December 19, 2000

Waxaa afartii sano ee la soo dhaafay sanad walba bisha ramadaan lagu qabtaa magaalada dubai ee wadanka imaaraadka carabta tartan quranka karimka ah kaas oo ay ka soo qayb galaan dhalin yaro da'doodu aad u yartahay oo ka kala yimaadaa dunida oo dhan, waxaana lagu bixiyaa abaalgud maadi ah iyo mid macnawi ah labadaba, kaas oo uu bixiyo wasiirka gaashdhiga ee wadankan imaaradka carabta GEN. Maxamed Raashid taas oo runtii lagu amaani karo.

Hadaba afartaas sano sanad walba soomaaliya waxaa magaceeda ku tartamay dhalin yaro xaafidiin ah oo runtii la orankaro guul ayey ka soo hoyeen, marka laga rebo sanad sidii wax lagu soo xulay ay khalad gashay.

Sannadkii u horeyey waxa magaca soomaalida ku tartamay Farax Siciid oo runtii dadaal muujiyey xifdigiisu ma fiicnayn mar hadii uusan uusan safka hore iman hadana ku amaanan dadaalkisa, waxaa sanadkaas kaalinta kowad galay 11 jir libiya u dhashay, hase yeeshee sanadkii labaad ayaa si wax u qaldameen meeshiina waxaa tartankii yimi wiil soomaalida ceeb usoo hoyiyey, habeenkaas oo aan anigu fadhiyey goobta tartanka waxaan is arkay anigoo dadku isoo wada fiirinayaan sidii qof ceebeysan, dadki goobta fadhiyey oo soomaali u badnaa markii la arkay mustawaha wiilka soomaaliya u tartamaya ayey goobtii badankoodii ka yaaceen ceeb awgeed taas oo muujinaysa qiirada soomaalida.

Waxaa sannadkaas mar kale guushii la hoyday wadanka liibiya markii 9 jirkii u tartamayey ku soo baxay kaalinta kowad, waxaa ceebtaas naga dhaqay sanadkii sadexaad Axmed Xuseen Cali oo sanadki sadexad ku tartamay magaca soomalida, axmed daadalkiisa ka sokow wuxu ka yaabiyey dadkii goobtaa soo xaadiray markuu ku hakan waayey aayadkasta oo loo soo meersho, wuxuuna galay kaalinta afraad wuxuuna abaal gud u qaatay aduun dhan 50,000 Dhs oo u dhiganta 13,600$ oo dolar, taasi waxay neef cuqdadeysan ka soo celisay soomalidii sanadki hore ceebta la huleeshay, sanadkaas waxaa kaalinta kowad galay 13 jir masar u dhashay.

C/casiis wuxuu ku dhashay sida la ii sheegay degmada caabudwaaq wuxuuna quraanka ku bartay muqdisho, waa nin da' yar oo hada ku nool wadanka imaaraadka wuxuu abaal gud u helay aduun dhan 250,000Dhs oo u dhiganta 68,000$ oo doolarka maraykanka ah, hadaba waxaan leenahay alaha kuu barakeeyo dadaalkaaga, runtiina guusha c/siis waa mid dhaxal gal ah. waxaa kaalinta labaad galay bashiir cumar oo chad ka socday wuxuuna helay aduun dhan 150,000Dhs oo dhiganta 41000$ doolarka Maraykanka ah, waxaa isna kalinta sadexad galay saraqah sabee oo nageria ka yimi kuna guuleystay aduun dhan 100,000Dhs oo u dhiganta doolar oo kan maraykanka ah 27000$.

Gabagabadii waxaan soomalida u soo jeedinaya inay C/casiis iyo dhalinyarada kale ee xafidiinta ahba u soo duceeyaan soona dhiiri galiyaan .

siciid aadan shirwac
Dubay Imaarada Carabta.

Qoraaga kala xiriir: editor@somalitalk.com

assalaamu caleykum warahmatulah

Ma Ogtahay akhristow in xaflad lagu maamuusayey tartanka QUR'AAN akhriska ee caalamka oo ka dhacdey magaalada DUBAI xalay oo ay taariikhda islaamku ahayd 20ka Ramadan oo ku aadanayd 16dec, 2000,oo ay ka soo qayb galeen 59 dowladood oo aduunka ka kala socdey uuna ku guuleysay walaal soomaaliyeed oo la yiraahdo CABDICASIS A. AADAN (abdiasis shiino), halkaasna uu ku hantiyey abaalmarintii ugu sareysay oo noqotey 250.000 oo Dirham oo u dhiganta $80.000.00 oo Dollar, halka 4sano ka horna ay soomaalidu ku guuleysteen kaalinta 4aad, waxaa kale oo xusid mudan tartamayaashii ka socdey wadamada NEWZEALAND, U.K, ETHOIPIA, iyo qaar wadamada yurub ka mid ah ay dhamaantood ahaayeen dhalin yaro soomaaliyeed.

Mase ogtahay akhristow in magaalada MINNEAPOLIS ee wadanka mareykanka uu ka dhici doono tartankii dugsiyada magaaladaas maalinta axadda ee nagu soo aadan ee Ramadaanku yahay 28ka, kaas oo ay ka soo qeybgalayaan tartamayaal ka kala socda dugsiyada kala duwan ee magaalada, tartankan oo sanadle ah waxaa la rajeynayaa inuu noqondoono sanadka soo socda TARTAN GOBOLADA MAREYKANKU ay isugu yimaadaan inshaa Allah.

walaalkiin A.M.Yusuf
wassalaamu calaykum warahmatulah
Qoraaga kala xiiir: abdiweli@yahoo.com 

December 19, 2000

Faafin: SomaliTalk.com