WARARKA MAY 10, 2006

• WAR SAXAAFADEED : Xafiiska Qaramadda Midoobay U qaabilsan Arrimaha Siyaasadda Soomaaliya (UNPOS)

• Sen. Coleman oo Aqalka Senateka Maraykanka Hordhigay Qaraar Ku Saabsan Soomaaliya 

• SOMALI FARA BADA OO LAGU QABTAY LAGUNA XIDHXIDHA DALKA TANZANIA,

• Shiikh Shariif Shiikh Axmed oo ku dhawaaqay Xabad joojin

• Maxaa ka soo baxay kulankii Xubnaha la dagaalanka Argagixisada iyo..

• Siminaar u furmay Xildhibaanada Baarlamaanka..

• C/llaahi Yuusuf oo kulan la yeeshay Hogaamiyaha Wadanka Liibiya..

• Warbixin ku saabsan dagaalka ka socda Muqdisho.

• Eng. Cali Xasan “Maraakiibta Shisheeye waxay xaq u leeyihiin ilaa iyo 200 oo Mile laakiin..

• Iska hor imaad ka dhacay Isgooska Km4 oo.

  ---

Sen. Coleman oo Aqalka Senateka Maraykanka Hordhigay Qaraar Ku Saabsan Soomaaliya 

OGEYSIIS: SOOMAALIDA LONDON: Waxaa dhamaan dadka Soomaaliyeed ee caddaalada jecel necebna quudhsiga iyo takoorka la ogeysiinayaa in uu dhici doono banaanbax weyn oo lagaga soo horjeedo xukunkii ay Maxkamada Somaliland ku xukuntay gacan ku dhiiglihii sida badheedhka ah u dilay Allaha u naxariistee Khadar Cismaan Dhabar. Banaanbaxan waxa uu dhacayaa Bishan May 13-keeda 3:00 pm taasoo ah Sanad Guuradii Koowaad ee ka soo wareegtay markii Marxuumka lagu dilay Magaalada Hargeysa. AKHRI....

 SOMALI FARA BADA OO LAGU QABTAY LAGUNA XIDHXIDHA DALKA TANZANIA,

Qaxooti somaliyed oo fara badan ayaa lagu xidh xidhay dalka Tanzania, qaxootigan soo galay dalka Tanzania ayaa boqolaal kamida xabsiyada la dhigay kadib marki bishan horanteedi lagu qabtay magaalooyinka Carusha iyo xuudadka dalka Tanzania iyo Kenya u dhaxeya, qaar kalana lagu qabtay magalada Dar es salaam iyagoo ku dhumanaya guryo Somaliyeed.

Madaxa police ka magalada Dar es salaam Mr Alfred Tibeygana ayaa saxaafada u sheegay in dadkaasi la qabqabtay ayagoo kasoo talaabay xududada, wuxuu ku daray in dadka la xidhay ay kamid yihiin laba dumara. Alfred Tibeygana wuxuu kaloosheegay policeku inay marki hore ku daba jireen Niman burcada oo dhacay Bank NMB lacag 150m (Tz Sh) ah, kadibna ay lakulmeen dadka faraha badan oo gaadhay 500 qof kadibna ay soo xidhxidheen, Alfred muusan cadayn xiliga Maxkamada Lasaari doono sidoo kale wuxuu ku daray in dadkaasi halkan ay kusoo dhaweeyaan dad horey u deganaa wadanka, weliba wuxuu sheegay in network dadka looga soo kaxeeya Somalia ay soo kaxeeyaan dad somaliya oo iyagu kala yaqaan wadada kana qaataan lacag fara badan, ugu danbeynti wuxuu sheegay Alfred Tibeygana oo ah madax police ka dar es salaam ah in arimahaas oo dhan wax laga qaban doono.

Sidoo kale wasaarada arimaha dibada afhayeen u hadlay ayaa isaguna ku sheegay in dowladu sifeyn doonto dadka sida sharci darada kusoo gala ama sida sharci darada ku degan dalka Tanzania, arintan ayaa walwal fara badan ku abuurtay Somali fara badan oo horey u daganaa halkaasi, dalka Tanzania waxaa ku nool Somali fara badan oo gadhay ilaa iyo 5000 oo qof ganacsi iyo degaanba ku leh, sidaa darteed arintan ayaa ku noqotay arin walwal ku abuurta.

