::: SomaliTalk.com :::

MUXAMMAD HALOO DIRO AQALKA US CONGRESS
Waxaa xalay oo ay taariikhda aheyd Sept.12, 2006 ku guuleystay doorashada is reeb reebka murashixiinta xisbiyada (Primary Election) hogaamiye Muslim ah ... AKhri....

Xaabsade oo ku gacan seyray dhexdhexaadin uu wadey Gudoomiyaha Baarlamaanka

Max’ed Ibraahim Xaabsade oo ah Wasiirka Gaadiidka Cirka iyo Dhulka ayaa ku gacan seeyray dhexdhaxaadin uu waday Gudoomiyaha Golaha Baarlamaanka Shariif Xasan Shiikh Aadan oo la doonayey in la iskugu keeno Madaxwayne C/llaahi Yuusuf Axmed iyo Maxamed Ibraahim Xaabsade.

Maxamed Ibraahm Xaabsade ayaa waxa uu Shariif Xasan u soo Jeediyey in Ciidamada Reer Puntland ee ku sugan Magaalada Baydhabo in ay marka hore halkaas laga saaro oo dib loogu celiyo goobihii marka hore laga keenay. Shariif Xasan ayaa waxa uu u soo jeediyey Maxa’ed Ibraahim Xaabsade in Dowladda fedaraalka ay diyaar u tahay in ay magdhow ka bixiso dadkii ku dhintay Garoonka Diyaaradaha ee Magaalada Baydhabo.

Shariif Xasan waxa uu u soo Jeediyey Max’ed Ibraahim Xaabsade in uu dib uga laabto hadalladii uu horay u sheegay isla markaana uu ogalaado in wixii khilaaf ah lagu xalliyo wadahal iyo isafgard taasoo uu sheegay in ay dan u tahay dadweynaha ku nool Gobollada Bay iyo Bakool.

C/llaahi Yuusuf oo ku sii jeeda Magaaladda New York…

Madaxwayne C/llaahi Yuusuf ayaa todobaadkan wuxuu u ambabixi doonaa carriga Maraykanka gaar ahaan Magaalada New –York oo kaga qaybgali doono shirka Qaramada Midoobay oo sanadkii mar ay isu yimaadeen Madaxda Aduunka.

Madaxweynaha ayaa la filiyaa in uu Qaramada Midoobay uu ka codsado sidii cunnaqabateynta saaran Soomaaliya looga qaadi lahaa si ay u sahlanaado in ay soomaaliya ay galaan ciidamo Dowladda Fedaraalka gacan siiya.

Warar aynu ka helnay dhinaca Maraykanka waxa sheegayaan in dadka Soomaaliyeed ay ku nool dalkaas ay qaban qaabinayaan Banaanbaxyo lagu diidan yahay in Soomaalya la keeno Ciidamo shisheeye, sidoo kale waxaa la filayaa in Madaxwaynahau uu kulamo la yeesho Mas’uuliyiin ka tirsan Dowlada Maraykanka oo uu kala hadli doono arrimo la xiriira waxa loogu yeero Kooxaha Argagixisada ah

Ra’iisul Wasaare Geedi oo dhaleeceyn u jeediyey Dowladda liibiya..

Ra’iisul wasaare Cali Max’ed Geedi ayaa si weyn u dhaliilay Dowalada Liibiya waxaana uu sheegay in aysan dhaxdhaxaad ka aheyn arrimaha Soomaaliya isla markaana ay garab siiso Golaha Maxaakiimta.

Ra’iisul Wasaaraha waxa uu sheegay in Dowlada Liibiya ay tahay Dowlad doonayso in ay sii kala fogayso Shacabka Soomaalyeed waxa uuna sheegay in dacwad ka dhan ah ay u gudbin doonaan Midowga afrika iyo Qaramada Midoobay.

Dowlada uu hogaamiyo Cali Max’ed Geedi waxa ay si weyn uga carootay Martiqaadkii ay u fidisay Golaha Maxaakiimta ayagoo ka qaybgalay Xaflad loo samaynayey sanad Guuradii Todobaad ay ka soo wareegtay dib u habeyntii lagu sameeyey Ururka Midowga Afrika, waxaana Golaha Maxaakiimta uga qaybgalay wafdi uu hogaaminayo Gudoomiyaha Guddiga Fulinta ee Golaha Maxaakiimta Shiikh Shariif Shiikh Axmed.

