Canada iyo Booqashada
Wasiirka Ganacsiga ee Soomaaliya
Waxaa taariikhdu Markay ahayd 11 May, 2007 ku yimid booqasho
10 Cisho ah Dalka Canada Wasiirka Ganacsiga ee Soomaaliya
Mudane Cabdulaahi Axmed Afrax. Wasiirku wuxuu intuu joogay
Canada qaabilay madax heer qaran ah sida: Secretary of
Multiculturalism and Canadian Identity Hon. Jason Kenney,
Senator Hon. Consiglio Di Nino the chair of senate standing
of committee on foreign affair and international trade,
Senator Hon. Mike Harb, US Ambassador His Excellence David
H. Wilkins, Yemen Ambassador His Excellence Dr. Abdulla
Nasher, Ethiopia Ambassador His Excellence Cetashew Hamussa,
Director of Bilateral Commercial Relations of Foreign
Affairs and International Trade Canada, Borys Wrzesnewskyj
MP, Elizabeth Leiva of Foreign and Defence Policy
Secretariat, Keith Fountain, Colin Lake of Somali desk at
DFAIT.
Wasiirku wuxuu madaxdaas layeeshay kulamo lagu falanqeeyay
xaalada Soomaaliya ay maanta marayso iyo sidii Dowlada
Canada ay uga qayb qaadan lahayd dib u dhiska dalka iyo
shirka dib u heshiisiinta Soomaaliyeed. Sidoo kale waxaa la
isla soo qaaday arimo xasaasi u ah dhamaan bulsha waynta
dunida sida , horumarka, amniga caalamiga ah, iyo
calaaqaadka laba dal ee Canada iyo Soomaaliya.
Waxaa Wasiirku intii ay socdeen kulamadaan uu la lahaa
madaxda dalka Canada lagu wargeliyay in Dowlada Canada ay
dhawaan ku dhawaaqi doonto talaabooyin wax ku ool ah kuwaas
oo ay faa?iido Somaaliya, talaabadaan oo noqon doonta mid
sii xoojisa calaaqaadka iyo saaxiibtinimada labad dal iyo
umadoodba.
Waxaa Wasiirka kulamaadaas dhaxalgalka ah ku weheliyay madax
ay ka mid yihiin Faarax Maxamuud Aw-Cismaan oo ah madaxa
Ururka Canadian Friends of Somalia, Mahamed Axmed iyo
Hilowle Mahamed oo ka mid ah waxgaradka reer Toronto, iyo
Mamaxuud Eebow iyo Zahro Hassan oo iyaguna ka mid ah
Jaaliyadda reer Ottawa.
Wuxuu wasiirku kulamo khaas ah la yeeshay safiirada dalalka
safka hore kaga jira taageerista iyo dowlad ku soo
dabaalista Soomaaliya, sida Maraykanka, Yeman iyo Itoobiya,
wuxuu dowladahaasi uga mahadceliyay dadaalka ay ugu jiraan
sidii Soomaaliya ay silica uga bixi lahayd dowlad waartana
oo cagaheeda ku istaagtana u heli lahayd.
Wuxuu safiirku intii uu joogay Magaalooyinka Ottawa iyo
Toronto la yeeshay kulamo jaaliyadda Soomaliyeed ee ku nool
Canada, isagoo warbixin waafi ah ka siiyay xaalada dhaqaale,
siyaasadeed, iyo nabadgelyo ee uu maanta dalka hooyo ku
sugan yahay, isagoo ku dhiiri geliyay jaaliyadda dibadu inay
khilaafka joojiyaan una guntadaan sidii ay uga qayb qaadan
lahaayeen xal ku soo dabaalida , dib u dhiska, iyo dib u
heshiisiinta dalka ka socota, isagoo ku dhiiri geliyay
jaaliyadda reer Canada inay wixii talo ah kala bakhaylin
maamulka dalka isagoo muujiyay inay dowladu diyaar u tahay
soo dhawaynta cidkasta oo wada samaha dalka iyo dadka
Soomaaliyeed.
Dhamaan Kulamada Jaaliyada ee uu safiirku ka qaybgalay waxaa
si wadajir ah u soo agaasimay madaxda bulshada, ururada,
haweenka, dhalinyarada, fanaaniinta iyo indheer garadka reer
Toronto iyo Ottawa.
Waxaa soo dhawaynta Wasiirka iyo isku dubaridka
booqashadiisa daadihinayay Madaxda Ururka Saaxiibtinimada
Canada iyo Somalia ee ?Canadian Friends of Somalia iyo Xubno
ka mid ah madaxda ururada iyo jaaliyadda reer Toronto iyo
Reer Ottawa.
Salaanta Islaamka Kadib, waxaan idinka codsanaynaa inaan
maqaalkan ku saabsan safarka wasiirka ganacsiga ee Somalia
Dr. Abdullahi Ahmed Afrah uu ku yimid Canada. iyo
waxyaalihii uu kala kulmay safarkiisa, iyo madaxda uu la
kulmay.
La xiriir:
info@canadianfriendsofsomalia.org
Faafin: SomaliTalk.com | May 22, 2007
|
Daabaco
Boggan | Print