Wararkii: Dec 16, 2006

• C/llaahi Yuusuf oo sheegay in ay xirmeen Albaabadii waan waanta..
• Maxkamadaha oo si kulul uga jawabay hadalkii Dowlada Mareykanka..
• Sheekh Fu’aad “Mareykan, Ingiriis iyo Itoobiya waan ka guuleysan doonaa Haddi Eebe..
• Maxaa ka soo baxay kulankii ka dhacay Nayroobi...
• Geeddi oo Magaalada Nayroobi kulan kula yeeshey Saraakiil..
• Maxkamad Islaami ah oo looga dhawaaqay Degmada Caabutwaaq
• Dallad ay ku mideysan yihiin Toban Dugsi looga dhawaaqay

  ---

C/llaahi Yuusuf oo sheegay in ay xirmeen Albaabadii waan waanta..

Madxweyne C/llaahi Yuusuf Axmed oo shalay Xarunta Madaxtoonyada Magaalada Baydhabo kula hadlayey Saxaafadda ayaa waxa uu sheegay inay dhamaadeen wada hadalkii iyo waan-waantii laga dhex waday Maxaakiimta iyo Dowladda Federaalka. “Lagama yaabo in aan mar kale isa soo hor fariisanayo oo aan wada hadal la yeelanayo Maxaakiimta” ayuu yiri C/llaahi Yuusuf oo sheegay in Maxaakiimtu ay yihiin kooxo argagixiso oo doonaya inay dalka ku horseedaan burbur iyo baaba’a.

Xiliga hadalka Madaxweynuhu uu ku soo beegmay waxa uu ahaa xili ay Golaha Maxaakiimta Islaamiga ah u qabteen todobo maalmood in ay Ciidamada Itoobiya uga baxaan dalka Soomaaliya, waxa uuna sheegay Madaxweyne C/llaahi Yuusuf Axmed in ciidamada Itoobiya ee ku sugan dalka Soomaaliya ay yihiin kooxo tababarayaal ah oo doonaya inay dib u soo noleeyaan ciidankii Booliiska Soomaaliyeed. Madaxweyne C/llaahi Yuusuf Axmed ma uusan caddeyn waxyaabaha lagu bedelayo wada hadalka in ay tahay dagaal ay Dowladdu la galeyso Maxaakiimta, hase yeeshee waxaa laga dhedhansanayaa in Madaxweyne C/llaahi Yuusuf uu doonayo in uu dagaal qaraar la galo Maxaakiimta isagoo adeegsanaya Ciidamada Itoobiya.

Hadalka C/llaalhi Yuusuf ayaa waxa uu ku soo beegmay xili ay Dowladda Mareykanku sheegtay in hogaanka sare ee Maxaakiimtu ay xiriir la leeyihiin Ururka Al-Qaacida, waxay kaloo Dowladda Mareykanku sheegtay in Kooxo argagixiso Ah ay ku sugan yihiin gudaha dalka Soomaaliya kuwaas oo qaraxyo ka gaystay safaaradihii Mareykanku ku lahaa wadamada Tanzaaniya iyo Kenya, hase yeeshee Maxaakiimta ayaa iyagu beeniyey hadalkaasi kuna tilmaamay kuwo lagu baneysanayo in Soomaaliya lagu qabsado.

Maxkamadaha oo si kulul uga jawabay hadalkii Dowlada Mareykanka..

Maxaakiimta Islaamiga ah ayaa si kulul uga jawaabay hadalkii ka soo yeeray Dowladda Mareykanka ee ahaa in ragga ugu sareeya Maxaakiimta ay yihiin kuwo xiriir la leh ururka Al-Qaacida, waxa uuna Goluhu hadalkaasi ku tilmaamay mid sal iyo raad toona aan lahayn.

Golaha Maxaakiimta waxay sheegeen in aysan wax xiriir ah la lahayn kooxahaasi, iyagoo sheegay in Mareykanku uu marmarsiyo uga dhigayo sidii uu Maxaakiimta weerar uqu soo qaadi lahaa isagoo adeegsanaya Dowladda Itoobiya.

“Waxaan ku martiqaadeenaa Dowladda mareykanka in ay timaado deegaanada ay ka taliyaa Maxaakiimta si ay u ogaadaan xaaladda dhabta ah ee ka jirta” ayey yiraahdeen golaha Maxaakiimta oo sheegay inay iska difaaci doonaan cid kasta oo ku soo gardaroota.