Ciidamo xoog leh oo lagu ururinay deegaanada…

wararka naga soo gaaraya gobolka Jubadda Dhexe waxa ay sheegayaan in ciidamo ka tirsan Golaha Maxaakiimta lagu ururinayo deegaanka Salagle oo ka tirsan gobolka Jubadda Dhexe.

Ciidankaasi ayaa haatan waxa halkaasi uga bilowday tababar la xiriira dhinaca ciidamada, waxaana markii ugu horreysay lagu faray ilaa iyo 2-boqol oo ciidamo ah.

Dadka deegaanka ayaa si weyn u taageeray ururinta ciidankaasi oo ku tilmaamay iney yihiin kuwo wax ka qabanaya arrimaha dhinaca deegaanka.

Waxaa ka socda gobolada Jubbooyinka kacdoon looga soo horjeedo wasiirka gaashaandhiga Barre Aadan Shire (Barre Hiiraale) kaddib markii uu ku dhawaaqay in gobolada Jubbooyinka uu u sameynayo maamul goboleed.

Xildhibaanada ka soo jeeda goboladaasi ayaa dhawaan shir jaraa’id ku qabtay magaalada Baydhabo, waxeyna sheegeen iney si weyn uga soo horjeedaan in goboladaasi loo sameeyo maamul, waxaana Barre Hiiraan loogu baaqay inuu dib uga laabto dhismaha maamul goboleedkaasi.

Dhawaan ayaa iska hor imaad wuxuu ka dhacay magaalada Kismaayo, kaasoo la sheegay inuu la xiriirey kooxo diidan in maamul goboleed loo sameeyo gobolada Jubbooyinka iyo kooxo ka soo hor jeeda.

Shariif Xasan oo shalay warbixin siiyey Golaha Baarlamaanka…

Gudoomiyaha Golaha Baar-laanka Shariif Xasan Shiikh aadan ayaa maalntii shalay waxa uu warbixin siisay Golaha Baarlamaanka waxayna ku saabsanayd shirkii Khartuum kaa soo wada yeesheen Dowlada fedaraalka iyo Golaha Maxaakiimta, wuxuuna sheegay Gudoomiyaha Baarlamaanka in shirkaas uu ahaa mid ay si weyn isu fahmeen Dowladda iyo Golaha Maxaakiimta.

Shariif Xasan waxa uu sheegay in Dowlada fedaraalka ay ka go’an tahay in fuliso wixii go’aamo ee ka soo baxay kulankaas, waxa uu kaloo sheegay in qodob ugu muhiimsanaa ay isku afgarteen Dowladda fedaraalka ah iyo Maxaakiimta uu ahaa is dhexgalka ama isku dhafka Ciidamada labada dhinac.

Shariif Xasan waxa uu sheegay in qaar ka mid ah qodobada in dib loo dhigo illaa wajjiga sadexaad kaasoo uu sheegay in la isu imaan doono Ramadaan ka dib waxa uuna sheegay qodobadaasi in ay ka mid yihiin awood qaybsiga, keenista Ciidamo shisheeye, iyo wax ka bedelidda Axdiga ku meel gaarka ah.

Xildhibaannada Baar-lamaanka ayaa si weyn u soo dhaweeyey qodobada ay ku heshiiyeen Dowlada fedaraalka iyo Golaha Maxaakiimta waxa kaloo sheegeen in Dowlada looga baahan yahay in ay fuliso go’aamadaas isla markaana ay tanaasul ka sameyso qodobada dambe ee la isu imaanayo Bisha Ramadaan ka dib.

Shariif Xasan ayaa la filayaa in uu u gudbiyo qodobada lagu heshiiyey Madaxwayne C/llaahi Yuusuf iyo Ra’iisul Wasaare Cali Max’ed Geedi.

Kulan ay maanta isugu imaanayaan Golaha Maxaakiimta iyo Hayadaha..

waxaa maanta la filayaa in ay kulan isugu yimaadaan Mas’uuliyiin ka tirsan Golaha Maxaakiimta iyo dhamaan Hay’adaha samafalka ee ka howl gala dalka gaar ahaan Magaalada Muqdisho sidoo kale waxaa kulankaas ka qaybgali doona Madax ayana ka socota Hay’adaha maxalliga (localka) ee ka howl gala Magaalada Muqdisho.

