w w w . S o m a l i T a l k . c o
m
|
SOMALITALK - WARAR
|
Barnaamijkii Radio Xoriyo
24 April 2009.
Ciidamada gumaysiga Itoobiya oo lagaga itaalroonaaday goobaha dagaalka.
Shirkii lagaga hadlayay midab takoorka iyo cunsuriyada oo lagu soo gabagabeeyey
Geneva.
Waraysi aan la kala yeelanayay Gudoomiyaha OYL Mujaahid Sheekh Ibrahim iyo u
qaabilsanaha xidhiidhka caalamka Cabdullaahi Mohamed oo aan ka waraysanay Shirka
iyo qaabka ay uga qayb galeen(Waraysiyo).
======================
Ciidamada gumaysiga Itoobiya oo lagaga itaalroonaaday goobaha dagaalka.
Wararka naga soo gaadhaya jiida hore iyo goobaha dagaalka ee ciidanka xoreynta
Ogadenya iyo kuwa gumaysiga Itoobiya ayaa tibaaxaya in dhammaan dagaaladii dhex
maray CWXO iyo gumaysiga Itoobiya lagaga awood roonaaday ciidamada naflacaariga
ah ee gumaysiga Itoobiya,wariyaheena jiida hore oo dagaaladaas la socday qaar
badan oo kamid ahna la socday ayaa noosoo tabiyey dagaaladii ugu dambeeyey
waxayna u dhaceen sidatan:
14 ilaa 15/04/09 Dagaal ka dhacay Masalle oo ka tirsan degmada Ceelkari ee
gobolka Afdheer waxaa ciidamada gumaysiga itoobiya lagaga dilay 8 askari halka 6
kalana lagaga dhaawacay
14/04/09 Fiiqfiiqyada oo ka tirsan Degmada Dhagaxbuur ee gobolka Jarar dagaal ka
dhacay waxaa ciidamada nacabka ah lagaga dilay 3 wayaane waxaana lagaga
dhaawacay 2 kale.
01/04/09 Deegaanka Isdaba-dag ee gobolka Jarar waxay ciidamada xoreynta Ogadenya
ku dileen 4 kamid ah askarta wayaanaha waxayna ku dhaawaceen 3 kale kadib dagaal
halgaas ku dhex maray iyada iyo ciidamada gumaysiga Itoobiya.
16/04/09 Lehelow oo ka tirsan gobolka Doollo dagaal ku dhex maray ciidanka
qalabka sida ee xoreynta Ogadenya iyo kuwa gumaysiga Itoobiya waxaa lagaga dilay
ciidanka nacabka ah 5 askari waxaana lagaga dhaawacay 4 kale .
19/04/09 Deegaanka Kurtun oo katirsan gobolka Jarar weerar gaadma ah oo ay
ciidamada geesiyiinta ahi ku qaadeen kolonyo baabuur ah oo ciidamada gumaysigu
ay lahaayeen ayay kaga gubeen 1 Uraal oo uu saarraa Qoriga Shilka ah,waxaana
halkaas ku basbeelay baabuurkii iyo askartii saarayd oo dhan,waxaa sidoo kale
fara caaradood ku baxsaday baabuurtii kale ee ay wada socdeen Uraalkaas la
gubay.
Sidoo kale waxay ciidamada xoreynta Ogadenya ku gubeen 1 Uraal iyo ciidankii
saarraa oo dhan Tuulaada Baraajisaale 07/04/09 .
Waraysi aan la kala yeelanayay Gudoomiyaha OYL Mujaahid Sheekh Ibrahim iyo u
qaabilsanaha xidhiidhka caalamka Cabdullaahi Mohamed oo aan ka waraysanay Shirka
iyo qaabka ay uga qayb galeen.
Shirkii qaramada madoobay ay ku qabatay Geneva ee lagaga hadlayay midab takoorka
iyo cunsuriyada ayaa manta si rasmi ah loogu soo gabagabeeyey magaalada Geneve
ee wadanka Switzerland,shirkaas ayaa laga soo saaray goaamo iyo baaqaq lagaga
digayay midab takoorada iyo cunsuriyada,shirkaas ayaa sidoo kale sidii xoriyad
loo gaadhsiin lahaa ummadaha la gumaysto sida Ogadenya.Wafti uu hogaaminayo
gudoomiyaha ururka dhalinyarda ogadenia kana mid yihiin xoghayaha ururka iyo
madaxa arimaha dibada iyo xidhiidhka caalamiga ah ayaa waxay si rasmi ah uga
qayb galayaan shirka qaran ee jamciyada quruumaha kadhaxaysa uga furmay
magaalada Geneva Swezerland waftidan ayaa shirka kaga qayb galaysa martiqaad
rasmi ah oo loo fidiyay ururka dhalinyarada ogadenia ee loo yaqaano Ogaden Youth
League OYL halkaas oo lafilayo in waftigu ka jeediyaan ama ugudbiyaan Qaramada
Midoobay iyo dawladaha ka soo qayb galayaba cabashao ku aadan dhibaatada ka
jirta Ogaadeenya.
Shirkan oo ay ka soo qayb galen in kabadan 80 Madaxwayne Aduunk ah ayaa ah
midkii ugu awooda badnaa ee ay Ururka Dhalinyarada Ogaadeenya ka qayb galaan
taniyo intii la aas aasay waxaana la filayaa in marka shirku dhamaado saxaafada
loo soo bandhigo waxyaabihii u qabsomay Ururka Dhalinyrada Ogaadeenya ee OYL
waxaa sidoo kale si xoog leh loogu diyaar garoobayaa shirwaynihii 2aad ee Ururka
Dhalinyarada ogadenia OYL oo sida lafilayo bisha May dabayaaqadeeda
kaqabsoomidoona magaalo madaxda wadanka finland oo marti galisay shirwayanaha
Ururka halkaas uu uu ku suganyahay Gudoomiye ku xigeenka Dhalinyarada Ogaadeenya
isl markaana lafilayo in ay kasoo qaybgalaan wufuud ka badan100 oo ka kala iman
doonta dacalada aduunka si kastaba ha ahaatee lasoco waxyabaha kasoo baxa
shirkaas.
24 April 2009
Halgan Guuleed
Radioxorio@radioxoriyo.com
Raadioxoriyo@yahoo.com
Radio Xoriyo waxaad ka dhegaysan kartaa Mawjadaha 31 MB iyo 41 MB, iyo
internetka www.Radioxoriyo.com
,Ogaden.com Habeenada Talaadada & Sabtida 20:00PM – 20:30 waqtiga
Faafin: SomaliTalk.com | April 25, 2009 |
Kulaabo bogga www.SomaliTalk.com
©
www.SomaliTalk.com
La soo xiriir:
|
|
|