Golaha maxaakiimtu waxay kaloo sheegeen in ay weli sideedii u taagan tahay todobadii maalmood ee loo qabtay ciidamada Itoobiya ee ku sugan gudaha Dalka Soomaaliya. Haddii ay ka bixi waayaana ay la kulmi doonaan cawaaqib xumo ad u balaaran, hase yeeshee Dowladda Itoobiya ayaa warkaasi ku tilmaantay mid aan waxba soo kordhineyn, balse sii hurinaya xaaladda ka taagan dalka Soomaaliya.

Sheekh Fu’aad “Mareykan, Ingiriis iyo Itoobiya waan ka guuleysan doonaa Haddi Eebe..

Sheikh Fu’aad Max’ed Khalaf oo ah Xoghayaha Maxaakiimta ee dhinaca Dhallinyarada iyo Waxbarashada ayaa mar uu ka hadlayey xaflad lagu dhisayey Golaha Abwaanada Soomaaliyeed, waxa uu sheegay in Golaha Maxaakiimta oo kaashanaya shacabka Soomaaliyeed ay iska difaaci doonaan cid kasta oo ku soo gardaroota dalka Soomaaliya.

“Itoobiya waxa dabada ka riixaya waan og nahay oo waa Mareykan iyo Ingiriis, inshaa-Alaah waanu ka guuleysan doonaa” ayuu yiri Sheekh Fu’aad oo intaa raaciyey “Waxyaabaha nalagu haysto waxaa weeye maxaad ugu dhaqmeysaan Shareecadda Islaamka oo aad illaahey u caabudeysaan”.

Sheekh Fu’aad oo ka yimid dalka dibaddiisa ayaa waxa uu sheegay in shacabka Soomaaliyeed ee ku nool Didabaha ay yihiin kuwo diyaar u ah inay wadankooda ka difaacaan caddowga Itoobiya.

Maxaa ka soo baxay kulankii ka dhacay Nayroobi...

Waxaa shalaya Nayroobi lagu gabagabeyeeyey kulan socday labo maalmood oo ay isugu yimaadeen madaxda wadamada Harooyinka, waxaana shir guddoominayey Madaxwey-naha wadanka Kenya Kipaki.

Kulankaan ayaa gebagabadiisii waxaa laga soo saaray baaq loo jeediyey Dowladda Federaalka iyo Golaha Maxaakiimta oo ah in ay isugu yimaadaan kulan deg deg ah oo looga arrinsanayo arrimaha ka taagan Soomaaliya, waxaana loo soo jeediyey in wixii khilaaf ah ay ku xaliyaan wada hadal.

Max’ed Cali Geeddi oo filayey in kulankaasi looga hadlo sidii Soomaaliya loogu diri lahaa ciidamo ka socda Afrika ayaa ayaa halkaasi ku hungoobay kaddib markii wadamadaasi ku ekaadeenin Xaladda Soomaaliya lagu dhameeyo wada hadal iyo is afgarad, hase yeeshee xogahayaha Midowga Afrika Alpha Omar Conary ayaa waxa uu sheegay in Soomaaliya ay deg deg ugu baahan tahay ciidamo nabad ilaalin ah oo gacan siiya Dowladda Federaalka ee fadhigeedu yahay Baydhabo.

Geeddi oo Magaalada Nayroobi kulan kula yeeshey Saraakiil..

Wararka naga soo gaaraya Magaalada Nayroobi ee dalka Kenya waxay sheegayaan in uu Ra’isul Wasaare Cali Max’ed Geedi uu Magaalada Nayroobi kulan kula yeeshay saraakiil ka socotay Dowladda Mareykanka, waxaana kulankaasi la iskula soo qaaday xaaladda Soomaaliya, iyo qaabka ugu haboon ee ciidamada Afrikaanka ah loo keeni karo Soomaaliya. Ra’isul Wasaare Geeddi ayaa waxa uu ka dalbaday Dowladda Mareykanka in la dedejiyo ciidamada Nabad ilaalinta ee loo dirayo Soomaaliya, maadaama xaaladda Soomaaliya ay haatan tahay mid halis ah.

Ra’isul Wasaaruhu waxa uu sheegay in haddii aan ciidamadaasi dhaqsi loo keeni Soomaaliya ay Soomaaliya halis u tahay inay la wareegaan wax uu ugu yeeray kooxo Argagixiso.

Warar ayaa waxay sheegayaan in Ciidamda loo soo dirayo Soomaaliya loo la’ yahay qarashkii ay ku hawlgali lahaayeen, waxaana la sheegay in Ra’isul Wasaare uu ka codsaday Mareykanka inay bixiyaan qarashaadka ku baxay ciidamada nabad ilaainta,. Gaar ahaan dhinaca daadgureynta oo uu sheegay Ra’isul Wasaare in ay tahay mid aad u culus, waxayna labada dhinac isku mowqif ka noqdeen in Soomaaliya ay ku sugan yihiin kooxo argagixiso ah.

