|
Somalitalk.com oo ka qayb gashay Janaazadii Saakay ee Marxuum Ahmed Khaliif
Fahad Yaasiin | SomaliTalk.com | Nairobi | Jan
25, 2003
Saakay markii aan tukuday Salaadii Subax ayuu isoo dhacay Telefonkii, waxaa ila
hadlay Wariye aan saaxiib nahay oo ii sheegay in Marxuumka, Axmed Khaliif, Salaadda Janaazada
loogu tukan doono Masjid ku yaala Magaalada Neyrobi, laguna magacaabo South C.
Waxaan isa sii taagay 7.30. Subaxnimo Masaajidkii, waxaan u gudbay halkii uu
yaalay Marxuumka iyadoo lagu mashquulsan yahay hawlihii dhameystirka ee ka
horeeyey aaska, dad farabadan oo qaraabo la’ahaa Wasiirka Ayaan ugu tagay
meesha, dadkii ka soo qayb galay waxay ahaayeen dhamaan Muslimiintii ku noolaa
dalka Kenya, dadkii ay isheydu qabatay waxaa ka mid ahaa, C/Qafuur Buusaiid oo
ah Madaxa Hay’ada Muslimiinta ee Supkem, Maxamed Afay oo ah Wasiirk ku xigeenkii
hore ee Arimaha Dibada, iyo C/Raxmaan Cali Xasan Colow oo kamid ah Mudanaayasha
Barlamaanka ee laga soo doortay Wajir, dhanka Culimada Soomaalida waxaa ii
muuqday qaar ay ka mid yihiin Sh.Maxmed Sh.Cusmaan, Sh.Maxamed Macalin Umal, iyo
Culimo kale oo magac ku leh dalka Kenya, Sh.Umal waxa uu yiri isagoo ka hadlayey aqoontii uu u lahaa Marxuumka, (Ahmedh Khaliif
wuxuu ahaa nin ay Muslimnimadu ku weyn tahay, waxaan leenahay Alaha u naxariisto).
Allaha u naxariistee Ahmed Khaliif jeceylkii ay Muslimiinta Kenya iyo
Soomaaliduba u qabeen waxaa laga dareemayey muragadii haysatay dadkii maanta
isugu yimid Salaadii Janaazada ee saakay, waxaan saakay arkay wiil dhalin yaro
ah, oo igu yiri galabta Ayaan balan lalahaa, maanta wuxuu qado kula balansanaa
gudiga ganacsatada Soomaalida ee Neyrobi, laakin waxasoo dhan waxaa ka soo hor
maray tii Ilaahay, waxaan Ilaahay uga baryeynaa inuu ka waraabiyo janatul
fardowsa aamiin.
Allaha u naxariistee Wasiirku wuxuu ahaa ninkii kor u qaaday tayada goloha
Muslimiinta ee Supkem, muddo dheerna xoghayaha guud ka’ahaa, sidoo kale wuxuu
ahaa
Maamulaha Idacada Iqra Fm, waxaa uu ii sheegay saakay Ridwaan X.C/Wali oo ka
tisran Iqra, in Wasiirku oo ku hawlanaa sidii uu u hirgalin lahaa in Idacada
laga dhagaysto Wadanka Kenya oo dhan,
Waxaan tacsi u direynaa Muslminita Kenya , Soomaalida ku dhaqan Kenya, iyo
Eheladii iyo Qaraabadii uu ka geeryooday Marxuumka Ahmed Khaliif Allaha u
naxariisto.
AAMIIN AAMIIN AAMIIN
Fahad Yaasiin
editor@somalitalk.com
Jan 25. 2003
<><><>
Cabdulqaadir
Mahad Kuno oo Geeriyoodey
Waxa uu ahaa duuliyihii diyaaradii uu
ku dhintay Axmed Khaliif. Meydii Axmed khaliifna waxaa loo duuliyey Wajeer... GUJI...
25/1
Wasiirkii
Shaqada Kenya, Axmed Khaliif Maxamed, oo kugeeriyoodey Shil Diyaaradeed
Allah ha u naxariistee marxuumka oo ahaa wasiirka keliya ee Soomaalidu
kulahaayeen wasiirada dawlada cusub ee Kenya ayaa galabta geeriyoodey kaddib
markii... GUJI...
24/1
|