Kulankaan ayaa waxa looga hadli doonaa arrimo la xiriira qaabka ay u howl galaan Hay’adaha samafalka iyo waxyaabaha ay ka qabtaan wadanka gudihiisa, sidoo kale sidii xiriir u dhax mari lahaa Maxaakiimta iyo Hay’adaha samafalka. Dhawaan ayaa waxa kulan ku sheegay Muqdisho Mas’uuliyinta ka socotay Qaramada Midoobay iyo Golaha Maxaakiimta, waxaana kulankaas la isku afgartay in Hay’adaha Qaramada Midowbay ay Xafiisyadooda ay dib uga furtaan Muqdisho maadaama ay tahay Magaalo u nabdoon

W/D Amiin Yuusuf Khasaaro
E-Mail: amiinkhasaaro@hotmail.com

Laascaanood: gen: Cadde Muuse oo Booqaday Cisbitaalka guud ee magaalada Laascaanood.

W/D: Cabdirizak koronto

Madaxweynaha DGPL Gen: Cadde Muuse ayaa Talaadadii booqasho iyo kormeer hawleed ku tagay ispitaalka guud ee magaalada laascaanood isaga oo u kuur galaya xaaladaha caafimaad ee ka jira ispitaalka.

Gen: cadde muuse ayaa si heer sare ah loogu soo dhoweeyay ispitaalka guud ee mgaalada laascaanood waxaana halkaas ku qaabilay masuuliyiinta ispitalka isagoo shirir kala duwana la yeeshay masuuliyiinta ispitalka guud ee magaalada laascaanood, madaxwaynaha ayaa kulan xasaasi ah oo ay albaabadu u xiran yihiin ku la qaatay hoolka shirarka ispitalka magalada laascaanood, Agaasimaha ispitalkaDr: Xaaji Maxamuud iyo isuduwaha caafimaadka gobalka sool Dr: Muuse Geele Maxamuud lamana shacin wixii ay masuuliyiintaasi kawada hadleen.

Sidoo kalena madaxwaynuhu intii uu kuguda jiray booqashada gaaban ee uu maanta ku tagay ispitalka guud ee magaalada laascaanood waxa uu mid mid u galay dhamaan qaybaha kala duwan oo uu ka kooban yahya ispitalka magaalada laascaanood isaga oo ku booqday ispitalka qolalkoodii bukaankii halkaasi jifay oo uu ilaahay uga baryay in ale caafimaadsiiyo iyo dhamaan umada musliminta ah oo dhan.

Ispitalka wayn ee magaaalda laascaanood oo soo maray marxalado kala duwan ayaa hada maraya meel wacan waxayna shaqada ispitaalku ay u socotaa si adeeg sare leh dhawaan ayay ahayd markii uu mulkiilaha shirkada Xawalada Dahab Shiil uu dayac tir xoogan ku sameeyay isaga oo ku kordhiyay qaybo kale duwan oo ay ka midyihiin qaybaha dhalaanka iyo hooyada oo aanu markii horeba lahayn ispitalku hadana si xawli ah u shaqeeyay qaybahasi iyo guud ahaan ispitalku.

A/rizak koronto

Waxaa maalintii shalay ahayd si xowli ah hawada ama kor ugu kacay qiimaha sarifka dollarka lagu sarifto deegaanada puntland iyada oo uu gaaray qiimaha $100 dollar lacag dhan sh,so, 1490.000 halka uu markii hore ka ahaa sh,so,1460.000.

Sare u kacan dollaraka ayaan ilaa iyo hada cadayn waxa sababay in uu sidaas xowliga ah uu mar qura sare ama cirka isugu qaado qiimaha sarifka lakala siisanto.

Dadka ka ganacsada wax is waydaarsiga lacagta qalaad ayaa ku tilmaamay sababta kicisay in ay tahay iyada oo ay soo galeen suuqyada deegaanada puntland lacago cusub oo ah sh,so taasi oo sababtay in uu mar qura kor ugu koco sarifka dollarka puntland.

Sidoo kalena waxaa lagu nisbaynayaa in uu sare u kaco qiimaha sarika dollarka iyada oo maalintii shalay ahayd ay xukumadu bixisay mushahaarkii ciidamada iyo shaqaalaha dawlada oo ay si wayn u soo galeen suuqyada lacagtaasi sh, somaliga ah ee isugu jirtay mushahaar bixinta puntland ee dhanka ciidamada iyo shaqaalaha iyo lacagta cusub ee soo gashay suuqyada kuwasi oo si wayn isaga kaashaday in uu sare u kaco qiimihii lagu sarifayay dollarka.

