Madaxweynaha Maamul Goboleedka Puntland oo Puntland kusoo laabtay 52
maalmood kaddib
Madaxweynaah DGPL, Gen. Cadde Muuse ayaa Talaada (May 20, 2008) dib ugu soo
laabtay Puntland kaddib markii uu ka maqnaa muddo 52 maalmood ah.
Gen. Cadde Muuse oo ka soo degey garoonka diyaaradaha magaalada Boosaaso ayaa
hadal gaaban oo uu siiyey saxaafada waxa uu sheegay sababta uu u maqnaa muddada
ka badan bil iyo bar in ay ahayd " danaha dalka", waxan auu intaas ku daray
"waxaan u socdey dan Puntland, dantaasna waa la arki doonaa waxay ahayd." Waxana
uu intaas sii raaciyey waxaa ugu weyneyd nabad gelyada iyo sidii dalku u dhismi
lahaa.
Gen. Cadde Muuse waxa uu qiray in khaladka uu wadanka ka sameeyey ay tahay
intii uu lahaa dhaqaale raadi oo wax dhis in nabad gelyadii la waayey.
Gen. Cadde Muuse ayaa nabad gelyo xumida ku eedeeyey shacabka. Eedaasna waxa
uu soo jeedeyey mar wax laga weydiiyey waxa ay ka wada hadleen isaga iyo C/laahi
Yuusuf maadaama ay kulmeen xilli uu jirey khilaaf xagga aaraa'da ah oo ku
saabsan shidaalka (Batroolka), waxa uu ku jawaabey:
"Waxayagii waa ka wada hadalay, aniga iyo madaxweynuhuna waa dhamaysanay,
Puntland 'Plan-keeda' (oo uu ula jeedey qorshaheeda) ayey leedahay, Dawladda
Federaalkana ka mid ayaan nahay, waxaa Puntland masaaliixda caamka ah waanu ku
heshiiney waana dhammaadeen, Puntland waxeeda waa soconeysaa ee waxa keliya oo u
daran oo aan u sheegayaa shicib weynaha oo aan idaacadahana gaarsiinayaa
Puntland waa loo tashaday, nabad baan rabnaa, maanta kabacdi wixii nabad ah..
khaladka aan waddanka ka sameeyey waxaa weeye intaan lahaa dhaqaale raadi oo wax
dhis ayaa nabadii la waayey. Dadka ku shaqaysta oo maalin la arko dadka dilaaya
waxaas oo dhan insha Allah dhaqso ayaa la qabanayaa, dadka ka hadla badi oo
yiraahda 'maxaa waxaa loo sameeyey' dilka iyo baaba' Puntland maanta haysta
shicibka ayaa gacan siiyey haddii la qaban lahaa Boosaaso maalin la arko nin baa
af soo duubtay oo waxbuu yeelay ma shicbiga intaas dhan baa awoodi u waayey,
waxaan idiin sheeegayaa waxaan u tegey nabad gelyada waana ku soo
guulaysaneynaa, laakiin shicbiga waxaan u sheegayaa Puntland shicbigeeda ayaa
danteeda wada waxaana idiin sheegayaa yeynaan meel kale ku tashan ee inagu aan
isku tashanno."
Gen. Cadde Muuse waxa uu Boosaaso ka dhoofay Maarso 30, 2008 isaga oo tegey
Addis Ababa oo maalmo kooban oo uu gaarey Nairobi, London iyo Jabuuti marka laga
reebo waxa uu waqtigiisa ugu badan ku qaatay dalka Itoobiya. Waxana uu Bosaso ku
laabtay May 20, 2008. Arrintaas oo ilaa hadda aan dadweynaha loo sheegin waxa
mudadaas dheer uu Gen. Cadde u fadhiyey magaalada Addis Ababa.
Gen. Cadde Muuse intii uu Addis Ababa ku maqnaa waxaa dad Soomaaliyeed loo
gacan geliyey Itoobiya, waxa kale oo jira dad la xirxiray oo qaarkood ka soo
jeedaan Soomaalida ku dhaqan Kenya iya dhulka Soomaali Galbeed.
Faafin: SomaliTalk.com | May 20, 2008 | 
Daabaco
Boggan | Print
Boosaaso:
Dr. Ibraahim oo Xoriyadiisii Helay
C/Laahi Yuusuf oo Saxiixiisa ku biiriyey Shirkadaha
Gen. Cadde ugu Yeero Jirrida
Qoditaankii
Shidaalka Puntland oo dib loo dhigay (Muddo aan la cayimin)