Daabaco Boggan | Print

• Xerta Tima-weynta oo Weerar ku qaaday Masaajid kale Garoowe.
• Guddiga Joogtada ah ee Golaha Wakiilada P/land oo ugu yeeray M/weynaha DGPL in uu yimaado Garoowe.
• Garoowe: Ardaydii ugu badneyd ee ka qalinjebisay dugsiga sare ee Al-waaxa Garoowe.

Xerta Tima-weynta oo Weerar ku qaaday Masaajid kale Garoowe.

Maxamuud Cumar Bille, Garoowe
mcbille@gmail.com

Wadaadada Tima-weynta ayaa beryahaan weerarayey masaajida Garoowe ee lagu cibaadaysto. Iyagoo weerar ku ekaysiiyey masaajidka Saxaaba ee magaalada Garoowe.

Wakhtigii masaajidka la weerarayey oo ahayd subaxnimo 4:00 wuu xirnaa oo wax dad ah kuma sugneyn gudahiisa. Masaajidka qudbigiisa ayaa waxaa ku dhacday xabado oo ka muuqda, iyadoo ay saxaafaduna aragtay fuuqyadii xabadaha lala dhacay masaajidka.

Maalin ka hor ayeey ahayd markii ay Xertu weerartay masaajid kale oo ku yaal bartamaha magaalada Garoowe, oo lagu magacaabo masjidul Raxma oo uu ka socday tafsiirka Quraanka Kariimka ah. Dad goob joog ahaa, ayaa u sheegay saxaafada in ay xabado badan ku dhaceen masaajidka balse aan cidna wax ku noqon. Nin aan weydiiyey sidii wax u dhaceen ayaa ii sheegay in nimanka soo weeraray masaajidka oo aad u hubeysnaa ay ku amreen wadaadkii tafsiirka akhrinayey in uu joojiyo, wadaadkiina uu sii waday tafsiirka una sheegay dadkii dhegaysanayey oo ku sigtay in ay cararaan in ay halka u yimaadeen barashada diinta Islaamka ayna tahay in ay ku dhintaan.

Si kastaba ha ahaatee, maamulka ayaan waxba ka oran waxa dhacaya oo dadku aad uga walwalsan yihiin raadkeeda danbe, iyadoo masaajidkaan danbe ee la weeraray uu yahay midka ay ku tukadaan masuuliyiinta dowlada oo ugu badan yihiin marka loo eego masaajida kale ee ku yaal Garoowe.

• Wadaadada Qaadiriyada oo Weeraray Masaajid ku yaal Garoowe...

Guddiga Joogtada ah ee Golaha Wakiilada P/land oo ugu yeeray M/weynaha DGPL in uu yimaado Garoowe.

Garoowe:-

Guddiga joogtada ah ee Golaha Wakiiladda Puntland ayaa M.wayneynaha DGPL Gen. Cadde Muuse Xirsi ugu yeeray in uu 2 bari gudahood ku soo galo Garoowe.

Guddoomiyaha Golaha Wakiiladda Puntland Axmed Cali Xaashi ayaa sheegay in ammaanka Puntland uu yahay iminka mid aad u liita , oo ay dhacayaan beryahaan falal-ammaan xumo taas oo salka ku haysa kala damayn la'aan soo ifbaxaysa.

Si arimahan wax looga qabto ayuu sheegay in ay lagama maarmaan noqotay in uu M.waynuhu uu ka soo qaybgalo shir muhiim ah oo maalinimada sabtida ah ay yeelan doonaan Guddiga joogtada ah ee Golaha Wakiilada iyo golaha fulinta.

Madaxweynuhu wuxuu ku sugnaa beryahaan danbe magaalada Boosaaso ee xarunta ganacsiga DGPL .

Waxaa la filayaa in Golaha Wakiilada iyo Golaha Fulintu ay ka wada hadlaan arrimo badan oo khuseeya dalka.

• Culuma'udiinka Gobolka Nugaal oo ku dhaliilay maamulka Puntland...

Garoowe: Ardaydii ugu badneyd ee ka qalinjebisay dugsiga sare ee Al-waaxa Garoowe.

Sanad dugsiyeedlkaan 2006-2007 ayaa waxaa qalinjebiyey kooxdii 5-aad ee ka baxaysa Al-waaxa.
Abshir Maxamed Abshir( Dhegaweele) waa gudoomiyaha ardayda qalin jebisay wuxuuna ii sheegay in ardaydaan oo isugu jira wiilal iyo gabdho ay aad ugu faraxsan yihiin qalinjebintooda ka dib 12 sanno oo ay waxbarasho u soo taagnaayeen Al-waaxa, sidoo kale C/qaadir Nuur Cilmi (Koor) iyo Cumar Cilmi Barre ayaa iyana muujiyey sida ay ugu faraxsan yihiin qalinjebintooda, iyagoo uga mahadceliyey maamulka iyo macalimiinta Al-waaxa, sida hagar la'aanta ah ee ay wax u soo bareen.

Ardaydaan ayaa baratay maadooyinka kale ah:-

1. Maths, Physics, Biology, Chemistry, Geography, Arabic, History, English, Islamic studies.

Ardayda intii hesha deeq waxbarasho waxay aadaan dalalka Yemen, Sudan iyo Malaysia, intii kalena waxay aadaan meeshii ay door bidaan.

Garoowe, waxaa ku yaal saddex dugsi sare oo kale ah, Al-Nawaawi, AL-waaxa iyo Gambool.

Akhri: MAXAA GAACA BIYO JAW LEH....

Maxamuud Cumar Bille, Garoowe
mcbille@gmail.com

Warbixin: Shirwaynaha Jaaliyadaha Puntland iyo Jubaland ee London

Canada iyo Booqashada Wasiirka Ganacsiga ee Soomaaliya

Faafin: SomaliTalk.com | May 22, 2007
 

BAARID | SEARCH