Maxkamad Islaami ah oo looga dhawaaqay Degmada Caabutwaaq

Maxkamad Islaami ah ayaa maalintii shalay ahayd laga furay magaalada Cabud-Waaq ee Gobalka Galguduud, waxaana ka qaybgalay munaasabaddii lagu furayey culima’udiin ka socday Golaha Maxaakiimta Islaamigaa, Waxgarad iyo Odoyaal ka soo jeeda Deegaankaasi.

Dadweynaha ku nool degmada Cabud-Waaq ayaa si weyn u soo dhaweeyay furitaankii Maxkamaddaasi kuna tilmaamay inay tahay mid wax ka qabaneysa nabadgelyada iyo xasiloonida degmadaasi.

Dhawaan ayaa Maxaakiimta Islaamiga ah gacanta ku dhigeen degmada Cabud-Waaq kaddib markii arrintaani ay ka wada hadleen Odoyaasha Deegaanka iyo Maxaakiimta Islaamiga ah.

Warar ayaa waxay sheegayaan in Maxaakiimta Islaamigu ku sii siqayaan degmada Balanbale oo aan sidaasi uga fogey, basle waxaa halkaasi ka dhow ciidamada Itoobiya oo iyagu mudo haystay degmadaasi, basle markii dambe dib u gurusho sameeyay kadib markii ay si aad ah ugu soo dhawaadeen ciidamada Maxaakiimta Islaamiga ah oo iyagu isk baahina dhamaan gobalada dalka.

Ciidamo ka Gadooday Dowladda Federaalka oo xaley lagu soo dhaweeyey ..

Waxaa habeenkii xalay ahayd Magaalada Muqdisho lagu soo dhaweeyay ciidamo iyo tikniko kaddib markii ay ka soo goosteen Dowladda Federaalka oo ay m,udo ku sugnaayeen Magaalada Baydhabo.

Ciidankaan oo ka koobnaa 100 Askari ayaa waxay wateen lix gaari oo saddex yar yar tahay saddexna ay waaweyn tahay, waxaan saraakiishii la socotay ay xalay caddeeyeen in ay ku soo biireen maxaakiimta islaamiga ah iyagoo ku tilmaamay kuwo ku taagan xaq.

Ciidamadaani waxay sheegeen inay diyaar u yihiin in ay la dagaalamaan ciidamada Itoobiya ee ku sugan dalka Soomaaliya, waxayna codsadeen in la geeyo safka hore ee dagaalka.

Ma ahan markii ugu horeysay oo ciidamo ka tirsan Dowladda Federaalka ay ka soo baxsadaan, dhawaan ayay ahayd markii ciidamo ka tirsan Dowladda Federaalka ay u soo goosteen dhinaca Maxaakiimta, waxayna Dowladda Federaalka dhankeeda sheegtay in ciidamo ka tirsan Maxaakiimta ay dhankooda u soo goosteen, basle markii la baaray la ogaaday inay ahaayeen ciidamo beeleed ka koobannaa 13 askari

Dallad ay ku mideysan yihiin Toban Dugsi looga dhawaaqay

Waxaa maalintii Khamiista ahayd xarunta HADHSO ee Magaalada Muqdisho looga dhawaaqay Dallad ay ku mideysan yihiin toban dugsi oo ah noocaha waxbarashada aan tooska aheyn, waxaana lagu magacaabaa NESON.

Xafladdii lagu dhisayey dalladdaasi ayaa waxaa ka qaybgalay maamulada Dugsiyadaasi, Waalidiinta iyo Ardayda wax ka barata, waxaana la sheegay in sababaha loo dhisay dalladdani ay tahay sidii iska warqab uga yeelan lahaayeen dhinaca Waxbarashada.

Guddoomiyaha Dalladda ayaa waxaa loo doortay Max’ed Cusmaan (New York), waxa uuna sheegay in dalladaani ay ka shaqeyn doonto sidii kor loogu qaadi lahaa waxbarashada Soomaaliyeed, maadaama dugsiyada noocaan ahi ay yihiin kuwa ay ka soo dhismaan waxbarashada aasaasiga ah, waxaa kaloo ka hadlay xoghayaha dalladda Max’ed Nuur Cali oo isna sheegay in dalladdaani ka tarjumeyso sidii ay u xoojin lahaayeen waxbarashada Carruurta Soomaaliyeed, waxa uuna u mahadceliyey intii ka soo shaqeysay Dalladaasi.