Ahmed Mohmamed
Dar es salaam, Tanzania
anjournalist@hotmail.com

Shiikh Shariif Shiikh Axmed oo ku dhawaaqay Xabad joojin

Amiin Yuusuf | Xamar

Ururka Beer-yaqaanada Soomaaliyeed (SAGRA) oo dhawr gobol gaarsiiyey abuurka Salbukada Filsan ... GUJI...

Guddoomiyaha Midowga Maxaakiimta Islaamiga ah Shiikh Shariif Shiikh Axmed ayaa ku dhawaaqay Maalintii shalay ahayd in dhinacooda ay diyaar u yihiin xabad joojin lagu joojiyo dagaalka qaraar ee maalintii saddexaad ka socda Magaalada Muqdisho ee u dhexeeya Midowga Maxaakiimta Islaamiga ah iyo Isbahaysiga la magacbaxay la Dagaalanka Argagixisada.

“Culuma’u-diinka, Waxgarad iyo Odoyaal ayaa nala soo xiriiray oo naga dalbaday xabad joojintaasi anaguna waan ka aqbalnay” ayuu yiri Shiikh Shariif oo sheegay in markii horeba fariisimahooda la soo weeraray oo intaa ku daray “aad baan uga xunnahay dhibaatada ku dhaceysa dadka Shacabka ah, waana middaas midda aan u aqbalnay xabad joojintaasi”.

Sidoo kale ninkii uu dagaalka ka bilowday Nuur Xasan Cali (Nuur Dakhle) ayaa isna sheegay in dhiniciisa uu diyaar u yahay heshiis Xabad joojin ah, “Waxaa ila soo xiriiray Odoyaal, Culuma’u-diin iyo Waxgarad oo iga dalbaday in aan xabadda joojiyo si weyn ayaan u soo dhaweeyay una aqbalay” ayuu yiri Nuur Dakhle.

Dagaalka dhexmaray labada dhinac ayaa waxa uu dhaliyay khasaaro aad u ba’an maadaama goobaha lagu dagaalamayo ay yihiin goobo ay ku sugan yihiin dad rayid ah, waxaana shalay la arkayay dad maati ah oo ka soo qaxaya goobaha ay dirirtu ka socoto, waxaana dadka ka muuqday diif iyo darxumo, maadama dadkaasi ay ahaayeen dad markii horeba isaga noolaa duruufo aad u adag.

Maxaa ka soo baxay kulankii Xubnaha la dagaalanka Argagixisada iyo..

Maalintii shalay ahayd ayaa Guriga Muuse Suudi ee Degmada Kaaraan waxaa kulan ku yeeshay xubnaha isbahaysiga la dagalanka Argagixisada, waxaana ka qaybgalay rag ay ka mid ahaayeen Max’ed Qanyare Afrax, Max’ed Dheere, Muuse Suudi, Cumar Finish, Cabdi Xasan Cawaale Qaybdiid, Cabdi Nuure Siyaad, C/rashiid Ilqeyte, Cabdi Shukri iyo Ciise Cabdi, ilaa iyo haddana lama faahfaahin waxa looga hadlay kulankaasi balse warar ayaa waxay sheegayaan in kulankaasi uu ahaa mid ay warbixino isku dhaafasanayeen xubnahaasi oo ku saabsan xaaladda Muqdisho, warar kale ayaa waxay sheegayaan in kulankaasi looga halday arrimo la xiriira dagaalka haatan ka socda Deegaanka Sii Sii, waxaana la sheegay in dhinacyadaasi ay isku afgarteen in ay ka qayb-qaataan dagaalkaasi.

Kulamada ay yeelana-yaan xubnaha la dagaalanka Argagixisada ayaa ah kuwo xadidan, maadaama weli dagaalo ay ka socdaan Magaalada Muqdisho, iyadoo maalintii shalay ahyad kooxo gurmad ah oo ka tiran isbahaysiga la dagaalanka Argagixisada lagu helay Isgooska Km4.

Siminaar u furmay Xildhibaanada Baarlamaanka..

Waxaa maalintii shalay ahayd ka furmay Magaalada Baydhabo siminaar loo qabtay Xildhibaanada Baarlamaanka, waxaana soo qaban-qaabiyay Hay’adda AWEBA oo iyadu inta badan gacan siisa Baarlamaanada Adduunka.

Xubno ka tirsan Ha’ad daasi ayaa waxay sheegeen in Baarlamaanada Adduunku uu ka dhexeeyo xiriiro Iyadoo Baarlamaanada Somaaliya looga baahan yahay in ay mar kasta xiriir la sameeyaan Baarlamaa-nadaasi si ay waayo aragnimo uga helaan.

