IRAN WAA CADAW ARXAN-DARAN OO SUNIGU
LEYAHAY
Ilaahbaa mahad leh naxariis iyo nabad
galyana nabi muxamed rasuulkii ilaahay ayay guudkii sa ahaatay.
Intaa ka dib.
dunida muslimka waxaa soo waajahday xaalad
aad u xanuun badan, waxaa isu urursaday dunida inteedii kale, dunida
muslimka ahi waxay ka ag noqotay dawladaha reer galbeedka cadaw ay
cadawtinimadiisa iyo colaadintiisaba ka midaysan yihiin dhamaantood.
Dunida muslimka waxaa lagu qaaday dagaalo
kala duwan oo mid walbaaba khatartiisa leeyahay, hadii ay noqon lahayd mid
milatary mid dhaqaale ama mid maskaxeedba.
Inaga oo aan tusaalayaal uga baahnayn
daagaladaa nocaas ah oo ayaa waliba aan odhan karnaa ma jirto maanta dawlad
islaam ah oo aan sadexdaa dagaal midna lagu qaadini, ha ahaado dagaalkaasi
mid dadka u wada muuqda ama mid qarsoone.
Iyadoo xaalada dunida muslimku ay sidaas ku
sugantahay ayaa waxaa soo baxay cadaw khatartiisu ay aad u badantahay, cadaw
dadka muslimka ah ay badankiisu u haystaan saaxiib iyo in uu difaacayo
islaamka, laakiin marka xaqiiqda la eego uu arinku sidaa ka gadisanyahay oo
aynu odhan karnaba waa cadaw ka khatar badan kuwii aynu horey usoo sheegnay,
waayo cadawgii horey wuxuu ahaa mid aan islaam ahayn, wuxuu ahaa mid ay
awoodiisu gaadhay in uu ina soo weraro oo uu hiil iyo hooba la garab istaago
cancer-ka (isarael) ku dhex abuuran dunida muslimka, taasina ay dadka
muslimiinta ah u cadaysay cadaawadooda, laakiin cadawgan aan ka hadli doonaa
wali weerar cad inaguma soo qaadin inkasta oo uu dhibaatooyin badan magac
kale isagoo huwan gaystay, ta kasii darani waxaa weeye hadalo siyaasi ah
sida "israel waa in dunida laga tirtiraa" iwm, taas oo muslimiintii aan ka
war qabin taariikhda dawlada iran ay ku dagmaan hadaladaas.
sababta maqaalkan igu kaliftay inaan qorana
waa anoo arkay in dadka badankiisii ku dagmeen hadaladaas, una haystaan
dawlada iran quwad islaami ah oo soo baxday laguna diirsan doono hadii ay u
suuro gasho inay hesho awooda nuclear-ka ee ay ku taamayso.
Dadkaasi dhowr siyaalood oo kala duwanba ha
u kala taageeraane, hadaba maxaa dhaliyay taageeradaas.
1- BUUN-BUUNINTA WARBAAHINTA.
Muslimiintu khaasatan sunigu maanta wuxu
aad caydh uga yahay ama aanuu lahaynba warbaahin u waranta ugana waranta
xaqiiqada ka jirta dunida, xaga umahada kale ay leeyihiin warbaahino badan
oo uga waranta xaalkooda iyo hadba wixii qadiyadooda quseeya.
Waxaad arinkaa aad u dareemaysaa waayadan
dambe ama dagaalkii lubnaan sida ay warbaahintu uga qaybqaadatay
buunbuuninta ururka shiiciga ah ee xisbulaahi iyodoo ay taas u dheertahay in
ay aad u buunbuunisay Tvga aljazeera oo dadka suniga ah agtiisa ku leh
sumcad iyo aaminaad dheeraad ah laakiin aan is bedelka ku dhacay ogayn, iyo
cida hada gacanta ku haysaba, mana doonayo inaan hada mawduuca is bedelka
aljazeera ku yimid halkan kusoo ban dhigno intii ka dambaysay markii wadaax
al khanfar oo shiici ah looga dhigay tvga maamule.