Si kastaba iyadoo oo uu sare u kacay dollarkii ayaan hadana waxba iska bedelin qiimaha badeecooyinka kala duwan ee deegaanada puntland gaar ahaana kuwa quutul daruuriga ah sida rashinka.

isha Sawirka Wakaalada Wararka REUTERS by bootaan

Talaalka Cudurka Polio ama Dabaysha ayaa ka muddo sadex maalmood ah ka dib la soo gabagabeeyay, talaalkan ayaa waxaa uu ka dhacay sadexda wadan ee kala ah Somalia, Kenya iyo Itoobiya, waxaana ololaha talaalka gacanta ugu wayn ka gaystay hay'ada WHO ee caafimaadka u qaabilsan Qaramada Midoobay.

Ololaha talaalkan ee ka dhacay sadexdaasi wadan ayaa looga gol lahaa cirib tirka cudurkan dabaysha ee caruurta curyaamiya, waxaana lagu talaalay caruurrta ay da’doodu ka yartahay 5ta sano iyadoo waxaana haayadu sheegtay WHO in cudurkaan laga talaalay inta uu socday qiyaastii 3 milyan oo caruur ah oo ku kala nool dalalka bariga afrika ee uu hareeyay cudurkaasi iyadoo sanadkii aan ka soo baqoolnay uu ahaa markii la sugayay in lagu dhawaaqo ka takhalusida cudurkaasi balse dib loogu arkay caruur qabto iyadoo la filayo in sanadu kale oo qaato inta laga takhalusayo.

Dalka Soomaaliya ayaa 4tii sano ee lasoo dhaafay laga waayey cudurka Dabaysha balse sanadkii lasoo dhaafay ayaa markale la arkay cudurkan ayadoo la sheegay inuu dalka Soomaaliya kasoo galay dhinaca dalka Yemen sida ay sheegtay haayada WHO ee qaramada midoobay u qaabilsan dhanka caafimaadka..

Ciidanka Somaliland iyo Ciidanka Puntland oo isku raasaaseeyay Jiida Ari Cadeeye ee Gobolka Sool Xili Cadde Muuse, Madax waynaha Puntlnd oo booqasho ku joogo Gobolka Sool.

Waraka ka imaanyo gobolka Sool ayaa waxay sheegayaan in labada ciidan ee Maamulada Puntland iyo Somali-land ay maalintii shalay ahayd ee Talaadadda ay is waydaarsadeen madaafiicta hoobyiyaasha iyo waliba hubka noocyadiisa kala duwan ee sida isdaba daxsan u dhaca iyadoo oo ka dhacay iska hor imaadku deegaanka jiida hore loo yaqaan ee Ari cadeeye ee ay isku horfadhiyeen labadii sano ee ugu danbaysay ciidamada labada dhinac ee Somaliland iyo Puntland .

Taliye ku xigaynka Ciidanka Daraawiishta DGPL ayaa saxaafada u sheegay in labada dhinac ay is waydaarsadeen madaafiic iyo waliba rasaas kale sidoo kale wariye ku lagu magacaabo C/qaadir Xoosh oo isagu arimaha gobolkaasi si gaar ah u indha indheeya ayaa waxaa uu Somalitalk u sheegay in ay arintaan timid ka dib markii madax waynaha DGPL Cade Muuse ay maqleen maamulka Somali-land in oo doobayo in oo booqashu ku yimaado Buuhoodle isaguu wariyuhu intaasi ku daray in laga dareemayo aagaasi dhaq dhaqaaq ciidan oo ay wadaan ciidamadda Puntland iyo waliba kuwa Somaliland .

Arimaan oo idil ayaa ku soo beegaya iyadoo magaalada Laascaano ee xarunta Gobolka Sool uu ku sugan yahay labadii maalmood ee aan soo dhaafnay madax waynaha dawlada goboleedka Puntland Cade Muuse Xirsi iyo wasiiru ka tirsan maamulkiisa ,

Gobolka Sool iyo sanaag ayaa ah gobolada ay ku moran san yihiin labada dhinac ee Puntland iyo Somaliland waxaana marar badan ka dhacay gobolka Sool aaga Ari Cadeeye iska hor imaad dhex maray labada dhinac oo ay ku dhinteen ciidamo iyadoo lagu kala qafaashay kuwa kale balse arinta iminka soo cusbuunaatay ayaa u mooqata mid soo celinaysa is qab qabsigii deegaaneed ee dhex maray labada dhinac iyadoo bishii hore BBC-da Qaybta Somalia uu madax waynaha Jamhuuriyada la magac baxday Somaliland daahir riyaale Kaahan oo sheegay in Somaliland aysan wali ka harin arinta gobolada sool iyo sanaag sida uu hadalka u dhigay.