Siminaarkaan oo socon doona labo Maalmood ayaa waxay shalay si aad ah ugu doodeen qaar ka mid ah Xildhibaanada Baarlamanka iyagoo halkaasi ka dhiibanayay Fikradahooda la xiriira arrimaha ka dhexeeya Baarlamaanada waxayna u mahadceliyeen Hay’adda oo ay sheegeen in ay tahay Hay’ad ku taagan in ay taageerto Baarlamaanada Caalamka.

Siminaarkaan ma ahan kii ugu horeeyay ee loo qabtay Xubnaha Barlamaanka, iyadoo maalintii doraad ahayd loo soo gebagabeeyay Siminaar ay soo qaban-qaabisay waxyadda Siyaasada Qaramada Midoobey ee Soomaaliya.

C/llaahi Yuusuf oo kulan la yeeshay Hogaamiyaha Wadanka Liibiya..

Madaxweyne C/llaahi Yuusuf oo haatan booqasho ku jooga wadanka liibiya ayaa la kulmay Hogaamiyaha Wadanka Liibiya Mucamar Al-Qadaafi waxayna isla soo qaadeen arrimo ku aadan Xaaladda Soomaaliya.

C/llaahi Yuusuf ayaa Hogaamiyaha Liibiya waxa uu warbixin ka siiyay Dowladda Federaalka oo uu sheegay in ay wali aysan helin kaalmadii ay u baahneyd ha noqoto dhinaca dib u dhiska iyo dhinaca ammaanka.

C/llaahi Yuusuf ayaa waxa uu sheegay in Dowladda Federaalka ay u baahan tahay ciidamo shisheeye oo gacan ka siiya dhinaca ammaanka si ay u soo celiyaan amarkii iyo kala dambeyntii, waxa uuna u soo jeediyay Hogaamiyaha Liibiya in uu gacan ka gaysto sidii Soomaaliya lagu keen lahaa ciidmaadaasi, isla markaana dhaqaalaha ku baxaya ciidankaasi uu gacan weyn ka gaysto, waxaana la filayaa in Madaxweynuhu uu gaaro wadanka Yemen kaddib markii uu martiqaad ka helay Hogaamiyaha Wadankaasi oo isagu u ololeeya sidii Qaaradda Afrika ay u midoobi lahayd ayna u yeelan lahayd hal Hogaamiye. [Warbixin dheeraad ah oo ku saabsan safarka madaxweynaha Soomaaliya uu ku tegey Liibiya, ka akhri halkan...]

Warbixin ku saabsan dagaalka ka socda Muqdisho.

Haddii Banaanka laga helay, miyuusan u baahneyn gacan bini’aadannimo iyo Gargaar... AKHRI...

Maalintii saddexaad ayuu galay dagaalka ka socda Magaalada Muqdisho oo u dhexeeya Midowga Maxaakiimta Islaamiga ah iyo Isbahaysiga la dagaalanka Aragagixisada, waxa uu dagaalkii shalay ahaa mid aad u qaraaraa oo gaystay khasaaro isugu jira naf iyo maal.

Dagaalkaan oo ku fiday deegaano ay ka mid yihiin Yaqshiid iyo Karaan, ayaa waxaa ilaa iyo haatan ku geeryooday Sideetamaayo qof waxaana ku dhaawac macay 130 qofood oo intooda badan la dhigay Isbitaalada Madiina iyo Keydsaney.

Madaafiic aad u xooga ayaa waxay ku soo dhaceen warshaddii hore ee Baasta Caymista, Xamarbila iyo Suuq Bacaad waxayna geysteen khasaarooyin aad u fara badan oo intooada badan ay ku dhaceen Bulshada Rayidka ah, waxaa weli soo gaaraya labada dhinac baaqyo nabadeed oo looga dalbanayo in ay joojiyaan xabadda, isla markaana wixii khilaaf ah ku xaliyaan wada hadal, waxaana la sheegay in labada dhinac ay aqbaleen baaqyadii inkastoo ay wali dhaceyso xabaddii iyo iska hor imaadyadii.

Labada dhinac ayaa waxaa soo gaaraya gurmadyo ka kala imaanaya Midowga Maxaakiimta Islaamiga ah iyo Isbahaysiga lagu magacaaboa la dagaalanka Argagixisada iyo soo celinta nabadda.