Arintaasi waxay sunigii dhaxal siisay in
qasab lagaga dhigo in uu hiil iyo hooba la garab istaago xisbulaahi lagana
dhigo in uu matalo jabhad islamka u joogta koonfurta lubnan oo dufaacaysa
dalka, iyadoo aan la sheegin in uu ururkaasi fulinayo yoolal iyo u jeedooyin
ay leedahay dawlada iran intay doonaanba ha lekaadaane, taasina ay keento in
lagu kala jabo taageerada ururkaas iyo taageero la'aantiisa haba la kala
badnaadee, waxay gaadhay in culimadii waaweyneyd ee diiday in taageero loo
fidiyo aad loo af lagaadeeyo oo raga qaar ay culimadaa ku tilmaamaan in
aanay siyaasada waxba ka aqoon, qaarkalena ay ku eedeeyeen in af afkii
dawlada sucuudiga ku hadlayaan, laakiin waxaa laga yaabaa in qofka sidaas
lihi aanuu waxba ka garanayyn taariikhdaa ay lasoo mareen dawlada sucuudiga
khaas ahaan waagii uu socday dagaalkii khaliijku, waxay ahaayeen culimadani
qaar aad u diidanaa in maraykan uu soo caga dhigto dhulka barakaysan ee
Saudi Arabia taas oo sababatay in ay dawladii Saudi Arabia badhkood
xidhxidho qaarna ay ka qaado xilal ay ka hayeen hay'ada culimada waaweyn.
Diidida ay diideen culimadaasi in loo
nusreeyo xisbulaahi ma ahayn mid ururkan oo kaliya ku kooban laakiin waxay
diideen in loo gurmado cidkasta oo raafido ah, ha ahaato iran ama ha ahaato
maleeshiyooyinka ciraq ee shiicada ah, waayo waxay culimadaasi ogyihiin
ogaayeena dhibaatada ay shiicadu ku hayso meel kasta oo ay joogto iyo magic
kasta oo ay leedahay umada suniga ah, suaalo badan oo macquul ahna way soo
bandhigeen oo ay ka mid ahaayeen:-
Maxaad iigu qasbaysaa in aan xisbulaahi
maalkayga siiyo, hadii aan walaalahayga suniga ah ee ciraaq lagu gumaadayo
siiyona aad ii leedahay argagixiso weeye?
Maxay tahay sababta loogu gurmanayo xisbulaahi ee aan loogu gurmanayn
walaalaha reer ciraaq?
Maxaa isdufaacida ciraaq loo leeyahay waa argagixiso halka xisbulaahi loo
leyahay waa muqaawamo xaqa?
Waa su'aalo macquula oo ay culimadu soo bandhigeen ilaa iyo hadana aan
jawaab loo hayn.
Dawlada Saudi Arabia sababta ay u diiday in
ay u kaalmayso xisbulaahina waxay ahayd sabab siyaasi ah, oo aan diin ku
salaysnayn waaxaanay ku koobanayd xisbulaahi, iyo iran ee kuma jirin shiico
kale, farqi waynbaana u dhexeeya laba ujeedo ee ay labada dhinac ka kala
lahaayeen diidmadooda waa sucuudiga iyo culamada'ee.
2- DACIIFNIMADA DAWLAHADA CARABTA.
Maanta dawladaha carabta ah khaas ahaan
xukuumadaha maamulka hayaa ma awoodaan in hadii lasoo weeraro ay is dufaaci
karaan iska daa inay wadan kale oo lasoo weeraray u gurmadaane taasina
asbaab badan ayaa dhalisay oo aynaan hada halkan kusoo koobi karin
sababahaas oo ay kow ka tahay in ay diintii dhan iska dhigeen.