Maxamed Cabdi Maxamed Bootaan
SomaliTalk Nairobi Kenya.
Botaan1@hotmail.com

W/D: Cabdirizak koronto

Ciidamada maamulka lamagacbaxay somaliland ayaa heegan kii ugu sareeyay lagaliyay iyaga oo isku balaariyay deegaanadii ay horay uga haysteen maamul Gobaleedka puntland ee gobalka Sool.

Ciidanka is balaarinaya ee maamulka lamagacbaxay somaliland ayaa bilaabay in ay soo rideen madaafiic oo aan loo meel dayin in kastoo aanay jirin cid wax ku noqotay madaafiicda ay ridayaan.

Ciidamada maamulka labaxay somaliland ayaa siweyn uga biyo diidan booqashada madaxweyne cadde muuse iyo waftigiisa iyagoo wacad ku maray in ay ka hortagi doonaan oo ay baajin doonaan booqashada uu madaxweyne cadde muuse ku doonayo in uu kutago magaalada buuhoodle ee gobolka cayn.

Balse warar aanu helnay ayaa sheegaya in madaxweyne cadde muuse xirsi uu tagi doono magaalada buuhoodle ee xarunta gobalka sool kaasi oo maamulka lamagacbaxay somaliland ay si wayn uga biyo diidsan yihiin.

Madaxwaynaha puntland Gen: Cade muuse ayaa noqonaya madaxwaynihii ugu horeeyay ee booqasho ku taga magaalada Buuhoodle ee xarunta gobalka cayn tan iyo markii la asaasay DGPl 1998 in kasta oo Buuhoodle ay xiligaas ahayd degmo ka tirsan gobalka Togdheer balse maamulka puntland ayaa buuhoodle u aqoonsaday gobal kaasi oo loogu magacdary Cayn, puntland oo markii hore ahayd 5 Gobal oo waawayn ayaa hada maraysa 8 gobal waxaana lagu kordhiyay 3 gobal ookale ah cayn oo Buuhoodle ah, Karkaar oo Qardho ah, iyo Gobalka Haylaan, ee sanaag bari.

Uganda: Jamhada LRA ee ka dagaalanta waqooyiga Uganda oo ogolaatay in ay sii dayso haween iyo caruur ay horay u qafaalatay.

Jamhada mucaaradka ah ee ka dagaalanta waqooyiga dalka uganda ayaa shaaca ka qaaday in ay siidaynayso dadka ay horay u qafaalatay oo u badan haween iyo caruur ay ka qafaalatay deegaanadoodii.

Heshiis dhinacyo badan taabanaya oo ay ku heshiiyeen xukuumada uganda iyo jamhada mucaaradka ah ee LRA ayaa si rasmi ah u xaqiijinaya in ay dhamaatay colaadii 20 jirsatay ee dalkaasi uganda ka taagnayd mudad aadka u dheer.

jamhada ayaa lagu wargaliyay in ay hubkooda iyo dagaalyahanadooda ay isugu geeyaan baro loo cayimay.

sidoo kalena heshiiskan ayaa qayb ka ahaa in jamhadu ay sii dayso mudo yar gudahood caruurta ay sida sharci darada ah uga afduubatay deegaanadoodii iyaga oo ula dhaqmayey in ay ciidan ahaan u kaxaystaan iyo waliba haweenka ay afduubeen jamhadu arintaas waa ay ogolaatay.

Waqooyiga dalka uganda oo jamhadu sida wayn uga dagaalanto lagama ogola jamhada dadku inta badan waa ay ka sii raja dhigayaan jamahada arxanka daran ee naafeeyay waqootiga dalkaasi ugand.

In kabadan halmayan ayaa kabara kacay guryahoodii intii ay colaadu socotay kumanaankuna oo kalena waa ay ku nafwaayeen dagaalada 20 sano ka socday dalkaasi uganda.

Garoowe: Talaalka cudurka dabaysha oo wali si habsami leh uga socda gudaha dalka somalia.

Waxaa maalintii sadexaad galay hawlaha looga ciribtirayo cudurka dabaysha dalka somalia oo gabi ahaanba ku eg maanta galinka danbe oo la soo gaba gabayn doono ayaa wali dhulka baaxada leh ee dalka somalia waxaa si xowli ah uga soconaya la dagaalanka cudurka dabaysha ee loo yaqaano Polio.

