Jawaab Laga Bixiyey Qoraalkii:
Dr.
Cabdiraxmaan Saciid "Dhegaweyne" iyo Wasaaradda Caafimaadka
DGPL
Beenin: Qoraal wax looga
sheegayo Dr Cabdiraxmaan Saciid Dhagaweyne.oo ah wasiirka
caafimaadka ee Puntland
May 6, 2007
Anagoo ah Dhaqaatiir
Soomaliyeed ee ku nool daafaha dunida waxaan beeninaynaa
qoraalkii la qoray bishii sadexaan ee sanadkan (11/3/2007)
ee ku soo baxay Somalitalk webb side, kaa soo lagu
waxyeelaynayo sumcadda iyo taariikhda waxbarasho ee Dr.
Dhagaweyne iyo Jaamacadda Umadda Soomaliyeed, qoraalkaas oo
uu qoray shaqsi qabiil ku dhuumanayo, aqoonna aan u lahayn
heerka waxbarasho iyo taariikhda Jaamacadda Umadda
Soomaaliyeed (Somali National University), isagoo si gaar ah
u amaanaya shaqsi ay qaraabo yihiin, laakiin aan
Dhaqaatiirta Soomaliyeed aysan aqoon u lahayn.
Waxaan anagoo ah
Dhaqatiirta Soomaaliyeed cadeynaynaa in qoraalkaa laga lahaa
ujeedo gaara oo lagu weerarayo Dr. dhagaweyne qabiil ahaan
iyo shaqsi ahaan iyo umadda ku dhaqan Dowlad Goboleedka
Puntland, maamul iyo shacbi ahaan.
Dr Dhagaweyne waa Wasiirka
Caafimaadka ee Puntland, waa dhaqtar Soomaliyeed oo leh
karti aqooneyd iyo mid maamul oo uu ku shaqeynanyay muddo ka
badan shan iyo labaatan sanno (25 years).
Maqaalka looga been
sheegayo Wasiirka waxaa kaloo kujira dad wax magarato ah oo
cuqda qabiil qabo.oo ku dhiiri galiyay qoraha in uu ku
dhiirado been abuur intaas la’eg
Anagoo kala ah Dr. Xasan
Faarax Jibriil (Xasan Duwe), Cabdiraxmaan Mowliid Cabdi
(Munishiibiyo) iyo Idil Maxamuud Jaamac ku nool
Australia, magaalada Melbourne, wakiilna ka ah Dhaqaatiirta
Soomaaliyeed ee ka qalin jabisay Jaamacadda Ummadda, waxaan
cadeynaynaa in xadgudub iyo been abuur lagu sameeyay Dr
Dhagaweyne iyo macalimiinta Jaamacadda Ummadda Soomaliyeed
oo uu qoraagu ku sheegay inay laaluush qaadan jireyn.
Waxaan kale oo aan
cadeyneynaa in wareysiga uu qoraagu ku doodayo inuu na
wareestay aysan waxba ka jirin.
Dr. Xasan Faarax Jibriil (Xasan Duwe),
Dr. Cabdiraxmaan Mowliid Cabdi (Munishiibiyo)
Dr. Idil Maxamuud Jaamac
Waxii faafaahin ah fadlan
kala soo xiriir
Dr. Xasan Duwe
Email:
gipriilhassan@hotmail.com
Tel: 614-02082717
###
Afeef: Aragtida
qoraalkan waxaa leh qorayaasha ku saxiixan
Faafin: SomaliTalk.com |
May 6, 2007
Jawaab: Qoraalkii Dr. Duwe ee Dhegaweyne...
Dr.
Cabdiraxmaan Saciid "Dhegaweyne" iyo Wasaaradda Caafimaadka
DGPL
| 
Daabaco
Boggan | Print