Daabaco Boggan | Print

Wasiirka Maaliyadda Puntland: Shirkadda Macdanta/Shidaalka Baareysaa waxay Puntland ka hawl Geli doontaa Bisha October ee sannadkan 2005, Hawshaas oo socon doonta 10 sano...

• "Sannadka hore waxay shirkadu Puntland soo gelin doontaa lacag dhan $25 million, sannadka xigana waxay lacagtaas gaarsiin doontaa $50 million....."

Hadalkii Wasiirka Maaliyada DGPL oo Qoraal iyo Cod ah ka eeg Halkan... GUJI...

Wasiirka Maaliyadda DGPL Maxamed Cali Yuusuf (Dr. Gaagaab): Waxaan baaritaan ku samaynay Axdiyada DFKMG iyo Kan Puntland, waxaana wax qiil ah u weyney in DFKMG ay faragashan karto heshiisyada Maamul Goboleedka Puntland.

SomaliTalk.com | Sept 10, 2005: Wasiirka Maaliyada DGPL Maxamed Cali Yuusuf (Dr. Gaagaab) oo maanta magaalada Boosaaso kula hadlay Isimada, waxgaradka iyo saxaafada ayaa sheegay in heshiiska lala galay shirkada lagu magacaabay "Consort" in uu socon doono muddo toban sano ah oo ay shirkadaas kula galeen in ay baarto macdanta iyo shiidaalka, taas oo uu raaciyey in marka hore ay shirkadu baari doonto macdanaha ay ka mid yihii Tiinka, Dhuxul Dhagaxda, Birta iwm, laakiin shiidaalka iyo gaaska dabiiciga ah ay noqon doonaan waxyaabaha ugu dambeeya ee la baari doono. Waxana uu intaas raaciyey in afarta sano ee ugu horeeya ay shirkadu baaritan uun samayn doonto.

Wasiirka oo hadalkiisa siiwata waxa uu qiray in uu jiro heshiis hoosaad (Heshiis aan saxiixa ku jirin laakiin si hoose loola galay "Xeer reer magaal"), kaas oo ah in shirkadaasi ay Maamul Goboleedka Puntland ka kaabi doonto miisaaniyada ayna shirkadu dalka soo gelin doonto sanadka hore lacag dhan $25 million oo doolar, sanadka soo socdana ay lacagtaas ka dhigi doonto $50 million. Waxan uu intaas ku daray in aysan "shirkadda" hadda wax lacag ah ka soo qaadan, isagoo intaas raaciyey in ay jiraan warar dayaacad ah oo sheegaya in ay lacago soo qaateen.

Dr. Gaagaab waxa kale oo uu qiray in markii hore ay shirkadaan la kulmeen Madaxweynaha DGPL Maxamuud Muuse Xirsi (Gen. Cadde Muuse) iyo Wasiirka Qorshaynta & Xiriirka Caalamiga ee DGPL Cabdiraxmaan Maxamed Maxamuud "Dr. Faroole" laakiin ay arrintaas waxba ku dhamaan waayeen. Waxana uu intaas raaciyey in ay jireen dad dano gaar ah ka lahaa heshiiska shirkadaas lala gelayey, balse ay arintaas mar danbe ogaadeen.

Wasiirka maaliyaddu waxa uu goob joog ka ahaa heshiiska dhex maray DGPL iyo shirkada magaceeda lagu sheegay "Consort Private Limited" ee Terry Donnelly oo Hoteel kuyaal Dubai lagu saxiixday Agoosto 31, 2005. Wasiirka oo Dubai kasoo laabtay (Sept 9) waxaa safarkiisa ku weheliyey rag wakiil u ah Terry oo uu kamid yahay ninka lagu magcabo Anthony Black oo reer Australia ah, ninkaas oo booqasho lagu geeyey Dekedda iyo garoonka diyaaradaha ee Boosaaso.

