SomaliTalk.com

Daabaco Boggan | Print

:::XAYAYSIIS:::

DUKAAN: Nataional African Store.. Guji...

TAWAKAL: Xawaalad Degdeg ah.. Guji...

ALHIJAZ: Waa hoteel caalami ah.. Guji...

Salon & Restaurant :: Hargeysa.. Guji...

GOLIS: Shirkada isgaarsiinta.. Guji...

EMPIRE COMPUTERS.. Toronto Canada... Guji...

GOLIS: Shirkada isgaarsiinta.. Guji...

Xayaysiiska Shirkadaada/Ganacsigaaga ku daabaco halkan..... Sidee?... Lasoo xiriir SomaliTalk.com

Waar heedhe waalanaa! Miyaa la falay, mise wuu soo wataa! Muxuu u sameysanayaa doontan weyn! Xagee buuse ku kaxeyn illeyn lama degaan bacaad weyn ayaynu deganahay oo bad iyo biyoba arladu ma lahe! Alla maxaa ku waalli ah! Tolow yaa la taliya! Eebow maxaa noo keenay ninkan! Eebow adigu maankiisa iyo miirkiisa usoo celi! Weger! Maxaase qabsaday Reer Nuux! Bacaadkii miyaa bad ku noqday? Dabeyshii iyo hirkii bacaadka iyo dhaan debangaalaha miyaa hir bad oo buura le’g isu bedelay? Miyey arkeen doontii oo cirkaa sabeynaysa? Miyuusan Eebahay caadil ahayn oo dulmanaha isagu ducadiisa ajiibin!

Sidii hirarkii daadku uu u qaaday qoladii iska qosli jirtay ee ku jeesjeesi jirey Nebi Nuux(cs) ayaa waxaa hirarka dhaadheer ee hadalka iyo sawaxanka xuquuq raadisku ay iyana ay u qaadeen qolo sidaasoo kale ugu jeesjeesayey abaabulka laga waday Magaalada London ee looga soo horjeeday caddaalad xumada ka jirta Maxkamadaha Hargeisa. Waxaan dhejinayey xayeysiiskii banaanbaxa, waxaanse maqlaa: Waar hooy! Hooy! ma kula tahay inaad sida ku xoroobaysaan oo aad dad ku noqonaysaan? Ma idinla tahay inaad la simni kartaan boqorada iyo suldaamada Qureysheed ee dunidan ka caan baxay? Ma waxaad ismoodeen waxaydan ahayn? Bal car waa taasee ku dhaca inaad isku deydaan inaad banaanbax sameysaan!
Waxaa la yaab leh sida ay Soomaalidu xataa u damacday in dhul aysan wax awood iyo xukun ku lahayn ay dadka uga horistaagaan inay hadlaan, banaanbaxaan oo dareenkooda dunida gaarsiiyaan. Maxaase ka raacay islaweyntii islaheyd Gabooyuhu wuu iska qaylin, iska bulaami oo waxbadan ma sameyn karo!.

Saaqa iyo colkiisa ayaa cararay, cooshad walba oo ku taal Magaalada London ayay ku nabeen ogeysiis iyo xayeysiis xambaarsan quudhsi diid. Waxaa afku kala tegey kuwa xaqa dadka duudsinaya kadib markii jaamacad walba iyo iskool walba lagu gorfeeyey dhibaatada iyo caddaalad darada ka jirta Hargeisa iyo dhamaan Soomaaliya. Waxaa qayla dhaantu ay gaadhay dhamaan Ha’adaha u dooda Xuquuqda Aadanaha. Waxaa lagu soo daabacay Jaraaidka qaarkood ee ka soo baxa carrigan Ingriiska. Waxaa ay Isla weyntu aad u naxeen ka dib markii Xaafadooda u gaarka ah ay ku qabteen sanadguuradii ka soo wareegtay Gooni Isutaaga! Waxaa la casumay Oday Ferenji ah oo Baarlamaanka ku jirey oo aad ugu ololayn jirey Aqoonsiga Soomali-Land. Wejigiisa oo cas buu soo galay xafladii! Wax aan looga baran baa ka muuqda! Farxad iyo raynrayn badan ma leh aan ka ahayn Sorry! Sorry! Sorry! waxaan akhriyey iyo waxaan arkay iyo dhibaatada aad ku haysaan dadka aad quursataan ee ku nool Hargeisa! Sorry! inaad tidhaahdaan Dimuqraadiyad baanu taageernaa dadkana aad sidaa ula dhaqantaan!

Waar hayaay! Waar Caabiyow cooshadu kugu duntay! Waar Gabooyoow gablan! Waar maxaa Ingiis Carrana aad cuqdada ugu beerteen! Waar maxaad noo sugi weydeen inta aanu wax hagaajinayno! Waar miyeydan arag sida aynu Boqorkiinii Lan-Cruiserka u siinay oo aanu Laascaano ugu dirnay! Sow ma argtaan inuu ka mid yahay Salaadiinta la sharfay ee ka qaybgaleysa Caana shubka Garaadka beelaha Sool. Waar waad deg-degteene dhibka maad isaga dulqaadataan! Kun sanaad rarneydeene maxaa maanta idin shidaya! Waar miyeydaan diintaba garaneyn inay tidhi Culeys badan ka dib fudeyd iyo barwaaqaa la gelayaa!

Waxaase arrin aad loola yaaba noqotay sida uu cod ahaan ugu hiiliyey Weriye ku sheega Ahmed Cabdi Nuur Reeraha uu ka soo jeedo. Waxaa xarig jiid dheer loo galay bal in wuxuun laga soo daayo wareysigii ay BBC-du ka qaaday Max’ed Caabi Saaqa. Waxaa uu Ahmed si aad ah u diiday in hawada uu galo codka Gudoomiyaha Gabooyaha oo uu u arkayey in Maxkamada Beeshiisa ay ku tahay weji gabax iyo qoodh iyo xero la’aan isagoo xasuusan dardaarankii tolkii ee ahaa: Nin walba, meel uu joogaba, tolkii waa u tirsan yahay ee bal birta shanqadha yaan nalooga soo dusin!

La ogaa in Sharciga Somali-Land uu cawaran yahay! Laakiinse maantaba haddii uu Riyaale dulqaadkii ka dhamaaday oo uu Faqash iyo Fidna wade Cigeba fuuqsaday sow maaha talaabo horey loo qaaday. Sow macal cune soo ma bixin ka dib markii ay labaduba cida carruurtii midba ka kale ku eedeynayo xatooyo dadweyne. Ogow Riyaalow in ay tahay talaabo horey loo qaaday ayna haboontahay in aan labadaa nin hadhkooda oo kale aan meeshaa la keenin. Waxaana wacan in ay Isla weyntu ogaato in qofka keliya ee dhexdhexaadka ah ee ay haboon tahay in Maxkamadaha caddaalada iyo Booliska hawshooda si daacadnima ah uga soo bixi kara ay tahay oo keliya Beelaha la Quudhsado. Waayo Beelahani cidna maaha, Aji maaha, Bini Haashim maaha, Bini Qureesh maaha, idima kala jecla, markaa sow sharcigii cawarnaa u noqon maayaan goojo indhaha looga dhibciyo si aragu u hagaago. Xigmadu yaysan kaa hoos bixin Ina Riyaaloow!