Baarlamaanka Dowlada Federaalka KMG Soomaaliya oo cod Aqlabiyad ah ku Ansixiyey Xukuumada cusub kadib markii…”

Qaabkii ay u dhacday Anxisintii Xukuumadda Col. Nuur Cadde...

• Halkan ka dhegeyso ama Halkan (mp3)

Xukuumada cusub ee Ra’iisul Wasaaraha DFKMG Nuur Cadde ayaa cod kalsooni 223 ku Ansixiyey Baarlamaanka DFKMG Soomaaliya, kaddib markii ay Qorshe hawleedkii ay ku hawlgeli lahayd Xukuumada cusub, Gole Wasiiro 18 ah iyo 5 ku xigeen ay u soo gudbisay Baarlamaanka Janaayo 7, 2008, taasoo xubnaha Baarlamaanka ay isku qabteen marka codka kalsoonida Xukuumada loo qaadayo in laga dhigo mid Qarsoodi ah iyo in laga dhigo mid Gacan taag ah.

Kulankii ay maanta [Jan 10, 2007] isuguyimaadeen xubnaha Baarlamaanka DFKMG oo Ajandihiisu ahaa Ansixinta Xukuumadda cusub ayaa intii aan la Ansixin waxaa jirey isku dayo fara badan oo lagu doonayey in Xukuumada lagu Ansixiyo cod Qarsoodi ah, taasoo ay wateen qaar ka mid ah Xildhibaanada Baarlamaanka, waxaa keloo jiray Gudoomiyaha Baarlamaanka Sh. Aadan Madoobe oo shirgudoominayey kulankan ayaa Xildhibaanada Baarlamaanka u sheegey in laba mooshin oo Ansixinta Xukuumada ah loo soo gudbiyey.

Labada mooshin ee loo soo gudbiyey gudoomiyaha ayaa waxay kala ahaayeen in Xukuumada lagu Ansixiyo cod qarsoodi ah iyo in cod Gacan tag lagu Ansixiyo 149 Xubnood ayaa dooneysay in gacan taag lagu Ansixiyo halka 43 xubnood oo soo gudbiyey mooshin kale ay ahaayeen kuwa doonayey in cod Qarsoodi ah lagu dhigo.

Is riix riix iyo sawaxan badan kadib waxaa lagu soo gebagebeeyey in Xukuumada cusub lagu Ansixiyo gacan taag.

Guddoomiyaha Baarlamaanka Sh. Aadan Madoobe ayaa sheegey gunaanadkii doodda in 230 Xildhibaan ay soo xaadireen “223 Xildhibaan waa ogolaadeen in kalsoonida la siiyo Xukuumada cusub, 5 Xildhibaanada waa ay diideen, 2 Xildhibaan waa ka aamuseen, sidaas daraadeed Xukuumada sidaas ayey Ansax ku tahaya.”

Intaa kaddib waxaa halkaasi ka Hadley Ra’iisul Wasaaraha DFKMG Col. Nuur Cadde oo halkaasi ka jeediyey khudbad dhinacyo kala duwan taabaneysay:

Sidoo doorashadu u dhacday iyo Hadalkii Col. Nuur Cadde ka jeediyey ansixintii ka diib

• Halkan ka dhegeyso ama Halkan (mp3)

Waraysi: Cali Axmed Jaamac Jangali...

Waraysi Gaar ah oo SomaliTalk la yeelatay Wasiirka Arrimaha Dibedda iyo iskaashiga Caalamiga ah ee DFKMG Cali Axmed Jaamac Jangali...

• Halkan ka dhegeso ama halkan (mp3)

Maxamed Macallin Cismaan(All-man) Somalitalk Baydhabo
fatxumaalik@hotmail.com 

Waraysi uu Sh. Shariif la yeeshay Idaacadda Codka Maraykanka..

Wadahadal nabadeed oo Soomaaliya waxa uu ku xiran yahay in ciidamada Itoobiya ka baxaan dalka Soomaaliya, sidaas waxaa yiri Sh. Shariif, Guddoomiyaha Isbaheysiga Dibu-Xoreynta Soomaaliya, waraysi siiyey idaacadda codka Maraykanka.

• Dhegayso Wareysiga Sh. Shariif

Faafin: SomaliTalk.com | Jan 10, 2008