JOOGSO! DARANDOORI! DIB U JEESO! HOREY U
SOCO!
Weligey layma odhan yaad tahay iyo xagee ka
timid. Waxaaneeytona maxay ahaayeen? Waxaan filaayey in Soomaalinimo ay
Xamar uga soo kaceen. Waxaan rabeyna inaan wax ka duubo. Yaayaa dareen ha
galee xay ahaayeen! Waa hadaladii uu ku guraabaasayey weriyaha SomaliShowTV
Mudane Xaayow markii uu usoo dhowaaday meeshii ay ku shirayeen Garabkii uu
hogaaminayey Gudoomiyaha Baarlamaanka Shariif Xassan. Waxaa markiiba
albaabkii uu ka gelli lahaa isku gudbay niman dhallinyara ah oo u sheegay
inuu iska laabto oo aan looga baahneyn inuu wax ka duubto shirka ka dhacayey
duleedka magaalada Minneapolis. Xaayow ayaa af labadii yeedhay: “ waar
miyaanan ahayn muwaadin Soomaali ah oo doonaya inuu arko Madaxda ka soo
sodcaashay Xamar? Miyaanan la mid ahayn kuwan sii galay meesha? Maxaan kaga
duwanahay?. Wiil albaabka taagnaa ayaa ku yidhi: “Xaayow waa isnaqaanaa ee
cidii aad tahay noo! Cidaasna meesha lagama rabo!. Reer reekanow ba’, Cid
cidanay ba’, Anigaa ka sareeyow ba’..Tolow maxaa isku diray! Waaba Aakhiru
Zamane goormay degayaan oo raaxada wadankooda ku baashaalayaan!
Waxaa shirka dhexdiisa laga soo kiciyey
dhow dhallinya oo kale oo doonayey inay dhegeystaan Sifir iyo Madaxdii uu
hogaaminayey. Iyagoo caga jiid ah ayay waxay usoo laabteen magaalada oo uu
ka socday shir kale oo uu ka hadlayo Gacma Dheere. Xaayoow iyo dhallintii
kale ee la soo buriyey ayaa neeftu ku soo noqotay markay horey u dhaafeen
illin aan layska celineyn oo cid walba u furan. Waxaa halkaa khudbado kala
duwan ka soo jeedinayey Madax uu hogaaminayey Gacma Dheere oo Jowhar ka
yimid. Xaayow ayaa iska bururay kadib markii uu maskaxdiisa iska barbar
dhigay shirkii uu soo duuban kari waayey iyo kan uu meeshuu doono ka dhex
mushaaxayo. Qayluu af labadii furtay oo su’aal weydiiyey Wasiir Gacma Dheere:
“ Jaalle Wasiir waxaan ku hungoobay shir layga soo celiyey albaabka oo aan
geli waayey anigoo doonayey inaan la kulmo mas’uuliyiin ka socda Dowlada
Federalka oo wax ka soo duubo”. Soomaalidii meesha isugu timid ayaa
xamaasadi qaaday oo Xaayoow alalaas, soomaaliyey toosoo iyo sacab ku dhiiri
gelisay. Gacma Dheere ayaa Xaayoow ka xaal mariyey dhibkii soo gaaray una
sheegay in waxa lagula kacay ay tahay wax fool xun oo aan habooneyn.
Shirkii markii uu dhamaaday ayaa waxaa
iyadoo la bulaamayo dhallintii u kacaday meeshii uu Shariif Xassan waayo
hore kaga qayb geli jirey fadhi ku dirirka. Waa makhaayada Soomaalida laga
kari waayey ee la yiraahdo Starbucks. Shariifka ayaa isagu in badan ka hor
calaacali jirey dhallinta dhexdeeda isagoo aad u dhaleeceyn jirey nimanka
Qabqablayaasha ah ee Degaanka ay degaan dadka Digil iyo Mirif xooga ku
haystay baabi’iyeyna dadkii ku dhaqnaa. Shariifka oo aad loogu yaqaanay
habaarka, muusanowga iyo Eebe u tuuga budhcada dhulkiisa xooga ku haysata
ayaa ku cataabi jirey in maruun uu arko in Eebahay awood u dhiibo si uu uga
aargoosto kuwii xooga u sheegtay. Waxaa la yaab ku noqotay asxaabtisii
markii la arkay Shariifkii oo mar keliya sida giraanta kala wareegay!
Magaalada Virginia ayay ahayd markii
Shariifka ay heleen ruug cadaa Soomaaliyeed oo wax badan waddanka deganaa
kuna wargeliyey inuu carruurta Soomaaliyeed u naxo sida uu kuwiisa caydha
qaata ee degan waddankan loogu xanaaneeyo. Waxaa arrinkaa laga dhawaajiyey
ka wada siman nimanka Qabqablayaasha ah ee wadankii burburiyey, dadkiina
gumaaday iyadoo ay carruurtoodu ku raaxeystaan wadama shisheeye quutaana
canshuur laga soo gooyey dad aan raali ka ahayn. Laakiin maxaan iska daalin
shacabku iyagaa daba hashleeya kuwii gumnaaday iyagoo ku raacaya qabiil iyo
halagaa sheego! Waxaa la yaab leh sida uu shacabku isu maqiiqo markii uu
Ugaasku maryaha tuuro ama uu dhar naageed soo xidho. Waxaa la yaab leh sida
ay wiilashooda u haligaan marka ay u hiilinayaan Beeshooda gar iyo gardaraba.
