahaan wuxuu danjiruhu farta ku fiiqay in dawladdan inoo dhalatay la
taageero.
Danjiruhu wuxuu jaaliyadda soomaaliyeed ee Kuwait ka codsaday inaysan ka daalin
dedaalkooda ay markasta ku muujiyaan dareenkooda isla markaana wuxuu ugu baaqay
danjiruhu jaaliyaddu inay furto sanduuq taakulo ah oo lagu taageeraayo dadka
dhibaataysan ee soomaaliya ku sugan taasoo sacab aad u balaadhan ay ku qaabileen
dadweynihii xafladaas fadhiyey.
Intaas kadib waxaa halkaas ka biloowday bandhig faneedkii iyo khudbadihii
qaybaha jaaliyadu ay ku taarayeen dawladda soomaaliya iyo hoga tusaalayntii geba
gebadii xafladdana waxaa lagu sharfay inuu halkaas eray ka yidhaahdo Xildhibaan
dawladda soomaaliya ka tirsan oo ka soo qayb galay xafladaan Xildhibaan Dr,Cumar
Sheekh Cali Idiris oo khudbad aad u qiimo badan ka soo jeediyey halkaas kana
warbixiyey halka ay hada marayso hawlaha dawlada iyo baarlamaanka soomaaliya.
Kala Xidhiidh Axmed Raadsato
Qodax32@hotmail.com jaaliyadda Soomaaliyeed ee Kuwait
Faafin: SomaliTalk.com | April 25, 2009