Daabaco Boggan | Print

Garowe: Cadde Muuse oo ula booca ugu tukubaya  laba ka mid ah Golihiisa Wasiirada...

Madaxwaynaha DGPL Gen: Cadde Muuse ayaa shir la qaatay maalinimadii Isniinta ahayd 12/06/007, aqoon yahano iyo waxgaradka Gobalka Nugaal kadib markii uu madaxwaynuhu  codsaday in u isagu la qaaato shirkaas aqoonyahanada, shirkaasi oo aan saxaafada laga soo qaybgalin ahaana shir qarsoodi ah ayaan hadana idiin kaga ahaynaa hadaladii xasaasiga ahayd ee shirkaasi looga wadahadlay anaga oo soo xuuraansanay ka qaybgalayaashii shirkaasi oo warsidaha www.somalitalk.com  uu si toos ah ula socday shirkaasi isla markaana uu ku hayay Isha, hadaba maxaa ka soo baxay sideese ku biloday shirku maxaase looga  wada hadalay waa Su'aalo muhiim ah ee akhristow ee ka dheeho halkaan.

Madaxwaynaha DGPL Gen: Cadde Muuse ayaa ugu horaynba furay shirka isla markaana soo bandhigay ajandaha shirka kaasi oo noqday sidii laga yeeli lahaa laba ka mid ah Golaha wasiirada  ee xukuumadiisa.

Cadde Muuse isaga oo aan hadalka la gabanayn ayuu ka yiri goobtii shirka waxaan Doonayaa in aad keensataan laba kale oo aan ku badalo labadaan wasiir ee u dhashay Gobalka Nugaal kuwasi oo kala ah wasiirka waxbarashada Axmed Siciid Awnuur, iyo kan qorshaynta Cabdi Salaad Ilyare.

Isaga oo madaxwaynuhu ku eedeeyay labadaan wasiir in aysan la shaqayn xukuumada isla markaana ay wadaan abaabul lagu afganbinayo xukuumada sidoo kalena ay ka qayb galeen shirar beeleedyo kala duwan oo xukuumada lagu waxyeelaynyo.

Mid ka mid ah ayaa hadalka dhexgalay oo waydiiyay madaxwaynaha sababaha ay ula shaqayn waayeen ragaasi dawlada lakiin madaxwaynuhu su'aashaas waxa uu kaga gaabsaday horaan u xusay sida ay ula shaqaynwaayeen xukuumada.

Mid kale  ayaa yiri hadii ay sida aad sheegtay kuula  shaqayn waayeen  isla markaana ay ka qayb galeen shirar beeleedyo, ma waxaad ka rabtay in ay warka kuugu keenaan sariirtaada hadalkaasii oo meel sare gaarsiiyay shirkii.

Mid kale ayaa yiri Mudane Madaxwayne Xilka ma ka qaadaysaa wasiirada salbalaarsiga meesha ku jooga ee Cali Cabdi Awaare iyo Maxamed Cali Yuusuf Gaagaab.

Madaxwaynuhu Su'aashaas waxa uu kaga jawaabay labadaan wasiir Tolkooda ayaa meesha keensaday isla markaana wali raba oo meesha ku Haya.

Isla ninkii Su'aasha waydiiyay ayaa hadal ku celiyay oo yiri labadaan wasiirna ee  kala ah waxbarashada iyo qorshaynta anaga ayaa meesha keensanay walina rabna ee faraha kala bax adigu hadii aad beesha tixgalinaysid hadii kalena hadalkaaga sifiican u cadee.

Gaba gabadii kulankan oo  noqday mid xasaasi ah kagadaal markii la is dhaafsaday hadalo kul kulul oo aad u qoto dheer dhaliyayna xinif  ayaan intaas ku ekaan ee waxaa madaxwaynaha loogu baaqay isla kulanka dhexdiisa in xiligan uu madaxwaynuhu yahaya maqaar saar oo uusan waxba badali karin waxna magacaabi karin maadaama xiliga uu haynayo xilka ay hada ka harsan tahay Billo yar taasi oo gobta looga cadeeyay Madaxwaynaha lagana war sugayo sida uu u maamulo doorashada soosocota madaxwaynuhu, hase ahaatee Madaxwaynuhu isaga oo xanaaqsan ayuu yiri 18 bilood baa ii harsan hadalkaasi oo kawada yaabiyay goobjoogayaashi shirka keenayna in meesha looga dareero.

Fiira gaara: waxaan magacyada raga hadalada kulkulul jeediyay u xusi waynay amaan xumo awgeed.

SomaliTalk.com | Garoowe | June 14, 2007
 

BAARID | SEARCH