Dagaalkaan haddii aan si dhaqsi leh looga hortagin waxa uu keenayaa in uu guud ahaan ku faafo Magaalada Muqdisho iyadoo dadweyne fara badan ay ka qaxayaan goobihii dagaaladu ay ka bilowdeen, waxaana arkeysaa Carruur iyo Dad- waayeel ah oo ka cararaya xabadda wiiftada ah ee ay isku ridayaan labada dhinac ee ku dagaalamaya.

Eng. Cali Xasan “Maraakiibta Shisheeye waxay xaq u leeyihiin ilaa iyo 200 oo Mile laakiin..

Eng. Cali Xasan Bubaale oo ah Ingineer ka tirsan Maraakiibta Mudana la socday Maraakiibta uu gacanta ku hayo Eng. Muunye Siciid Cumar ee SHIFCO, waxaana wax ka weydiinay kooxaha maalmahan ugaarsanaya Maraakiibta Shisheeye iyo arrimo kale oo la xiriira howlaha Maraakibta, isagoo arrintaasi ka hadalayana waxa uu yiri, “Maraakiibta Shisheeye waxay xaq u leeyihiin in ay maraan 200 Mayl oo ah Biyaha Caalamiga ah, meeshaas ma tagi karaan Doomaha Yar yar waayo waxaan gaarsiineyn Shidaalka”, wuxuuna intaa sii raaciyay “Marakiibta waaweyn waxay ka soo gudbiyeen labadaas Boqol oo Mayl oo waxaa la isugu yimid 50-kii Mayl oo ay xaq u lahaayeen Kalluumeysata, Maraakiibtaasi waxa ay dhibaato gaarsiiyeen Doomihii Kalluumeysatada ahaa iyo Shabaagtoodii, marka xaq ayay u leeyihiin in ay la dagaalamaan oo ay qafaashaan, waayo, nin Gurigaagii kuugu yimid si gardaro ah waxa uu mudan yahay in la iska dhiciyo”.

Sawiradii laga qaaday safarkii Madaxweynaha DFKG ee SWEDEN... GUJI...

Eng. Cali Xasan, waxaa kale oo uu sheegay in aan la koontaroolin Maraakiibta ku soo xiraneysa Dekedaha Soomaaliya, isagoo arrintaasi ka hadlayana waxa uu yiri “Marabka Shidaalka ah waxa uu leeyahay Lix god ama lix Haamood, waxaa laga yaabaa in labo ka mid ah godadkaasi ay shidaal ku soo shubteen ganacasato, halka kuwa kalana aan la fiirin, waxaana dhici karta in isagoo dekedda taagan uu iska rogo xitaa haddii ay qashan yihiinba, taasoo dhibaato ku ah Bulshada Soomaaliyeed”.

Eng. Cali Xasan waxa uu sheegay in kooxha lagu tilmaamay burcad badeedka ay difaacayaal xeebaha Soomaali-yeed, inkastoo uu ka digay afduubka loo gaysanayo Maraakiibta Ganacsiga kuwaasoo afduubkoodu uu dhibaato hor leh u gaysan karo shacabka Soomaaliyeed.

Iska hor imaad ka dhacay Isgooska Km4 oo.

Maalintii shalay ahayd ayaa Isgooska Km4 ee Magaalada Muqdisho waxaa ka dhacay iska hor imaad dhex maray kooxo maleeshiyo ah oo halkaasi fariisin ku leh iyo Isbahaysiga la dagaalanka Argagixisada. Iska hor imaadkaasi ayaa waxaa ku dhintay labo ruux, waxaana ku dhaawacmay ilaa iyo lix kale, iyadoo Gawaaridii Isbahaysiga ay kala go’een oo qaarkood u baxsadeen dhinaca Xaafadda Xamarweyne, waxaana la sheegay in halkaa uu ku qabsaday dagaal kale oo ay ku dhinteen labo ruux.

W/D: Amiin Yuusuf Khasaaro
E-Mail: amiinkhasaaro@hotmail.com 

• Dagaallo dhexmaray ciidammada xoreynta iyo kuwa gumaysiga Itoobiya. 
• Dad uu cadowgu xidhxidhay iyo ciidammo cadowga ka goostay. 
•  Madaxdii mucaaradka Itoobiya oo denbiyo calculus lagu soo oogay.
•  Shir ka dhacay magaalada Melbourne(Australia) oo aan ka waraysanay Khadar Aaden Cismaan.
•  Barnaamijkii Aragtida Halgamaaga(Shacabka Ogadenya Qadiyadiisa fahan).