Shacabkii muslimiintu waxay arkeen
israeltii loo buubuuniyay ee lalahaa ciidankeeda lama jabiyo dhulkeedana
saaruukh kuma dhaco oo uu u babac dhigay urur yar oo ay caawinayso iran oo
runtii iyadu ujeedooyin badan ka lahayd dagaalka, balse shacabkii dusha ka
daawanaayay ee muslimka ahaa ay si indha la'aan ah u taageereen.
Waa dhab oo waanu ku farxaynaa in yuhuud
loo gaysto jab oo ay hoog iyo guul daro raacdo laakiin in la igu qasbo in
aan nabarkaa loo gaystay yuhuud aawadii, aan ku taageero shiico oo aan
ilaawo dhibaatada ay ku hayaan suniga reer ciraaq waa mid aanuu caqliga
wanaagsani aqbalahayn, maanta xisbulaahi dhaawaca uu gaadhsiiyo yuhuud wuxuu
iila mid yahay kii uu adolf hitler u gaystay yuhuud, waliba hitler suniga
uma gaysan dhaawaca ay shiico u gaysatay.
2- ILOWGA TAARIIKHDA.
Waxaynu odhan karnaa ma jirto meel ay gaalo
iyo islaam isku dagaaleen oo ay shiicadu islaamka u gargaartay, waliba
waxaan odhan karnaa ma jirto meel ay gaalo iyo islaam isku dagaaleen oo ay
shiico joogto ilaa shiico waxay la jirtay gaalada,dib u raac taariikhda
kasoo bilow Ibnul calqami ilaa najaad.
waxaynu ognahay waagii uu khumayni waday kacdoonka kadibna uu ku guulaystay
uu iran la wareego, in caalamka islaamka iyo ka carabtaba looga sacabo tumay
ilaa uu lasoo baxay wixii lagu yiqiinay awoowyadii oo uu gumaaday sunigii
reer iran, oo ay xataa gaadhay seeftiisu iraniyiinti suniga ahaa ee dibadaha
dalka ugaga maqnaa.
maxaa dad ku soo lug go'ay
maxaa ku hungoobey duul
diihaal kula soo dhex dhacay
maxay duluc guud martaa
maxay dersi yeedhisaa
maxay nin u deexataa
Iadnaan ugu duur xushaa
hadhow xagal daacisaa
Markaliya ayuu sacabkii sunigu u
garaacaayay iran isu badalay baroor.
Maxaa maanta uga eeg maalintaas taariikhdunua iyadaa nafteeda soo celisa,
waynu arki dhamaanteen inagoo ka murugoona sacabkaa aynu maanta u tumayno
iran iyo xisbulaahi, sidii horeba u dhacday.
4- HADALADA SIYASIYIINTA REER IRAN.
Madaxda iran ee hada, khaas ahaan
madaxwayne axmadi najaad waxaa lagu yaqaanaa hadalo uu ku dhaliilayo reer
galbeedka gaar ahaan maraykanka, wuxuu in badan ku baaqaa in israel la
tirtiro, arinkaasi shucuubtii muslimka ee ay madaxdoodii dagtay waxay u
noqotay farxad iyo in ay axmadi najaad ka dhigtaan xidig mudan in ay ku
daydaan madaxdoodu.
Laakiin farqi wayn ayaa u dhexeeya wuxuu
qof ku hadlo iyo waxa uu sameeyo ee hadba laga arko.
Axmedi najaad wuxuu had iyo goor ku
celceliyaa cadaawada uu u hayo maraykanka laakiin waa iran dawlada ka
caawisay maraykanka in uu soo galo afqanistan iyo ciraaqba.
Iran waa ta maal galisa jabhadaha shiicada ee suniyiinta ciraaq gumaada.
200 oo kun oo suniya oo ciraaq lagu dilay
miyaanay shiico dilin 100 kun oo kamida halka uu 100 kun ee kale maraykan ka
dilay, sida uu shirkii culimada islamka ee istanbul lagu qabtay ka sheegay
sh. xaaris adaari oo ah gudoomiyaha dalada culimada reer ciraaq.