Dr. Gaagaab oo ka hadlaayey arrinta la xiriirta fikirka DFKMG ee ku aadan heshiiskan waxa uu sheegay in ay baaritaan ku sameeyeen Axdiyada DFKMG iyo Kan Puntland ayna wax qiil ah u waayeen in DFKMG ay faragashan karto heshiisyada Maamul Goboleedka Puntland. (Waxaa xusid mudan in Madaxweynaha Dawlada Soomaaliya, C/laahi Yuusuf Axmed, uu Sept 9, 2005 sheegay in 'khayradka dabiiciga ah ee dalku leeyahay ay mas'uuliyadeeda leedahay dawlada dhexe.'. Waxaana taas ka horeeyey in August 28keedii 2005 uu ra'iisul wasaaraha dawlada Soomaaliya, Cali Maxamed Geedi, uu sheegay in haba yaraatee aysan suurta gal ahayn in la galo heshiis macdanta/shidaalka ah ilaa Dawlada Dhexe ay soo diyaariso sharci ku saabsan maaraynta Khayraadka dabiiciga ah.)

Madaxweynaha Soomaaliya: "Khayraadka Dabiiciga ah ee dalku leeyahay Mas'uuliyadeeda waxaa iska leh Dawlada Dhexe."... GUJI...

Dhanka kale Wasiirka Maaliyada DGPL Maxamed Cali Yuusuf (Dr. Gaagaab) maanta wax cadayn ah kama bixin miisaaniyada "shirkadan", meesha ay ka diiwaan gashan tahay, shatigeeda Australia ay ku leedahay, caymiskeeda, iyo taariikhda shirkada. Goobtana kuma qaybin wax nuqullo ah oo dawladu saxiixday si loo arko waxa ku qoran heshiiska sida uu sheegay mudada dheer ka jiri doona Puntland. Sidoo kale ma uusan cadayn in arrintan la hor geyn doono baarlamaanka si ay uu u ansixiyaan. Keliya waxa uu qiray in madaxweynaha DGPL Maxamuud Muuse Xirsi (Gen. Cadde Muuse) uu Puntand kusoo laaban doono maalinta Isniinta, laakiin ma uu sheegin in uu madaxweynuhu arimahaas cadayn doono ama faahfaahin ka bixin doono marka uu yimaado Boosaaso.

• Hadalkii Wasiirka oo Qoraal iyo Cod ah ka eeg Halkan... GUJI...

Xagga Saxaafada maanta haba yaraatee looma ogolaan in ay wax su'aalo ah weydiiyaan wasiirka. Keliya waxa uu u muuqdey in uu rabey in warka loo dhigo sida uu isagu rabey, sidii xukunkii keligii taliyaha ahaa ee Siyaad Barre ee saxaafadu keligiis u xirnaan jirtay. Laakiin sida muuqata saxaafada maxalliga ah ee Puntland arrintaas maanta kama aamusin, waxyaabihii ay ka qoreena hoos ka akhri.

• Idaacada SBC: Wasiirka maaliyadda Puntland oo faah-faahin ka bixiyey heshiiska dawladda & shirkadda Concort
• Idaacda Garoowe: Gagaab:"dad ayaa dano gaar ah ka lahaa heshiiskaan"
• Radio Midnimo: Wasiirka Maaliyada Puntland Ayaa Maanta Ku Dhawaaqay In La Soo Dhoweeyo Shirkadda Cocer Oo Dhowaan Puntland Imaan Doonta
• Wargeyska Horseed net: Wasiirka maaliyada Puntland oo ka warbixiyey heshiiskii ay la soo galeen hay'ada CoCort

Idaacada SBC:::

Wasiirka maaliyadda Puntland oo faah-faahin ka bixiyey heshiiska dawladda & shirkadda Concort

Boosaaso - 10.September.2005: Wasiirka Maaliyadda Puntland, Maxamed Cali Yuusuf Gaagaab oo goob joog ka ahaa heshiiskii ay kala saxiixdeen dawlad goboleedka Puntland iyo shirkad laga leeyahay waddanka Austalia oo lagu magacaabo Concort.

