Fariin deg deg ah oo ku
socota dhamaan jaaliyadaha
Warsangali ee ku dhaqan
dalka gudihiisa iyo
dibadiisa
Kismaayo: Waxaa fariintan
nasoo gaarsiiyey Dr. Maxamed
Nuur Xassan Axmed (Gacma
Dheere) oo kusugan Magaalada
Kismaayo, Jubada Hoose oo ka
mid ah meelihii Masiibadii
Fatahaada sida weyn u
saameysay, halkaas oo ay ka
soo barakaceen ugu yaraan
1500 (kun iyo shanboqol) oo
qoys kuna abtirsada Beesha
Warsangali. Dr Maxamed ayaa
wuxuu hadalkiisa ku bilaabay
sidatan:
Salaan ka dib walaalayaal
waxaan dhanbaalkaan idinku
soo gudbinaynaa
dhibaatooyinkii saameeyey
fatahaada gobolada
jubooyinka beesha Warsangale.
Dadkii dalagii ay beerteen
ay qodeen biyaha xiligii ay
ku baahi bixi lahaayeen,
dhanka kalena dad badan oo
xoolalay ahaa ayaa
xoolahoodii ku ba,een
abaarahii fatahaada ka
horeeyey.
Sidaa awgeed dadkii waxay
yimaadeen magaalada Kismaayo,
gaar ahaan xaafada calanley,
dadkii waxaan u xaaqnay meel
banaan ah waa ugu yaraan kun iyo
dhowr boqol oo qoys, waxaa
meesha ku soo booqday hayado
badan sida WFP iyo MAXAAKIIMTA
ISLAAMIGA, walow aan waxba wali
loo qaban hase yeeshee balan
qaadyo ayaa jira.
Hadaba anigoo ah DR.MAXAMED NUUR
XASAN AXMED (GACMA DHEERE) ayaan
waxan qaxootiga u sameeyeey afar
jiko oo cuntada lagu kariyo
cuntadaasoo aan ka soo aruuriyo
shacabka beesha Warsangeli,
waxaana garab igu siiyey SULDAAN
XUSEEN BOOROW IYO AXMED BASO
DHAGAX IYO SACIID CASHARO
hadaba waxaan si xurmad leh uga
codsanaynaa jaaliyadaha
warsangele inay soo taakuleeyaan
QAXOOTIGA KAAMKA LUQMAN
Waxaad nalaga soo xiriiri
kartiin tel:0025215581207
Email
soomaali770@hotmail.com
Guddoomiyaha arimaha samafalka
jubooyinka beesha Warsangali
Dr. MAXAMED NUUR XASAN AXMED (GACMA
DHEERE)
Faafin: SomaliTalk.com | Dec 15,
2006