Saraakiisha caafimaadka ayaa xaqiijinaya in xiligani uu si wayn uga hirgalay talaalka cudurka dabaysha guud ahaanba gudaha dalka somalia ayna ka talaaleen caruur badan cudurkaasi dabaysha ee Polio.

Magaalada Garowe caruur ka badan 30.000 oo loogu tala galay in sanadkan looga talaalo cudurka dabaysha ayaa sida uu xaqiijinayo maxamuud khaliif xasan oo ka mid ah saraakiisha hayada qaramada midowbay u qaabilsan caafimaadka xafiiskeeda garowe uu noo xaqiijiyay in ay inta badan ku guulaysteen in caruurtasi laga talaalo cudurka dabaysha waxana uu sheegay in uu talaalku guud ahaan dalka somalia uu maanta galinka danbe ka soo gaba gaboobayo.

Guud ahaa puntland waxaa loogu talagalay in talaalka cudurka dabaysha laga talaalo sanadakan caruur tiradooda lagu qiyaasay 140.000 kun oo caruura kuwaasi oo ku kala nool mintuulo ilaa degmo iyo waliba gobal iyaga oo waliba hawlwadeenada caafimaadku ay dhamaandadkaasi ugu tagayaan hoyga ay marba ku nool yihiin sida la cadeeyayna talaalku waa lacag la'aan caruureey ka faa iidaysta.

A/rizak koronto
Garowe puntland

Sept 12, 2006

Siyaasiyiinta Beelaha Digil iyo Mirifle oo ku kala qaybsamey hadalkii Xaabsade..

Wararka naga soo gaaraya Magaalada Baydhabo oo xarun ku meel gaar ah u ah Dowladda Federaalka ayaa waxay sheegayaan in Siyaasiyiinta Beelaha Digil iyo Mirifle ay ku kala qaybsameen hadaladii dhawaan ka soo yeeray Max’ed Ibraahim Xaabsade, qaarkood waxay sheegeen in Max’ed Ibraahim Xaabsade hadaladiisu ahaayeen kuwo lagu sii hurinayo dagaalo dhex mara Dowladda Federaalka iyo Shacabka Digil iyo Mirifle.

Fawsiyo Max’ed Sheekh oo ah Wasiirka Arrimaha Qoyska ee Dowladda Federaalka ayaa waxa ay si weyn u taageertay hadalkii Max’ed Ibraahim Xaabsade ee ahaa in Dowladdu ay ka guurto Magaalada Baydhabo.

Sidoo kale Max’ed Ibraahim Xaasade ayaa isna mar kale ku celiyay in Dowladda ay sida ugu dhaqsiyaha badan uga guurto Dowladda Magaalada Baydhabo, hase yeeshee Madaxweyne C/llaahi Yuusuf, Guddoomiyaha Shariif Xasan ayaa dadal ugu jira sidii loo qaboojin lahaa arrintaasi, waxaana dhawaan kulamo ay la yeesheen Malaaqyo iyo waxgarad ka tirsan Beelaha Digil iyo Mirifle kuwaas oo ay Dowladdu ka dhaadhicisay in ay dejiyaan xaaladda wixii dhacayna ay Dowladda magdhow ka bixin doonoto.

Ciidamada Maxaakiimta Islaamiga ah oo shalay Nadiifiyey inta u dhaxeysa..

Ciidamada Maxaakiimta Islaamiga ah oo aad u hubeysnaa ayaa iyagu shalay nadiifiyey wado inta badan cariiri ahayd, isla markaana lagu ganacsado bartamaheeda, wadadaas oo ah midda ka tagta Baar-Ubax ilaa iyo Isgoyska Hawl-Wadaag.

Dadweynaha halkaasi ku ganacsada ayaa markii hore looga digay in ay si dhaqsi leh uga guuraan, balse ciidamo aad u fara badan ayaa goobtii yimid oo ka raray ganacsadii yar yareyd iyo gawaaridii ay halkaasi la dhigan jirtay, waxaana shalay la arkayey iyadoo wadadaasi ay si caadi ah Gawaaridu u marayaan, arrintaan ayaa waxaa si aad ah u soo dhaweeyay ganacsatada kale ee iyana halkaasi ku leh dukaamada waaweyn. Maxkamadda islaamiga ah ee Hawlwadaag ayaa uga digtay dadkaasi in ay markale dib ugu soo laabtaan goobtaasi, ciddii lagu arkana waxaa la sheegay in la isugu dari doono Tacsiir iyo Ganaax, hase yeeshee dadka ganacsiga ku leh hakaasi ayaa iyagu Maxaakiimta ka codsaday in loo sameeyo goobo ay ku ganacsadaan, hase yeeshee ilaa iyo haatan Golaha Maxaakiimta weli dadkaasi uma sameyn goobo ay ku ganacsadaan, dhinaca kale qashinkii laga geyn jiray Tarabuunka ayaa waxaa haatan moodaa in dib ugu noqonaya gudaha magaalada, waxad arkeysaa luuq-luuqyada qashin yaala oo habeen barkii lagu tuuray.