Kulanka uu wasiirku ku faah-faahiyey heshiiskas oo maanta ka dhacay xarunta maamulka gobolka Bari ee magaalada Boosaaso ayuu warbixin dheer kaga bixiyey wasiirka maaliyadda Puntland, Maxamed Cali Yuusuf (Gaagaab), heshiiskii dhex maray dawlad goboleedka Puntland shirkadaas.

Wasiirka maaliyadda oo isagu goob joog ka ahaa heshiiskan ayaa sheegay in uu heshiiskani socon doono muddo toban sano ah, macdanaha laga baarayo Puntland-na ay yihiin saliidda, dhuxul dhagaxda iyo tiin-ka, iyadoo saldhigga weyn ee shirkaddani uu noqon doono magaalada Boosaaso, iyadoo baaritaanka laga samyn doono inta badan gobollada Puntland.

Dhanka kale, waxaa uu sheegay in dawladda federaalka iyo maamulka Puntland uu u socdow wada hadal wanaagsan, arrinta heshiiskana ay tahay mid socon doonta oo lama taabtaan ah.

Maxamuud Faarax Bile

Idaacda Garoowe:::

Gagaab:"dad ayaa dano gaar ah ka lahaa heshiiskaan"

Sept 10, 2005

Sidaa waxaa yiri wasiirka Maaliyada DGPL Maxamed Cali Yuusuf “Gaagaab” mar uu maanta xarunta Gobolka Bari ugu waramay Isimada,warbaahinta iyo waxgaradka reer Puntland ee ku sugan magaalada Bosaso...

Wasiirka Maliyada ayaa warbixin dheer ka jeediyey arrimo la xiriira shirkad lagu sheegay in maamulka Puntland uu la sixiixday heshiis isugu jira baaritaan iyo soo-saarid khayraadka (Macdan & Shidaal) gudaha ee Puntland.

Shirkadaan ayaa la sheegay in ragga garwadeenka ka u ah ay yihiin Australian balse ka diwaan gashan tahay Jasiiradha Maldives-ka ee ku yaala Badwaynta Hindiya.

Kulankaan ayaa Mud.Gagaab waxa uu dusha cambaarayn uga tuuray wasiirka Qorshaynta iyo Xiriirka Caalamiga ee DGPL Md.C/raxman Maxamad Farole diidmadiisa uu diiday in uu heshiiskaan (Contract Agreement) wax ka ogolaado,isagoo tilmamay in ay jiraan shaqsiyad dano gaar ah ka lahaa heshiiskan, isaga oo hadalkaas ula jeeday Mud.Gaagaab wasiirka Qorshaynta iyo xiriirka Caalimiga ah ee DGPL Mud.Faroole.

Kulankaan ayaa ujeedadiisu ahayd sidii wasiirka Maaliyada ugu heli lahaa tageero heshiis la sheegay in DG Punland kula gashay magalada Dubai shirkad la yiraahdo Consort Private Limited kol hadii Dowlad goboleedka Puntland ay ku kala qaybsantay Md. Gaagaab wuxuu kaloo sheegay in shirkadu waxyaabaha ay baari doonto ay ugu horeeyaan Dhuxul Dhagaxda, Birta, Tin-ka iwm, wuxuu kaloo intaas raaciyey in shidalka iyo gaaska ay noqon doonaan waxyaabaha ugu danbeeya ee la baari doono, wuxuuna tilmaamay bisha Oktoobar in shirkaddu si rasmi ah hawlaheeda u bilaabi doonto.

Wasiirku wuxuu kaloo intaa ku daray in xiligan aysan shirkada wax lacag ah aysan ka soo qaadan, balse ay jiraan warar dacayad ah oo sheegaya in ay lacago soo qaateen,waa siduu hadalka u yiriye, waxa keliya ee uu sheegay in shirkaddu ay ka bixisay hoteeladii ay degenaayeen.

Ugu dambayntii ma jirin wax fursad ah uu wasiirku siiyay in su’aalo la xiriira shirkaddan heshiiska la gashay DGPL ay waydiiyaan warbaahinta iyo akhyaartii kale ee meesha isugu timid.