W/D Amiin Yuusuf Khasaaro
E-Mail amiinkhasaaro@hotmail.com

Faafin: SomaliTalk.com | Dec 16, 2006

---

8 Askari oo ka fakatay Itoobiya oo Gaarey Eritrea

Askarta ka fakatay Itoobiya

Sida ay faafisay wasaaradda warfaafinta ee Eritrea, siddeed (8) askari oo ka fakaday ciidanka Itoobiya ayaa gaarey dalka Eritrea, askartaas oo sababta ay u soo fakadeen ay tahay iyagoo ka soo horjeeda weerarka xukuumada Tigreega (TPLF) ay ku tahay Soomaaliya. Mid kamid ah askarta oo magaciisa la yiraahdo Alelign Simeneh ayaa shaaca ka qaaday in ciidamada in ciidamo ka tirsan Itoobiya oo galeen gudaha Soomaaliya iyagoo ku xad gudbaya xornimada dalka Soomaaliya, waxana uu intaas ku daray in xukuumada Itoobiya ay xabsiga u taxaabtay saraakiil, askar, iyo shaqaale caafimaad  kaddib markii laba sarkaal ay ka fakadeen Itoobiya.

Siddeeda askarta ah magacyadoodu waa: Kamel Kemalo Sheik, Hassan Mohammed Ibrahim, Wegari Gidina Mokjera, Abyot Sheferaw Hunde, Teyib Haji Temam Suleiman, oo ah qabiilka Oromo, iyo  Alelign Simeneh Gezu & Adane Mekuanint Ayichew, oo ah Amxaara ah iyo Abdi Saleh Mohammed oo ah Tigrayan.

Isha: Wasaarada Warfaafinta Eritrea.

---

Kulankii Engineerada Soomaaliyeed
Kulan ay isugu yimaadeen qaar ka mid ah Engeneeerada Soomaaliyeed ee Dalka ku sugan ayaa..  Akhri... Dec 15

Fatahaadda Webiga ee Degmada Afgooye Yaa U maqan?

Soomaaliya: Halista HIV/AIDS iyo Xudduudaha Laga Tallaabo
Warbixin: Berbera oo noqotay meesha ugu AIDS-ka badan Dhulka Soomaaliyeed... Akhri...
 