Ayman Adwaahiri oo ka Hadley arrimaha soomaliya ..

Ayman Adwaahiri oo ah hogaamiyaha labaad ee Ururka Al-Qacida yaa soo saaray cajalad uu ku soo aadiyey sanadguuradii 5-aad ee ka soo wareegtay markii cardaaduqaha laga dhigay labadii Daarood ee astaanta u ahaa Magaalada New York, waxaana canjaladaasi ay ahayd mid ka hadleysay arrimo fara badan oo quseeya muslimiinta ku nool Dunida waxaana Ayman Adwaahiri uu ka hadlay arrimo la xiriira xaaladda Soomaaliya, waxa uuna ku booriyey muslimiinta ku noool Dalka Soomaaliya in ay la dagaalamaan waxa uu ugu yeeray kooxaha xulufada la ah Mareykanka, sidoo kale waxa uu ugu hambalyeeyay sidii ay wadanka uga saareen kooxhii daba dhilifka u ahaa Maryekanka, Ayman Adwaahiri waxa uu ku tilmaamay madaxweyne C/llaahi Yuusuf Axmed nin ka baxay Diinta Islaamka loona baahan yahay wixii la socda iyo isagaba laga saaro wadanka. Ayman Adwaahiri ayaa canjaldaan ku soo beegay xili dadka Mareykanka ay xusayaan dhacdadii 11-ka September oo shalay ku beegneyd, canjaladaan oo la sii daayey Taleefishinka Al-Jasiira ayaa waxaa moodaa in Mareykanka looga dheereeyey xagga dacaayadda ee dhinca warbaahinta, sidoo kale Xubnaha Al-Qaacida ayaa la sheegay inay ku shaqeeyaan sirdoon aad u sareeya, Madaxweynaha Dalka mareykanka ayaa shalay ku dhawaaqay in dib loo dhisi doono labada daarood ee ku burburay weeraradii 11-kii September, waxaana la filayaa in halkaasi lag dhiso saddex daarood oo aad u casri ah. Madaxweyne Busha waxa uu sheegay in hogaamiyaha ururka Al-Qaacida Osoma Bin Laadin, ku xigeenkiisa Ayman Adwaahiri iyo Xubno badan oo Al-Qaacida ah ay ku sugan yihiin dalka Afgaasintaan, halkaas oo la sheegay inay ku leeyihiin saldhigyo waaweyn.

Dagaallo cadowga lagu naafeeyay oo ka dhacay Ogaadeenya.

Markii uu dagaalkani dhacay waxay ciidammada gumaysigu Duud-cade ku dileen Alla ha u naxariistee C/llaahi Gamaadiid. Waxay kaloo dhaawacyo soo gaadhsiiyeen C/llaahi Cismaan-Yare, oo ay gacan ka jabiyeen iyo Caydiid Xasan Shaacir oo ay isagana Binnad madaxa kaga dhuften. Ninkan denbe ilaa iyo hadda lama granayo meesha ay geeyeen.

Dhinaca kale wuxuu wariyuhu noo soo sheegay in 150 askari oo ka tirsan ciidammada gumaysiga Itoobiya ay dhawaan si wadajir ah u goosteen, ilaa iyo haddana aan laga warhaynin meesha ay tageen. Ciidammadan goosteen waxay ahaayeen ciidammo 18/08/06 laga soo diray Gabagabo, isla markaana loo soo diray inay hawlgal dadwaynaha ka dhan ah ka soo fuliyaan gobolka Doollo, gaar ahaan nawaaxiga Qorile, hase yeeshee waxay garab mareen deegaankii hawlgalka loogu diray, iyadoo la sheegay inay dhinaca Soomaaliya u dhaafeen degmada Dannood oon ka fogayn deegaanka hawlgalka looga diray.