Radio Midnimo:::

Wasiirka Maaliyada Puntland Ayaa Maanta Ku Dhawaaqay In La Soo Dhoweeyo Shirkadda Cocer Oo Dhowaan Puntland Imaan Doonta

Sept 10, 2005

Wasiirka Maaliyada DGPL Maxamed Cali Yuusuf “Gaagaab” ayaa maanta xarunta Gobolka Bari ugu waramay Isimada iyo waxgaraka reer Puntland ee ku sugan magaalada Boosaaso, wuxuuna warbixin dheer ka jeediyey arrimo la xiriira shirkad la sheegay in dhowaan Maamulka Puntland uu la sixiixday heshiis macdan looga baarayo gudaha Puntland

Md. Gaagaab wuxuu sheegay in mudo Afar ilaa Shan bilood ka hor ah ay Puntland ka shaqeyneysay in la ogaado waxa dhulka hoostiisa ku jira, wuxuu kaloo intaas ku daray in haddii wax laga helo dhulka hoostiisa baahida looga bixi doono.

Wasiirku wuxuu kaloo caddeeyey in Madaxweynaha Puntland Gen. Cadde Muuse iyo Wasiirka Qorsheynta iyo Xiriirka Caalamiga ah, C/raxmaan Maxamed Faroole ay horay shirkadan ugula kulmeen magaalada Nayroobi ee dalka Kenya, balse halkaas wax ku soo dhamaan waayeen.

Gaagaab oo ka hadlayey khilaafka Maamulka Puntland iyo Dowladda Soomaaliyeed ee Federaalka ah u dhexeeya ayaa sheegay in qiil walba ay u raadiyeen, ayna baaritaan ku sameeyeen Axdiga Qaranka iyo Kan Puntland qiilna ay u waayeen Dowladda Federaalka in ay ku faragelin karto hawlaha Maamulka Puntland gudihiisa ka wado.

Wuxuu kaloo Md. Gaagaab xusay in wakhtigan aysan dowladda Federaalku wadanka wax awood ah ku laheyn ayna ku mashquulsan tahay degitaankeeda iyo hawlaheeda, wuxuuna carabka ku dhiftay in aysan jirin dastuur gaar ah oo loo sameeyey Federaalka.

Wasiirka oo ka warbixinayey heshiiskii ay shirkada Concort a soo galeen ayaa sheegay in mudo Tobban sanadood ah ay heshiis kula galeen shirkadaas in ay wadanka baaritaan iyo soo saaris macdaneed ay ka sameyso.

Wuxuu kaloo sheegay in Afarta sano ee ugu horeeya heshiiskan ay shirkaddu baaritaan kaliya sameyn doonto, wuxuu kaloo sheegay in shirkadu Maamulka Puntland ka kabi doonto dhinaca miisaaniyada iyadoo uu sheegay in bil walba ay bixin doonto 200 oo Kun oo Doolar, oo ka bilaaban doonta bisha Oktoobar ee fooda nagu soo haya.

Wuxuu kaloo intaas ku daray in sanadka hore ay 25 Milyan oo Doolar in shirkaddu wadanka soo geliso, sanadka soo socdana ay 50 Milyan ka dhigto, balse dhaqaalahan faraha badan ayuu Wasiirku sheegay in aysan heshiiska ku jirin ee uu ahaa heshiis hoosaad “Gentalman Agreement “

Md. Gaagaab wuxuu kaloo sheegay in shirkadu waxyaabaha ay baari doonto ay ugu horeeyaan Dhuxul Dhagaxda, Birta, Tin-ka iwm, wuxuu kaloo intaas raaciyey in shidaalka iyo gaaska ay noqon doonaan waxyaabaha ugu danbeeya ee la baari doono, wuxuuna tilmaamay bisha Oktoobar in shirkaddu si rasmi ah hawlaheeda u bilaabi doonto.