---

Prof. Ken Menkhaus: U.S. policy-makers should avoid an over-reliance on information from the Ethiopian government, since it has a vested interest in exaggerating al Ittihad activities in order to receive assistance in combating the group. They should also mistrust rumors from Somalis. Excessive reliance on local groups willing to fight al Ittihad must be avoided, because most of these groups are probably more interested in continuously receiving U.S. resources than actually eliminating terrorist threats. ... More... [November 27, 2001] "Waa in aynaan kuxiraan in aan akhbaarta keliya ka qaadano Itoobiya kuwaas oo inkasta oo ay saaxiibadeen yihiin haddana waxay wataan qorshe iyaga u gaara oo aan caddayn, waxayna kabadbadiyaan khatarta." sidaas waxa yiri Ken Menkhaus, oo professor sare ka ah Davidson College, USA, kaas oo ku takhasusay Soomaaliya iyo dhaqdhaqaaq yadeeda Islaamiga ah, islamarkaana  lataliye xagga siyaasadda uga ahaa hawlgalkii Qaramada midoobey ee Soomaaliya, marka uu hadalkaas yiri waxay ahayd talaado November 27, 2001 asagoo ka hadlayey kulanka Carnegie Endowment for International Peace symposium (Washington, D.C.) oo looga hadlay Afrika, Islaamka iyo argagixisada "Africa, Islam, and Terrorism". www.ceip.org/files/events/AfricaTerror-summary.asp Xaggee ku dambaysay eedeyntii ahayd in Shimbiraale ay deggan yihiin urur argagixiso? Weriyayaal isugu Jira Ajnabi iyo kuwo ka yimid Muqdisho oo Booqday Boosaaso iyo Shimbiraale. Kuma arag wax urur argagixiso oo xarun ku leh Shimbiraale.. Xataa kuma arag raad shimbireed.... Waxaa caddaatay in wax argagixiso la yiraahdo aysan joogin Shimbiraale, taas oo burisey hadalkii Cabdullaahi Yuusuf ee ahaa in goobtaas joogaan urur Argagixso ah... Cabdullaahi Yuusuf iyo Maxamed Xaji (Ingiriis) Maxamed Xaji & weriye Simon Scott | Shimbiraale, Bariga Boosaaso Shimbiraale (oo ah meel lagu tilmaami jiray inay argagixisadu joogto) Bishii December ee sannadkii 2001 ayaan cagta soo mariyey gobollada Puntland. Ugu horreyntii, Col. Jaamac Cali Jaamac ayaan ku waraystay magaalada Boosaaso. Col. C/llaahi Yuusuf, waxaan isaga kula kulmay hotel Meereysane oo ku yaalla magaalada Garoowe, halkaas oo uu deggenaa intii uu ku sugnaa gobolka Nugaal. Waqti duhur ah oo qorraxdu kulushahay ayaan u tagay, iyadoo ay ahayd maalin Ramadaan ah. Intaanan soo gaarin Garoowe, waxaan soo booqday meesha la yiraahdo Shimbiraale oo 30km dhinaca bari ka xigta Boosaaso xeebta badda cas. Waa meel lagu tilmaami jiray inay ahayd xarun argagixiso, hase ahaatee waxay ahayd meel dalxiiska ku wanaagsan oo aan strategically ku fiican in ciidamo ay degaan. Labada nin ayaa is weydaarsanayey cambaareyn siyaasadeed, iyadoo midba midka kale ku eedeynayey inuu argagixisada siiyo gacan iyo gabbaad. Waxay eedeyntaasi ka dhignayd dagaalkii Caydiid iyo Cali Mahdi oo soo gaara waqtigan, labada nin-na waxa ay hadda kala taagan yihiin meeshii ay kala taagnaan jireen Cali iyo Caydiid 1991-92. Iyadoo maanta la xusayo sannadguuradii 1-aad ee ka soo wareegatay September 11 oo ahayd markii Al-Qaacida ay weerar ku qaaday magaalooyinka New York iyo Washington oo ay qarxisay daarihii mataanaha ahaa (twin towers) iyo xarunta Pentagon, xaggee ku dambaysay eedeyntii ahayd in Shimbiraale ay deggan yihiin urur argagixiso? Maxamed Xaaji (Ingiriis) Muqdisho, Soomaaliya E-mail: Ingiriis@yahoo.com   Waxaa dunidu ogaatey in iska dhaaf in bini aadam uu xeryo ciidan ka samaystay'e in xataa laga waayey raad shimbireed..... SOMALITALK | Sept 12, 2002 2001-2003: Warbaahinta Adduunka oo Lagu Casumey inay Booqdaan Soomaaliya Madaxweynihii hore dawladii kumeel gaarka ahayd, Cabdiqaasim Salaad Xasan, waxa uu si weyn dunida ugu soo bandhigay in gudaha Soomaaliya aysan ka jirin wax loogu yeero "Argagixiso". Booqashadii C/Qaasim ee Liibiya | Shabakada Dalka Bishii Octobar 19keedii sannadkii 2003 mar uu C/Qaasim booqday Liibiya oo wax laga waydiiyay argagixisada hadda ka hor lagu tilmaamay meelo ka mid ah Soomaaliya madaxwayne Cabdiqaasim waxa uu sheegay in intii ka dambaysay 1995 tii markii UN-ka iyo Maraykanka ay kasoo baxeen Soomaaliya wararkii laga bixinaayay dalka ay ahaayeen kuwa ay gudbiyaan Itoobiya Iyo niman gacan saar la leh oo ay ku sheegayaan inay saldhigyo argagixisadu ku leeyihiin Shimbiraale, Gedo, Xamar iyo Raaskambooni hase yeeshee DKMG ah markii ay dalka ku casuuntay warbaahinta reer galbeedka iyo wafuud Maraykan ah ay caddeeyeen in aysan Soomaliya ka jirin wax saldhig ah iyadoo hadda ka hor laba sano ciidammada reer galbeedka iyo marakiibtooda dagaalka ay ilaalo ka hayaan xeebaha Soomaliya ilaa iyo haatanna ayna jirin wax raad ah. Itaxaadka iyo aragtida Siyaasiyiinta Soomaalida. Madaxda Siyaasadda Soomaalida siyaalo kala duwan ayey uga hadleen Itaxaadka, walow siyaasiyiinta Soomaalida aan la kala garan karin wax ay caqiido ahaan u rumeysan yihiin iyo waxa ay ku dangaara isleeyihiin. BAARIS: ITAXAADKA SOOMAALIYA.. GUJI... SIYAASIYIINTA SOOMALIDA: WAX AKHRIN IYO WAX QORIS