Waxaa la yaab leh sida aysan isu waydiineyn Ugaaska, Qabqablaha iyo
Ganacsadaha aaway carruurtoodii. Waxaa la yaab leh sida carruurtooda marka
ay dhaawacmaan ee lugaha iyo gacmuhu go’aan laysaga tuuro oo aan loo
daryeelin kuwa kalena laga codsado inay keenaan. Shicibkanow ma sixran tahay
mise waad jiran tahay mise Eebaa ku ciqaabay!. Haa! Waa hubaal, haddii
laabuhu qurmaan oo aysan isu fayoobeyn, maxay arkayaan. Fariid! Haddii
Qalbiga muraayada ah uu madoobaado maxaa la fahmayaa. Hagaag! Haddii aad
xaaraan cuntid, huwatid, gashid ood gacmaha kor u taagtid maxaa lagaa
aqbalayaa!
Akhristoow sow lama yaabtid sida Muslimku u
duceysto oo Eebe u baryo iyo sida ay baryadoodu samada uga soo noqoto sidii
kubad gidaar lagu dhuftay oo kale. Maxay ducadu u geli weydey samaawaadka?
Maxaa loo aqbali waayey?. Ma maqashay weligaa niman is habaaray oo labadiiba
ay dhinteen? Ama waxay isku habaareen ka soo baxeen? Weligaa ma maqashay
gabayada kuhaanada ah oo gabyaagu wuxuu caloosha ku qabtay afkana ka sheegay
sidoodii u soo baxaan? Ma maqashay qofkaasi waa Awliya Illaahay ee ha isku
dhibin?. Haddaba Diintu waa isla Diintiiye, Eebe weynana waa jire jooga ahe
maanta sidee wax yihiin?
Akhristow Hogaamiyihii Fardooleydii
manaxayaasha ahaa ee la odhan jirey Gingis Khaan ayaa siduu ummada usoo
xaaqayey wuxuu soo dul istaagay Magaalada Baqdaad oo camiran. Waxaa caado u
ahayd marka ay kooxdan Mangooliyaanka ahi magaala qabsadaan inay dadka ku
nool oo dhan xasuuqaan guryahana dab suraan. Madaxyada marxuumiinta ayaa
laysa saaraa ilaa ay samaawaadka ku dhowaadaan. Waxaa dhiigu dareeray
wadooyinka, webiyadiina waxay madoobaayeen usbuucya dhan fara badnida
buugaagta lagu guray awgeed. Baaqiqii Reer Baqdaad ee haray ayaa Masaajid
weyn nafta kula cararay. Gengis Khan ayaa uga daba tegey oo Mambarkii fuulay
una khudbeeyey Muslimiinta maciinka soo baday Masjidka. Wuxuu ku bilaabay
hadalkiisii: “ Ma garanaysaan waxaan idiin laynayo oo aan idiin baabi’inayo?
Illaahiinii baad ku caasideen markaasuu aniga idiin kiin soo diray si aan
idiin gumaado”.
Sow maanta anagii mana haysato hadalkii
Khaan?. Sow illaahay naguma salidin kuwa aan Eebe ka baqayn oo aan noo
naxayn?. Sow wax badan nalaga jari maayo?. Sow dulmi, kufsi, dilid, takoor,
qabyaalad, munaafaqnimo, sixir, xasad, shirki, boob iyo ribo diin nooma
noqon?
MINII LA YAABO YAASIINKA!
C/Rahman
Eelay
eediran@yahoo.com
Faafin: SomaliTalk.com |
Oct 23, 2005
Baaq: Dhibta
Haysata Beesha Gabooyuhu Waa Maxay? Maxaase Inagu Waajib ah?
Iyada oo
aynaan xaashiyo yar kusoo koobi karin dhibaatada culus ee beeshaas
haysata hadana bal aynu..
Guji...
May 23
MPLS:
Habeenka
Soomaalida iyo Sharciga | Goorma: June 4
Waraysi: Garaadka
Beesha Gabooyaha
Nin
u Dhashay Beesha Gabooyaha ayaa Hargeysa Lagu Diley, Dadkii Arintaas Ka
Mudaharaadayna Xabsi ayaa la dhigay, waxaana arintaas ka waraysanay Garaad Axmed
Diiriye Geylan...
Guji...
LINK:
www.somalitalk.com/quursi
Kulaabo bogga www.SomaliTalk.com
Daabaco
Boggan | Print