Wasiirku wuxuu sheegay in xiligan aysan shirkadda wax lacag ah aysan ka soo qaadan, balse ay jiraan warar dayaacad ah oo sheegaya in ay lacago soo qaateen, waa siduu hadalka u yiriye, waxa keliya ee uu sheegay in shirkaddu ay ka bixisay hoteeladii ay degenaayeen.

Md. Gaagaab wuxuu carabka ku dhiftay in Wasiirka Qorsheynta iyo Xiriirka Caalamiga ah C/raxmaan Faroole oo hawshan qayb ka ahaa in uu kaga soo tegay wadanka Imaaraadka Carabta isla markaasna uusan wax ka sixiixin heshiiskan.

Wuxuu kaloo Md. Gaagaab sheegay in ay jireen dad dano gaar ah ka lahaa heshiiskan, taasoo uu tilmaamay in ay wakhtiyo danbe ogaadeen.

Wasiirka Maaliyadu wuxuu sheegay in Madaxweynaha Puntland Gen. Cadde Muuse uu maalinimada Isniinta ee fooda inagu soo haysa uu dalka ku soo laaban doono, wuxuuna ka codsaday dadweynihii uu la hadlayey in la soo dhoweeyo shirkadda Concert amaankeedana la ilaaliyo.

Ma jirin fursad suxufiyiinta loogu ogolaaday in ay su’aalo la xiriira shirkaddan ku weydiin karaan Wasiirka.

Wargeyska Horseed net:::

Wasiirka maaliyada Puntland oo ka warbixiyey heshiiskii ay la soo galeen hay'ada CoCort

Sept 10,2005

Bosaso:- Wasiirka maaliyada Puntland oo maanta kaga warbixiyey Guriga Gobolka bari heshiiskii ay la soo galeen hay'ada CoCort

Wasiirka Maaliyada DGPL Maxamed Cali Yuusuf "Gaagaab" ayaa maanta xarunta Gobolka Bari ugu waramay Isimada iyo waxgaraka reer Puntland ee ku sugan magaalada Boosaaso, wuxuuna warbixin dheer ka jeediyey arrimo la xiriira shirkad la sheegay in dhowaan Maamulka Puntland uu la sixiixday heshiis macdan looga baarayo gudaha Puntland

Md. Gaagaab wuxuu sheegay in mudo Afar ilaa Shan bilood ka hor ah ay Puntland ka shaqeyneysay in la ogaado waxa dhulka hoostiisa ku jira, wuxuu kaloo intaas ku daray in haddii wax laga helo dhulka hoostiisa baahida looga bixi doono.

Wasiirku wuxuu kaloo caddeeyey in Madaxweynaha Puntland Gen. Cadde Muuse iyo Wasiirka Qorsheynta iyo Xiriirka Caalamiga ah, C/raxmaan Maxamed Faroole ay horay shirkadan ugula kulmeen magaalada Nayroobi ee dalka Kenya, balse halkaas wax ku soo dhamaan waayeen.

Gaagaab oo ka hadlayey khilaafka Maamulka Puntland iyo Dowladda Soomaaliyeed ee Federaalka ah u dhexeeya ayaa sheegay in qiil walba ay u raadiyeen, ayna baaritaan ku sameeyeen Axdiga Qaranka iyo Kan Puntland qiilna ay u waayeen Dowladda Federaalka in ay ku faragelin karto hawlaha Maamulka Puntland gudihiisa ka wado.

Wuxuu kaloo Md. Gaagaab xusay in wakhtigan aysan dowladda Federaalku wadanka wax awood ah ku laheyn ayna ku mashquulsan tahay degitaankeeda iyo hawlaheeda, wuxuuna carabka ku dhiftay in aysan jirin dastuur gaar ah oo loo sameeyey Federaalka.

Wasiirka oo ka warbixinayey heshiiskii ay shirkada Concort a soo galeen ayaa sheegay in mudo Tobban sanadood ah ay heshiis kula galeen shirkadaas in ay wadanka baaritaan iyo soo saaris macdaneed ay ka sameyso.