Wariyaha RX uga soo warrama gobolka California ee dalka Maraykanka ayaa noo soo sheegay shir muhiim ah oo dabayaaqadii toddobaadkii hore lagu qabtay magaalada San Diego. Shirkan ayaa ahaa mid si wayn loo soo agaasimay oo lagaga hadlayay xaaladda siyaasadeed iyo bini�aadamnimo ee dalka Ogaadenya. Shirkaas waxaa si wada jir ah u soo qabanqaabiyey ururka Codka Nabadda ee Ogadenya iyo Machadka Nabadda iyo Caddaaladda ee Jaamicadda San Diego.

Shirka waxaa hal-ku-dhig u ahaa �Dadaalka nabad waarta oo ka dhalata Ogadenya�, waxaa lagu falanqeeyey xaaladda siyaasadeed, bini�aadamnimo iyo sidii nabad looga gaadhi lahaa dhibaatada faca wayn ee dalka Ogaadenya muddada dheer ka jirtay.

Waxaa shirkaas ka soo qaybgalay xeel-dheerayaal arrimaha Ogaadenya iyo guud ahaan geeska Africa aqoon dheer u leh, aqoonyahanno iyo marti sharaf kale oo ka kala timid gobollo kala duwan oo Maraykanka iyo Canada ka mid ah.

Aqoonyahanadii ka soo qaybgalay shirka waxay halkaas ku soo bandhigeen xogo iyo warbixino isugu jira taariikh, falanqayn la xidhiidha sidii dhibaatada Ogaadeenya ku abuurantay iyo sida xal loogu heli karo iyo waliba kaalinta ay dadka qurbo joogta ahi ka qaadan karaa xal u-helidda dhibaatada Ogaadeenya.

Dadkii goobta ka hadlay waxay dhammaantood qireen in shacbiga Ogaadenya xuquuqdiisii maqan tahay, loona baahan yahay in loo ololeeyo sidii ay aayo-ka-talintooda dib ugu hanan lahaayeen.

Khubaradii iyo aqoonyahanadii ka soo qaybgalay shirkaas waxaa ka mid ahaa Dr Mohamed Mukhtaar Huseen oo ah madaxa Machadka Caalamaiga ee Cilmi baadhista Somalida Ogaadenya, Saadiq cabdiraxmaan oo ah aqoonyahan u ololeeya arrimaha xuquuqda aadanaha Ogadenya, Herman J. Cohen oo ah danjire Maraykan ah oo ku xeel-dheer arrimaha Geeska Afrika, Dr Cabdiraxmaan Jaamac Barre, oo wasiirka arrima Dibadeed ka ahaan jiray dalka Somaliya, iyo Dr Cali Khaliif Galaydh, Rasiisal wasaarihii ee hore ee Soomaaliya

Golaha Maxkamadaha islaamka Soomaaliya ayaa sheegay in dawlada Itoobiya oo cadow ku ah Soomaaliya ayna marna xallin karin dhibaatada ka taagan dalka Soomaaliya. Gudoomiyaha golaha fulinta maxkamadaha islaamka Soomaaliya Sh Shariif Sh Axmed oo ka hadlayay magaalada Sirta ee dalka Libya ayaa mar kale ku celiyay in maxkamadaha islaamka Soomaaliya ayna marna aqbali doonin ciidamo shisheeye oo dalkaas la geeyo.

Waxaa jiray warar dhawaan soo baxay oo tibaaxayay in dawlada Liibiya ay wada hadalsiin doonto maxkamadaha islaamka Soomaaliya, dawlada ku meelgaadhka ah ee Soomaaliya iyo xukuumadda Itoobiya, hase yeeshee arrintaas ayaa u muuqata mid aan suuragal ahayn, ka dib markii uu madaxwaynaha Soomaaliya ka baaqday shirka madaxda Midowga Afrika ee ka dhacaya dalka Liibiya.

Qaramada Midoobey oo sheegtay iney xafiisyo ka furaneyso Muqdisho
»Ma dhab baa in Miless Sanawi, C/llahi Yuusuf & Sh. Xasan
»Daahir Riyaale oo ka codsaday Males Sanawi in uu joojiyo…
»Xulka Qaranka Soomaaliya oo galabta la ciyaaraya xulka …
»Ciidamada Maxaakimta oo nin ku dilay Xaafadda Black Sea.
»Warsaxaafadeed kasoo baxay Xisbiga Ramaas...
»Dadwayne ay ciidammada gumaysigu xidhxidheen...
Wararka oo dhan ka akhri halkan... Guji... Sept 10