Iran waxay samaysay balanqaadyo ah in ay siinayso dawlada falastiin ee ay
hogaaminayso xamaas lacag dhan 50 kun oo milyan, waxaana la ogayahay in
aanay wali lacagtaasi gaadhin xamaas, meeday lacagtii? mise waxay ahayd
hadalo lagu carablaalaadinayo dadyawga carbeed ee ay iran dhulkooda
dhulbalaadhsiga ku wado, iyadoo donaysa inay soo celiso boqortooyadii
faarisiyiinta.
Asbaabahaa iyo qaar badan oo kale ayaa
kenay in ay badato taageerada shucuubta muslimka ahi ay u hayaan dawlada
iran ee runtii cadawga u ah suniga.
Xaqiiqada iran waa taas, dadbadan waxay
odhan doonaan oo ay horeba u yidhaahdeen ma waxaa la diidanyahay in israel
lala dagaalamo oo islaamku quwad nuclear ah yeesho waxaanse leenahay:-
Marnaba haku fikirin in ay yuhuud iyo reer
galbeed ka guulaysato oo ay baabiiso cid aan suni ahayni, arinkaasina waa
waxyi samaawi ah, waana balanqaad ilaah, hadii uu sunigu daciifana oo uu
seexdana macneheedu maaha shiico haloo wareego ee waa in aan dib usoo
toosinaa awoodii suniga, waayo islaamka cisi iyo sharafba waxaa u yeelay
suni isaga uunbaana usoo celin kara.
islaamkuna maanta wax uu uga baahi
badanyahay baa jirta hub casri ah waana in uu ku noqdo diintiisii, taas
macneheeduna maaha in la iska daayo hubka laakiin hub aad bilaa caqiido iyo
bilaa diin ku haysato ka pakistan ayaa tusaale kuugu filan, hub yar oo ay
caqiido kuu raacdana ka quwada maraykanka lala hortaaganyahay ayaa tusaale
kuugu filan caaqilkuna ishaaraduu wax ku fahmaa.
Ugu dambayntii waxaan odhan lahaa hadii
yuhuud wax loo gaysto ama maraykan ereyo inaga farxiya lagu yidhaahdaa ka
dhalan mayso in aan taageerno oo aan is garabtaagno cidaas, yaynaan marwalba
noqonin garoon la isku dulhaysto iyadoo waxa la isku haystaana ay tahay
inaga iyo dhaqaalehena waa in aan noqonaa cid isdufaacaysa ee aynaan kala
raacin cida isku keen haysata.
Hadii aan dhibaatooyinka ay iran u leedahay
suniga sheegnana ka dhalan mayso in aan yuhuud iyo reer galbeed
taageersanahay ama aan ka aamusayno waxa ay yuhuudi dhibaatooyin gaysanayso,
laakiin waa laba cadaw oo uu sunigu leeyahay dhibkii gaadhana waan ku
farxaynaa iyadoo aan aad uga murugoonayno waxa dhibaato soo gaadhaya
shucuubta muslimka ah ee ay labadaasi isku dhex laynayaan.
Waa in aan eegnaa cidaa aan taageeraynaa
waxa ay tahay iyo waxa ay inaga inaga aaminsantahay, hadii cid lagu raacayo
hadalo maraykan lagu yidhaahdana waxaa inooga mudan in aan ku raacno suniga
maalin iyo habeenba leh hadalada dhabta ah ee ka tarjumaya waaqica umada
suniga, laakiin suuro gal maaha in argagixiso la iiga dhigo sunigii ii
dhawaa ee xaqayga u dagaalamaayay, saaxiib dhawna la iigo dhigo kii igu
biraynaayay meelwalba walow cadawkale oo aan leeyahayna ha la dagaalamee.
Khalid sheikh osman
Khaalid300@hotmail.com
Hargeysa
Afeef: Aragtida qoraalkan waxaa leh qoraaga ku saxiixan
Aug 30, 2006 1:37 AM