Wuxuu kaloo sheegay in Afarta sano ee ugu horeeya heshiiskan ay shirkaddu baaritaan kaliya sameyn doonto, wuxuu kaloo sheegay in shirkadu Maamulka Puntland ka kabi doonto dhinaca miisaaniyada iyadoo uu sheegay in bil walba ay bixin doonto 200 oo Kun oo Doolar, oo ka bilaaban doonta bisha Oktoobar ee fooda nagu soo haya.

Wuxuu kaloo intaas ku daray in sanadka hore ay 25 Milyan oo Doolar in shirkaddu wadanka soo geliso, sanadka soo socdana ay 50 Milyan ka dhigto, balse dhaqaalahan faraha badan ayuu Wasiirku sheegay in aysan heshiiska ku jirin ee uu ahaa heshiis hoosaad "Gentalman Agreement "

Md. Gaagaab wuxuu kaloo sheegay in shirkadu waxyaabaha ay baari doonto ay ugu horeeyaan Dhuxul Dhagaxda, Birta, Tin-ka iwm, wuxuu kaloo intaas raaciyey in shidaalka iyo gaaska ay noqon doonaan waxyaabaha ugu danbeeya ee la baari doono, wuxuuna tilmaamay bisha Oktoobar in shirkaddu si rasmi ah hawlaheeda u bilaabi doonto.

Wasiirku wuxuu sheegay in xiligan aysan shirkadda wax lacag ah aysan ka soo qaadan, balse ay jiraan warar dayaacad ah oo sheegaya in ay lacago soo qaateen, waa siduu hadalka u yiriye.

Md. Gaagaab wuxuu carabka ku dhiftay in Wasiirka Qorsheynta iyo Xiriirka Caalamiga ah C/raxmaan Faroole oo hawshan qayb ka ahaa in uu kaga soo tegay wadanka Imaaraadka Carabta isla markaasna uusan wax ka sixiixin heshiiskan.

Wuxuu kaloo Md. Gaagaab sheegay in ay jireen dad dano gaar ah ka lahaa heshiiskan, taasoo uu tilmaamay in ay wakhtiyo danbe ogaadeen.

Wasiirka Maaliyadu wuxuu sheegay in Madaxweynaha Puntland Gen. Cadde Muuse uu maalinimada Isniinta ee fooda inagu soo haysa uu dalka ku soo laaban doono, wuxuuna ka codsaday dadweynihii uu la hadlayey in la soo dhoweeyo shirkadda Concert amaankeedana la ilaaliyo.

Ma jirin fursad suxufiyiinta loogu ogolaaday in ay su'aalo la xiriira shirkaddan ku weydiin karaan Wasiirka.

Shirkan ayey sidoo kale ka hadleen Guddoomiyaha Gobalka Bari, Md.Yusuf Dhedo iyo Duqa magaalada Bosaaso Md.Khadar Cabdi Xaaji Mire oo dhamaantood soo dhaweeyey heshiiskan iyo arrimaha horumarinta bulshada oo uu maamulka Puntland Wado.

Waxaa asaguna shirkii maanta ku sugnaa Beeldaaje Cali Faarax oo asagu ku hadlay magaca Issimada Puntland, isla markaana sheegay in shacabka iyo cuqaasha Puntland ay taageersan yihiin dadaalka uu wado maamulka Puntland.

Mohamed Ali Hersi (dalmar)

Aragtida dadweynaha waxa lagu soo hagajin karaa:: http://www.somalitalk.com/feedback/

Afeef: SomaliTalk.com mas'uul kama ahan aragtida website-yada kale,keliya waxaan akhristyaasha ugu soo gudbiney inay helaan fikrado kala duwan ee arintaas ku aadan.

Madaxweynaha Soomaaliya: "Khayraadka Dabiiciga ah ee dalku leeyahay Mas'uuliyadeeda waxaa iska leh Dawlada Dhexe."... GUJI...

Faafin: SomaliTalk.com | Sept 10, 2005

BAARID | SEARCH